Luke 20

1Te deɓ nasa, aman a senda ta ndohi te gi Zhiklè, a njè ta ma mbela'a, ndohi mvi skwi a Zhiklè mbibihia'a, a malamhai, a tsuvom ndohai, ta shkè, a ta gaƌa na:

2Ngra nga, ka gi skwi haha a wuƌi ngè? A mva ka wuƌi haha wa?

3A nenga'a a m'mbeƌa ta a ma:

Ko i ba, i woya man i dzhaƌ kinè: Vamendayè! 4Baptème Jean a shkè te zhiklè te géƌè'a ƌè, ƌè te ndo ƌè?

5Aman tenga'a ta goƌ a va ta:

Aman nga gaƌa: te zhiklè, nenga'a a da gaƌa nga: Kin co ma nenga'a a ndav kinè ɓi èhèmè? 6Aman nga gaƌa: te ndo — ndohi tèlèba ta da kal nga a kwa, aman tèlèba ta huro, Jean ndo nhadka ma.

7A ta mbeƌa na a ma:

Nga sun ɓai.

8A Yèsu a ngaƌa ta:

I ba i ngreda kinè azöai, a wuƌi ngè man i gi skwi haha.

9Te deɓa'a a nhüno man a ngaƋa ta ndohi a ngèlègèƋma haha:

Ndo ngiƋè a ngu gi wof barassa, a mva na a ri a ndohi mizlinè nenga'a, a njèkeda kokwar; a ndo nshèwèlè n'nzi kètè.

10A pats man skwi n'ndha, a nzlündo ɓèl nenga'a staä a sam ndohi mizlinè, aman ta porko na nyi wof. Aman ndohi mizlinè ta tsau, a ta zlündo a deɓa aƋai. 11A nenga'a a nzlinda ɓèl nenga'a ngiƋè; a ta tsau, a ta durƋo, a ta zlinda a deɓa aƋai. 12A nenga'a a nzlündo mamakara'a; aman ta ga na mblè a va nenga'a ba, a ta koldkoƋauda.

13A bi gi wof barassa a ngaƋa: I da gi ma kè? I woya man i zlinƋè kra ga man i woya a ndav ga. Man ta rka nenga'a, wa ngiƋè ba, ta gi horai. 14Aman ndohi mizlinè ta rka'a, tagoƋavata: Nenga'ando n'ndi gai. Vowashkè, ngokuƋokoya, a nga ndi gi nenga'a! 15A ta dzardauda a dal gi wof barassa, a ta keƋa'a. Gar haha bi gi wof barassa a da ga ta mè? 16Nenga'a a shkè, a bazl ta ndohi mizlinè haha, a vi gi wof barassa nenga'a a ri a ndohi ngiƋè.

Aman ta tsena'a, ta gaƌa:

Skwi haha da gu arsa ɓai.

17A nenga'a a mpa ta dai, a ngaƋa:

Na haha, ma mè, man ta windo: Kwa man ndohi nrèm gai ta kwola'a, n'nga'a a kwa nte verzia'a? 18A ndo man a kèlèhi a géƋ kwa haha, va nenga'a a mpasl na. A ndo man kwa a nkala na a gèƋ, a hasleda a pa.

19A malamhai a ndohi mvi skwi a Zhiklè mbibihia'a ta hosso a pats nasa, aman ta fi ri a Yèsu. Aman ta gu zlau ndohai. Ta suna, Yèsu a ngoƋ ngèlègèƌma haha a géƌ tenga'a. 20A ta wèrè'a, a ta zlinde ta ndohi nkotè'a; ta ngwoda va ta a ndohi nzura'a, a ta zeɓia'a: a gi mali te ma na Ƌè? A ta woy a ta pinè'a a sam ndohi mbibihia'a a kita ngomna. 21A ta dzhoƌo;

Ndo njèngè ma, nga suna, ka gèƋè ma a ka senda nga zura'a. Ka gi zlau ndo azɓai, sèi ka njè civèƋ Zhiklè zura'a. 22Amba aman nga pi budu a bi Ƌè, Ƌè ambaɓi Ƌè?

23Aman Yèsu a sun maya shèwa tenga'a, a ngaƋa:

24Vangray suli staƋ! GèƋ ngè, man ta vèhda a pa?

A ta gaƋa na:

A bai.

A nenga'a a ngaƋa ta:

25Gar haha, vava na skwi bai a bai, a skwi Bi Zhiklè a Bi Zhiklè!

26A ta slaha ta gshè'a a géƋ ma nenga'a ɓai, a ta rzl ta a géƋ ma nenga'a, a ta nza tètè.

27Te deɓa'a ndohi sadducée ngiƋè ta shkè. Tenga'a ta gaƋa, nslambaƋkaƋauda te m'metsi azɓai. 28A ta dzhoƋo, a ta gaƋa:

Ndo njèngè ma, Moise a winda nga: Man kramam ndo ngiƋè a m'mets na, ngwoz na a zhè, aman wuda na azɓai, kramam na da co a ngwoz mazai, aman a ya na kra a kramam na. 29A kramamhi tsarad ta zhè. Tsuvoma'a a nco ngwoz, a m'mets na, wuda na azɓai. 30MbegéƋè'a a nco a ngwoz, a m'mets na, wuda na azɓai. 31Mamakara'a a nco, lèmèlèmè ta tsaraƋ tèlèba, wuda ta azɓai, a ta bazl ta. 32Te deɓ tenga'a tèlèba, ngwoz ba a m'mets na. 33A sam nslambaƋkaƋauda, a ngi a ngwoz te va 7 haha wa? Aman ta 7 tèlèba ta co a ngwoz.

34A Yèsu a ngaƋa ta:

Wudahi herkeda haha ta cè ngwoz, a ta Ƌè ngwoz. 35Aman tengahi man ta slaha ta ngècè nshèffè te zhiklè, a ta slambaƋkaƋauda te m'metsai, ta cè ngwoz azɓai, a ta Ƌè ngwoz azɓai. 36Ta slaha a ta metsi te deɓa'a azɓai, aman ta gi lèmèlèmè ara golahi Zhiklè. Ta wudahi Zhiklè, a géƋ man ta wudahi nslambaƋkaƋauda te m'metsai.

37Aman ko Moise a ngreda nga, ndohi m'metsa'a ta slèmbèƋè. A sam vatak wondar, a mbaba na Bai, Zhiklè Abraham, Zhiklè Isaac, a Zhiklè Jacobf 38Nenga'a Zhiklè ndohi m'metsa'a ka ɓai, aman Zhiklè ndohi a nshèffè; a géƋ man te nenga'a tèlèba ta nzi a nshèffè.

39A malamhi ngiƋè ta mbeƋa na a ma:

Ndo njèngè ma, ka goƋ amba.

40A ta gu zlau, aman ta jhèƋè ma ngiƋè a va'a. 41A nenga'a a ngaƋa ta:

Na haha mè, aman ta gaƋa: Kristi kra David. 42A David a ri na, a ngoƌ te ƌèlèwèr Psaume: Bai a ngaƌa na bi ga: 43Nzahai a civèƌ ri mandi ga, ha i pe ta mayamhi ngaya a hwaƋ sak ngaya. 44Aman David a ri na a baba na Bai, kos verzi na èhèmè?

45Aman ndohi tèlèba ta tsena'a, a ngaƋa ta golahi nenga'a:

46Vagu maya a sam malamhai! Ta woy a ta shèwèlè a dawar a va, a ta woya ndohi ngiƋè ta ga ta mbalai a luma, a ta woy sam n'nzi a ma te gi njèngè ma Zhiklè, a sam n'nzi mbela'a a ma, te ngolala. 47A ta ndi gi ngwozi mazihai, a ta gi ara man ta tsi ri kumba, a sam di ndohai. Kita tenga'a a gi wuƋitpa holhola'a.

Kasalukuyang Napili:

Luke 20: MAFNT

Haylayt

Ibahagi

Kopyahin