Mga Salmo 95
95
Awit sa Pagdayeg
1Dali kamo, daygon ta ang Ginoo!
Mag-awit kita nga malipayon ngadto sa Dios nga atong tigpanalipod.
2Moduol kita kaniya aron pagpasalamat
ug awitan ta siyag malipayong mga awit sa pagdayeg!
3Kay ang Ginoo gamhanang Dios,
gamhanang hari nga labaw sa tanang dios.
4Nagmando siya sa tibuok kalibotan
gikan sa kinahiladman sa yuta ngadto sa labing taas nga kabukiran.
5Nagmando siya sa dagat nga iyang gibuhat
ug sa yuta nga iyang giumol.
6Dali kamo, mangyukbo kita ug mosimba kaniya;
mangluhod kita atubangan sa Ginoo nga atong Magbubuhat!
7Siya#Heb. 3:15; 4:7. #Heb. 3:7-11. ang atong Dios;
kita ang katawhan niya nga iyang giatiman,
ang panon nga iyang giamuma.
Pamatia karon ang iyang gisulti,
8“Ayaw#Exo. 17:1-7; Num. 20:2-13. pagahia ang inyong ulo sama sa inyong katigulangan didto sa Meriba
ingon man didto sa kamingawan sa Masa.
9Didto gisulayan nila ako
bisag nakita nila ang akong gibuhat alang kanila.
10Sulod sa 40 ka tuig wala ako malipay niadtong mga tawhana.
Miingon ako, ‘Pagkamasupilon nila!
Nagdumili sila pagtuman sa akong mga sugo!’
11Nasuko#Num. 14:20-23; Deut. 1:34-36; Heb. 4:3, 5; Deut. 12:9-10. ako ug nanumpa,
‘Dili gayod kamo makasulod
sa yuta nga akong papahulayan kaninyo.’”
Kasalukuyang Napili:
Mga Salmo 95: RCPV
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 1999 Philippine Bible Society