MATEYO 9
9
1YI akakondela mu kibusu, akasabuka, yi akalwa ku bula bwanci.
2Yi mona, bakacwala kudiyi muna mbôyaponde, uxembamini pa bolelo ; yi Yisu, pakamonayi kwetabusa kwabo, akatôyela muna mbôyaponde ene, Kolesa mucima, mwana ; mabi ebe adi malekyela.
3Yi mona, banga bena mikanda bakaditôyela ene, You muntu atangola Ncembi. 4Yisu lolo akalubukwa nkanyi yabo akatôya ene, Kukai nonu nwakanyakanya malo mabi mu micima yenu ? 5Kinani kiamadika lungwoso ; ndo kutôya ene, Mabi ebe adi malekyela ; sungu ene, Bika, enda ? 6Kaninga, binuxelubukwa dia Mwana a Muntu ene, udi yi bumanya paxi bwa kulekyela mabi (akatôyela lolo muna mbôyaponde), ene, Bika, ongula bolelo bwebe, yaka ku ncibo ebe. 7Yi akabika, yi akaya ku ncibo anci. 8Mo pakamona bimbukuma bakadi yi bowa, yi bakatumbisa Ncembi akapa bantu bumanya bwa noku.
9Yi Yisu, pakadikayi koku, akamona mwamulumi uxikamini mu ncibo a milambu, dina dienci ene, Mateyo, yi akamwambila ene, Unguiandudili. Yi akakwemana, akamulandudila.
10Yi pakadi amaxikama ku mesa mu ncibo, mona basangi ba milambu bangi yi boni bakalwa xikama ku mesa yi Yisu yi beyi banci. 11Pakamona baFalixi bakatôyela beyi banci, ene, Kukai Mweyexi enu udedya yi basangi ba milambu yi boni ? 12Kaninga pakakwombwayi, yei ene, Bobo badi yi mpinyu kabasokwabila ñanga ; kate bobo badi yi kusama. 13Mo nuyi eya kikoma kieki, ene, Ngwakyeba mwengo, kumoni dilongi ; bwalo buntasolwa kulwa bikila bena nkwami, kate boni.
14Kunyuma beyi ba Yoano bakalwa kudiyi ene, Kukai coco bamancila bidya mancila mangi, yi baFalixi, mo beyi bebe kabasoncila ? 15Yi Yisu akabambila ene, Bana ba ncibo a dibakwa babili kudila pakala mwangaci a dibakwa ukidi yinabo ? Mo matuku analwa anabancudibwa mwangaci a dibakwa ; kunyuma lolo kunancilabo. 16Kaninga muntu kasobaka kibakilu kia mbuxa mupyamupya ku kilamba kinyanyuki, bwalo bunancuka kibakilu ku kilamba, yi ditundu dinadika bunene. 17Bantu kabidi kabasoteka finyo mupyamupya mu bixeba bia kalikali, ximbi bixeba bixetondoka, yi finyo unacakana, yi bixeba binafwa ; kate bantu bateka finyo mupyamupya mu bixeba bipyabipya, yi bintu biamabumbibwa bubidi bwabio.
18Pakadi utanabambila bintu bebi, mona, fumu munga akalwa muxingila ene, Mwanami a babakaxi utani pa kufwa mo nkyekyu ; kate belwa baka kianca kiebe kulu kwanci, unapanda. 19Yi Yisu akabika, yi akamulabela yi beyi banci.
20Yi mona, mwamukaxi akadi yi kusama kutanancuka ncuka maxi, kwa mbula disangi yi ibidi, akalwa kunyuma kwanci yi akabaka mwombangi ă kifunda kienci kianca ; 21bwalo bwakaditôyelayi munda mwanci, ene, Ndo nakubaka isa kifunda kienci kianca nakupanda. 22Mo Yisu akakulumuka, yi pakamumonayi, akatôya ene, Kolesa mucima, mwana ; kwetabusa kwebe kwapukupandisa. Yi mwamukaxi akapanda pa ola you.
23Pakafika Yisu ku ncibo a fumu, akamona bena mixembi yi bantu batanateka mulaku, 24yi akatôya ene, Nubatuki, bwalo butena muxika mufu, kate amalala tulu. Yi bakamukyeca. 25Kaninga pakabatuxibwa bantu, yei akabwela, yi akakwata kianca kienci ; yi muxika akabika. 26Yi mwoximo aku akacakana ku bungi bwa mbata you.
27Pakadika Yisu koku, bafofo babidi bakamulanda, badi mu kudila ene, Utwombwelapo mwengo, Mwana a Dafidi. 28Pakafikayi lolo ku ncibo, bafofo bakalwa kudiyi. Yi Yisu akabatôyela ene, Nonu nwapwetabusa ene, meme mbili kukisa noku ? Bakamwambila ene, E Fumu. 29Yei lolo akabaka meso abo bianca ene, Lwedi lwa kwetabusa kwenu lunukixidibwi. 30Yi meso abo akadipudibwa ; yi Yisu akabalanga ene, Nuncili ndo kulubukisa muntu. 31Kaninga bakabatuka, yi bakakumbula kumbula dina dienci mu mbata you, bungi bwanci.
32Mo pakadi baba batanancuka, mona, bakacwala kudiyi muna kimeme amakwacibwa kudi kidimu kibi. 33Yi pakadi kidimu kibi kiamapaudibwa, muna kimeme akatôya. Yi bimbukuma biakakama ene, Nako kakwamonebwa pô mu Isalele. 34Kaninga baFalixi bakatôya ene, Yei ndo apaula bidimu bibi kudi fumu a bidimu bibi.
35Yi Yisu akatanga bungi bwa mala yi tunkyenda, udi mu kweyesa eyesa mu bixingidilu biabo, udi mu kwambila ambila losangu lunengela lwa bufumu, udi mu kuncula ncula kusama kwoso yi bubombu bwoso bwa mumbidi. 36Mo pakamonayi bimbukuma akabasambanina, bwalo bwakapwangwabo ; yi bakakadeyebwa bea luna mikwakwa yitena yi kalama. 37Akatôyela beyi banci lolo, ene, Masangu amapya adi mangi sôsôlwo, kaninga basadi badi bunya ; 38mbwôso nuxenguii Fumu a masangu atumi basadi ku masangu anci.
Kasalukuyang Napili:
MATEYO 9: Luna_NT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© La Société biblique de Genève
