MATEYO 10
10
1YI akabikila beyi banci disangi yi babidi, yi akabapa bumanya kulu kwa bidimu bia mbindu, bwa kubipauia, yi bwa kuncincidisa kusama kwoso yi bubombu bwoso bwa mumbidi.
2Mena lolo a batumibwi disangi yi babidi adi noku ; ku buxi, Ximono amabikidibwa ene, Pita, yi Andelo mwakunyenci ; Yakobo a Sebede, yi Yoano mwakunyenci ; 3Filipi yi Batolomo ; Tomasa yi Mateyo musangi a milambu ; Yakobo a Alifayo, yi Tadayo ; 4Ximono a Kyenene ; yi Yudaxi a Ixikalioto, akamwenga kunyuma.
5Yisu akatuma disangi dedi yi babidi, yi akabatôyela ene, Kanuyi mu ncila a mabila, kanubwedi mu bula bwoso bwa bena Samalia ; 6kaninga nuyi ku mikwakwa yamabungwa ya nkumbu a Isalele. 7Binwendenda iolo, nwambili ene, Bufumu bwa diulu bwamakokyela pepe. 8Nuncincidisi bena mabombu ; nubisi bafu ; nususuli bena sudi ; nupauli bidimu bibi ; nwapwangata kanana, nupi kanana. 9Kanuditekyedi ndo ôlo, ndo mpalata ndo kiengele mu ndengi yenu, 10ndo mwosokye ku bwalo bwa ncila, ndo binkutu bibidi, ndo makaka, ndo mulangala ; bwalo bwalelekyela musadi yi bidya bienci. 11Kaninga mu bula bwoso bunwabwela ndo kankyenda, nwapangusi udi yi n wami momu ñani, yi nusali koku noku binunancuka kabidi. 12Binwabwela mu ncibo nubeli môyo. 13Aka lolo ncibo amalelekyela sôsôlwo, polo enu alwi kulu kwanci ; kaninga ndo kasolelekyela, polo enu anupiñanini. 14Oka udi muntu utasonwangata, utasokwombwa meyi enu, binwancuka mu ncibo you, ndo mu bula bobu, nudikupululi yimbwi ya makasa enu. 15Nwatôyela sôsôlwo ene, Kubedebwa kwa bula bobu kunadika kubelebwa kwa mbata ya Sodomo yi Ngomola ku dituku dia lopelo.
16Numoni, meme nwatuma bea mikwakwa pakacikaci pa ngasama ; mbwôso nwakali yi bwanya bea nyoka, kutena buluba lolo bea bimbenga. 17Kaninga nudimuki ku bwalo bwa bantu ; bwalo bunanuongolabo kudi bikokye, yi bananukuma bintu mu bixingidilu biabo ; 18yi nunacwadibwa ku mpala ya milopwe yi bafumu ku bwalo bwamene, ndo kutôbôla ntôbô kudibo yi kudi mabila. 19Oka lolo banwalongola, kanwakadi yi mutete mununatôya ndo binunatôya, bwalo bunanupebwa binuxetôya ku ola you. 20Bwalo butena nonu badi mu kutôya, kate Mwoxixi a Tetenu ndo atôya munda mwenu.
21Mo mwana a mama unalongola mwana a mama ku lufu, yi tete, mwana ; yi bana banatanda yi bateteabo yi bamamabo yi banabatombokyela ; 22yi nunanyafianibwa kudi bantu boso ku bwalo bwa dina diamene. Mo you unakala amakwemana ku sula, yei unapandixibwa.
23Kaninga pananukolomonabo ku bula bobu, nuyi mangwoso ku bunga ; bwalo bunwatôyela sôsôlwo ene, Kanunamana kutanga mala a Isalele buxi bunaiwa Mwana a Muntu. 24Mweyi kasodika mweyexi anci, yi musadi kasodika fumwanci. 25Kunalelekyela ndo mweyi unakala bea mweyexi anci, yi musadi bea fumwanci. Ndo bamakwenyika fumu a ncibo ene, Belesebubu, kabanadika bwalo bwa bena ncibo anci ? 26Mbwôso kanubacini ; bwalo butasobucikibwa bwalo butasokwebexebwa, ndo bwa busoko butasolubukibwa. 27Diembi dinamanutôyela ku mwedima, nonu nuditôyi ku obo, yi bwalo bunwombombwa ku dicu, nonu nubwambili kulu kwa ncibo.
28Kanucini bantu baxipa mumbidi batabiyi kuxipa kidimu ; kaninga nucini you ubili kuncimisa yi mumbidi yi kidimu mu dilungu. 29Bisompwodya bibidi ka biamakwodixibwa ku kampalata kamokamwe ? yi kimokimwe kakisopona paxi kutena Tetenu ; 30kaninga isanga nyonyi ya mucwe ěnu yamabadibwa bungi bwayo. 31Mbwôso kanucini ; nonu nwamadika bisompwodya bingi diso. 32Mbwôso muntu mwoso unangusakola ku mpala ya bantu, meme kabidi nakumusakola ku mpala a Tetemi udi mu diulu. 33Kaninga muntu mwoso unanguyafiana ku mpala ya bantu, meme kabidi nakumunyañana ku mpala a Tetemi udi mu diulu.
34Kanukixi ene, napulwa kulwa tuma polo paxi ; kiluli ndo kutuma polo, kate mwele. 35Bwalo bunapulwa kulwa atolananisa muntu yi tetenci, yi mwana a babakaxi yi mamanci, yi mukwa yi mukwanci ; 36batandafiani yi muntu banakala bena nkumbu anci. 37You adika kunanga ndo tetenci ndo mamanci, kumoni meme, kasolelekyela yi bwalo bwamene ; yi you adika kunang a mwananci ndo a babalumi ndo a babakaxi, kumoni meme, kasolelekyela yi bwalo bwamene.
38You kabidi utasokwongula nkulusu anci kulwa ngulandudila kasolelekyela yi bwalo bwamene. 39You asokolola môyo ănci unauncimisa ; you lolo amancimisa môyo ănci ku mucwe ămene unausokolola.
40You amanwangata nonu amangwangata meme, yi you amangwangata meme amangata you akangutuma. 41You angata mudimuxi ku dina dia mudimuxi unangata sayi a mudimuxi ; you lolo angata muna nkwami ku dina dia muna nkwami unangata sayi a muna nkwami. 42Yi muntu mwoso unanusa kana kamokamwe ka babaki baba isanga mpamba a mai ku dina dia mweyi, meme nwatôyela sôsôlwo ene, kanakodya kwangata sayi anci pô.
Kasalukuyang Napili:
MATEYO 10: Luna_NT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© La Société biblique de Genève
