ZEKHARIAH 5
5
A Zammi Cazual Hmuhnak
1Ka hun zoh sal ih thli lakah cazual a zam kha ka hmu. 2Vancungmi in, “Ziang so na hmuh?” tiah i sut. Kei in, “Thli lakah cazual a zammi ka hmu. Cuih cazual cu dong kul a sau ih dong hra a kau,” tiah ka ti.
3Cutikah ka hnenah, “Hi cazual parah hin hi ram ih a thleng dingmi siatserhnak an ngan a si. Hmaikhat ah hi ram ihsin rukru hmuahhmuah hlonhlo an si ding tiah an ngan; khatlam ahcun siatcam in thuphan a permi hmuahhmuah tla hlonhlo an si ding tiah an ngan. 4Cungnungbik Bawipa in, cuih siatserhnak cu keimah in ka suahter ding ih rukru innsung le siatcam in thuphan a pertu innsung kipah a thleng ding, tiah a ti. Cuih siatserhnak cu an innsungah a caam ding ih cuih inn ih thing siseh lungto siseh a siatsuah ṭheh ding,” tiah i ti.
Bawm Sungah Nunau A Hmuhnak
5Vancungmi cu a ra lang sal ih, “Zohhnik, thildang pakhat a ra thleng ding!” tiah a ti.
6“Ziang so a si?” tiah ka sut.
Anih in, “Bawm pakhat a si ih cuih bawm cu leilung pumpuluk ih sualnak can ai a si,” tiah i ti.
7Cuih bawm cu sin a nei ih suan in tuahmi a si. Ka hmuhhngan ah a sin cu an ong ih a sungah cun nunau pakhat a rak to.
8Vancungmi in, “Hi nunau cu ṭhatlonak ai-awhtu a si,” tiah a ti. Cule cu nu cu bawm sungah cun an nam cih ih a siin a vun sin. 9Ka hun zoh ih nunau pahnih vaca thla vek ih a cakzet thla pawl thawn ka lam ih an ra zam kha ka hmu. Bawm cu an cawi ih an zampi hlo.
10Cutikah vancungmi cu, “Khuiah so an fehpi ding?” tiah ka sut.
11Anih in, “Babilon ah an fehpi ding ih cutawkah a hrangah biakinn an sak sak ding. Cuih biakinn an sak ṭheh tikah bawm cu biak dingah cutawkah an ret ding,” tiah i sim. Guam.
Kasalukuyang Napili:
ZEKHARIAH 5: FCL
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Falam Bible Revision © Bible Society of Myanmar, 2002.