Maariko Obhutangati
Obhutangati
Ekitabho kinu ꞉kyakaamirwe na Maariko. Maariko unu, ayandi ꞉aatogwaga Yowana, ebhaga erindi ꞉aatogwaga Yowana Maariko. ꞉Aariga ari owumwi wa Abhakiriisitu bha okwamba (Ebhikorwa bhya Abhatumwa 12:12). ꞉Aariga ˆnaaribhatira amwi na abharaasha bha Amangʼana Amajomu rwa Pawuro (Ebhikorwa bhya Abhatumwa 13:1-13), Bharinaabha (Ebhikorwa bhya Abhatumwa 15:36-41), na Peetero (1 Peetero 5:13).
Mu-kitabho kinu, Maariko ꞉aariga ˆnaakaamira Abhakiriisitu bha mu-musi gwa Ruumi. Akabhaga kayo omukama Neero niwe ꞉aariga ˆnaatunga, na ꞉bhyariga bhiriwo ebhinyansho bhyafu ku-Bhakiriisitu. Maariko ꞉aariga ˆneenda okusimbiisha Abhakiriisitu mu-bhwikirisha na okubhabhwira ati yeenderwe bhanyansibhwe rwa kutyo Kiriisitu ꞉aanyankire okuyikira okufwa kwaye.
Maariko keeresha insonga ya okukaama ekitabho kinu (Maariko 1:1). Keenda abhasomi bhaaye bhamenye ati, Yeesu niwe Kiriisitu, unu Nyamuwanga ꞉aatumire rwa kutyo ꞉aariga aragire.
Kasalukuyang Napili:
Maariko Obhutangati: kya
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
© 2023, Wycliffe Bible Translators, Inc. All rights reserved