Kenesis 6
6
1Mō metepū ma irora ōveteme dūmulegetevtevi ra nemap, mōvun nĭtnĭme ĭtnasiven dumprokomol en irora. 2Mirora ōvun nĭtnĭme ĭtnateman eni Nōbū dūmokes‐ōra ōvun nĭtnĭme ĭtnasiven en irora ōveteme ma irora fanasiven, mirora dūvī ovasiven nĭsekonda sugkū irora dū?-?tampol‐ōra.
3Im Iehōva yenūwi memokū, Naviat enyx otū onate?-?kĭsah ĭndōwi dal irora ōvēteme; irora umnelesamrug fan; kō dan sū en irora wanti nevi su wun hunder ĭm twenti.
4Mōvun netūrapūm dūti ra nemap ran dan sū mori; penūri pol sugkū ōvun nĭtnĭme eni Nōbū dūmūve ūnesog pun ōra ōvun nĭtnĭme ĭtnasiven en irora ōveteme, mō mūti numprokomol ōvun nĭtnĭme en irora, mori ĭtnĭmpris dūti oveteme nari.
5Im Nōbū yĭmokesi ma ōvun satĭndi en irora ōveteme dūtĭn tamas ra nemap, ĭm tarū sū omwisū ūnōwanda sū dūti netevū‐tarū sat wokon ĭndōwi. 6Im Iehōva yĭmorĭgi sat popōwo iyi yĭpmumpi neteme ra nemap, miyi yĭmo?-?rĭgumpūnū ugi ūnōwan eni. 7Im Iehōva yōmenūwi memokū, Ya īyokceki irora ōveteme, mōvun nūrah sū, mōvun tiame sū umproketavekarara, mōvun menok ūnēī; ĭt ya kum mandĭgumpūnū ma yx mumpi irora. 8Kō Iehōva yĭmokesi ves Nōa.
9Palsi sū eni Nōa dūti ĭmo sū; Nōa yeti tanepō ves mō mimnumpi aremī ra palsi sū eni; ĭm Nōa yĭmnavan ūndū Nōbū. 10Mōvun nĭtnĭmen desel, Sem, ĭm Ham, ĭm Yafet, dūti numprokomol eni Nōa.
11Im nemap yĭmpū ūnĭpmi eni Nōbū; nemap yeti novūarugi ov nareki sat sū en irora ōveteme. 12Im Nōbū yĭmtelasep ra nemap, ĭm pah! pe nemap yovĭtara, ĭt irora fan omwi sū yemĭmpū ōvun selat sū en irora ra nemap. 13Im Nōbū yĭmenūwi pugi Nōa memokū, pe nelehōvan ra fanda omwi sū oti ūnĭmtug; popōwo nemap oti novūarugi ov nareki sat sū en tamas en irora ōveteme, ĭm pah, ya īontĭvavtĭti irora ugi nemap.
14Umpi nĭsekom sī lō tamas gi nē kofer; mōvun sĭlebōk ūnesog lō mori, kampūli pe gi nagī ratūnesog ĭm ratilat. 15Kĭk anteri pe sugkū imō; pe tantop ark kūbĭt tri hunder, ĭm sē nelepon mori, kūbĭt fĭfti, mĭlūo ark, kūbĭt turti. 16Kĭk onumpi nilara ra lō mori ĭm ran tan kontampoli pe ra sī kūbĭt; ĭm kĭk antipe sī pūketampet ra ark ra nokoren; ĭm kĭk onumpi tī en temne sīugi, ĭm dūrūgi, ĭm deselugi, ra mumpon lō mori.
17Im yx, pah ya kampī ĭm pelum nōisap nū sū ra nemap woretĭvavtĭti fan omwi sū gi nesumsah nomūrep ūnesog, ra mumpon ūnēī, ĭm tiame sū mori ra nemap wamas. 18Im nam unam enyx antĭndōwi ūndū kĭk, ĭm kik ampelum ra mumpon ark, kĭk mirora ōvun nĭtumo, miyi retepmi mōvun reteponeme en irora ōvun nĭtumo dal kĭk. 19Im kĭk ontōr‐ōra ūnesog ark dal kĭk, marugi fan omwi sū mori umūrep, dūrūgo en tiame sū, worefĭnte momūrep en irora; mirora wanti ĭtnateman mĭtnasiven. 20Mō marokonda ōvun menok sū, ugi potni pe en irora, mō marokonda ov nūrah sū en tamas, ugi potni pe en irora; mō marugi en tiame sū ra nemap ugi potni pe enirora; dūrū en tiame sū wampelum pug kĭk, worefĭnte nomūrep en irora.
21Im kĭk ampī nĭsekom marugi nevag omwisū mori otĭ?-?neni, mō mesĭmsĭmugi pe nevag nĭsekom woreti nevag nĭsekom, ĭm nĭsekonda. 22Im Nōa yumpi sugkū; ugi nam omwi sū mori Nōbū yenūwi pugi, iyi yumpi sugkū.
Kasalukuyang Napili:
Kenesis 6: ERGOT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Published by the British and Foreign Bible Society: Genesis in 1914, and Ruth in 1932.