St. Maheu 11
11
Pennad XI.
1Ha p’en doé reit Jesus é hourhemenneu d’en deuzec disciplèd, ean e yas guit ag er léh‐cé de zisquein en dud, ha de predêgue én ou hærieu.
2A pe gleuas Yehan, en é rangenneu, mêlein oberieu Jesus‐Chrouist, ean e gassas deu ag é zisciplèd de houlenne guet‐hou:
3Ha hui‐é en hani e zeli donnet, pé ha ni e zeli gortoz un arall?
4Jesus e laras tehai: Quêrhet de zevis de Yehan er péh e hoès cleuet ha guélet.
5Er ré e oé dall e huéle, er ré mahignet e guêrhe, er ré lovre e zou gùelleit dehai, er ré bouar e gleu, er ré varhue e zou bihue arré; en avièl e zou perdêguet d’er beurerion.
6Hag eurus en hani ne gavou quet en arben‐a‐lam diarben me hanhue.
7Ne oent quet oueit mad hou hent, ma hum laquas de gonz a Yehan, ha de laret d’en dud: De huélet petra é oh‐hui oueit d’en distrô? de huélet ur gorzen foêttet guet en ahuél?
8Mæs de huélet petra é oh‐hui oueit d’inou? de huélet un dén gusquet guet dillad tinér? Gout e ret é ma é tyer er rouanné é cavér en dud‐zé.
9De betra é oh‐hui oueit enta d’inou? de huélet ur profæt? Ia, m’el lare d’oh, ha guel eid ur profæt.
10Rac a hennéh é ma scrihuet: Me gasse me Æl én hou raug de campenein en hent d’oh.
11E guirioné e laran d’oh, penaus é vesq er ré e zou ganet a groagué, n’ès bet hani brassoh aveid Yehan‐er‐Badéhour: Neoah en hani bihanan én Ranteleah en Nean e zou brassoh aveid‐hou.
12Mæs a houdé déieu Yehan‐er‐Badéhour, betig vremen, Ranteleah en Nean e zou bet queméret dré nerh, ag en dud nerhus e guemér anehou.
13Rac en ol brofæted hag el lézen en dès diouganet betig Yehan.
14Ha mar fell d’oh laquat én hou squiant; ean e zou Elias, péhani e zeli donnet.
15Cheleuet neb en dès discoharn de gleuet.
16Mæs doh petra e ma haval er Rumad‐tud‐men? Haval é doh bugalé azeét ér marhat‐léh, péré e huid d’er bugalé pelloch.
17En ul laret: Zônnet hun nès arh binieu, ha n’hoès quet corolled; cannet hun nès hirvoudeu d’oh, ha n’hoès quet canvaouet.
18Rag Yehan e zou deit hemp na daibrein, nag ivein, hag ind ès laret: Bout en dès un droug‐sperèd.
19Deid é Mab en Dén péhani e zaibre hag e ive hag e larant: Chetu en dén lontek, hag en iver guin, minion d’er bublikénèd ha de béherion; hag er furnæz e oé discleriet guet é vugalé.
20Nezé ean e n’hum laquas d’hobér tamalleu d’er hærieu én peré en doé groeit en darn muian ag é vurhudeu, diarben n’ind doé quet distroeit d’en Eutru Doué.
21Goah tóh Corazin! Goah tóh Betsaida! rac ma vehé bet groeit é Tyr ag é Sidon er vurhudeu e zou bet groeit én‐hoh, pell zou ind ou dehé groeit pinijen ér siér‐reun hag el ludu.
22Rac‐cé e laran d’oh: Quentoh e vou distollet de Dyr ha de Sidon, en dé er varn, aveid d’oh‐hui.
23Ha hui Cafarnaum, péhani e zou bet sàüet betig en Nean? hui e vou izélet betig en Ihuern: rac ma vehé bet groeit é Sodom er vurhudeu e zou bet groeit én‐hoh, chomet vehent marcé betig hinihue.
24Rac‐cé e laran d’oh, penaus e vou quentoh distollet de zouar Sodom, én dé er varn aveid d’oh‐hui.
25En amzér‐zé Jesus e laras: Hou meûlein e hran, me Zad, Eutru en Nean ag en douar, dré m’e hoès cuhet en treu‐zé d’er ré fur hag d’er ré houisiec; ha dré m’e hoès dizoleit anehai d’er vugalé vihan.
26Ia, me Zad: rac él‐cé é ma bet cavet mad guet‐n‐hoh.
27Pep tra e zou bet reit d’eign‐mé guet me Zad: ha dén ne hanàue er Mab meid en Tad: ha dén ne hanàue en Tad meid er Mab, hag en hani de péhani e vou fellet guet er Mab en dizolein dehou.
28Deid devad‐on, hui ol péré e zou scuéh ha zammet, ha m’hou tiboéniou.
29Queméret me iôg arh‐n‐oh, ha desquet guet‐n’eign penaus on cunff ha vuel a galon, ha hui e gavou er peah én hou ineaneu.
30Rac me iôg e zou cunff, ha mem béh e zou scan.
Kasalukuyang Napili:
St. Maheu 11: MAT1858
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Published in London in 1858.
