Met 1
1
Ntéane biôm
(Né 9:6; Sam 124:8; Yer 32:17; 10:12; Rm 1:20; Nli 4:11; Yo 1:1-3)
1Atata'a, Zambe a nga té yôp a si.
2Si é nji bi ngum éyeka'a nalé fe teke jôm été; dibi é mbe atane beta yee; ve Nsisime Zambe ô mbe ô tyiñela'an e mendime yôp.
3Zambe nye na: Efufup é bo'ok! A éfufup é nga bo. 4Zambe a nga yene na éfufup é ne mvaé, a Zambe a nga kandé éfufup baa dibi. 5Zambe a nga loon éfufube na *môs a dibi ke na alu. Ngô'é jia a tyé jia: *môs ôsu ñwô le.
6Zambe nye na: E ñyem ô bo'ok e zañe mendim asu ya kandé mendim a mendim. 7Ane ñhe Zambe a nga bo e ñyeme te, a kandé mendim me ne e ñyeme si a ma me ne e ñyeme yôp. Nalé a nga boban. 8Zambe a nga loone ñyeme na yôp. Ngô'é jia a tyé jia: môse baa ñwô le.
9Zambe nye na: Mendim me ne yôbe si me kô'ane vôme wua a na éfas é ne nkôt é yené'é. Nalé a nga boban. 10Zambe a nga loon éfas é ne nkôte na si, a éndendame mendime na mañ. Zambe a nga yene na nalé a mbe mvaé. 11Wôna Zambe a nga jô na: Si é kuik bilok bi be'e memvoñ avale dap, nalé fe bilé bia wume bibuma bi be'e memvoñ avale dap. Ane nalé a nga boban. 12Si é nga kui bilok: élok ése mvoñ avale dé, a bilé bia wume bibuma, bi bili mvoñ avale dap: Zambe a nga yene na nalé a mbe mvaé. 13Ngô'é jia, tyé jia: môse lale ñwô le.
14Zambe nye na: Ateté e bo'ok e ñyeme yôp, asu ya kandé môse baa alu; ateté te e too mendem ma liti biyoñ, mimôs a mimbu; 15nge di e ne e ñyeme yôp, asu ya faé si éfufup. E nga bobane nalé. 16Zambe a nga kôm ateté abaé e ne menen, wu ô ne anen asu ya jôô a amôs, wu ô ne tyôtyoé asu ya jôô a alu; a nga kôme fe ateté avok. 17Zambe a nga telé de ébaé yôp asu ya faé si éfufup, 18asu ya jôô a amôs, a asu ya kandé éfufup baa dibi. Zambe a nga yene nalé mvaé. 19Ngô'é jia a tyé jia: môse nyini le.
20Zambe nye na: Mendim me tame jaé ne lut a bitétéa bi vee, a na e *si nyô anon é yele'e e ñyeme yôp. 21Zambe a nga té betite be mañ be ne menen mevale map, nalé fe bitétéa bi vee bi jo'ok, bi bo'o mendime na me fô'ôsan abui; a nga té fe ônon ôse ô be'e mefap avale dé. Zambe a nga yen na nalé a mbe mvaé. 22Zambe a nga botane bie a jô na: Bian a fôé a jalé mendim me mañ; a na anon é fôék e *si nyô. 23Ngô'é jia, tyé jia: môse tane ñwô le.
24Zambe nye na: Si é tame biaé bitétéa bi vee mevale map, betit, bitétéa bia woñ, betite ya si, jia ése y'été avale dé. Nalé a nga boban. 25Zambe a nga bo betite ya si avale dap, bone biyem avale dap, betite bese ba woñe si avale dap. Zambe a nga yene na nalé a mbe mvaé.
26Zambe nye na: E mbo'one môt a éve'ela jangan a funa'ane bia, asu ya na a jôô kose mañ, anone ya yôp, bone biyem, si ése a betite bese ba woñ.
27Zambe a nga té môt a éve'ela jé;
a nga té nye a éve'ela Zambe
fam a minga a nga té be.
28Zambe a nga botane be a Zambe a nga jô be na: Bian a fôéan, jala'ane si a jôô je. Jô'ane kose mañ, anone ya yôp a tit ése ja woñe *si nyô. 29Zambe nye na: Mi lôô ma ve mia élo'o ése é be'e mvoñ a e nje é ne *si nyô ése, nalé fe élé ése ja wume bibuma é be'e mvoñ: bidi bienan e mbie le. 30E mfa'a tit ése ya si, ônon ôse ya yôp, jôm ése ja woñe si é bili mvebe ényiñ, ma ve be élo'o ése é bili nyôle kaé élok ane bidi. Nalé a nga boban.
31Zambe a nga yene na jôm ése a nga bo é mbe mvaé. Ngô'é jia, tyé jia: môse samane le.
Kasalukuyang Napili:
Met 1: BDCB
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Bible en langue Bulu © L'Alliance Biblique du Cameroun, 2007, 2015.