Nikumoona 9
9
Nikumoon IX.
1Ke ga nunaskoomitin, O Muneto, missewā ne’tā̔ o̔che: ne ga ayimootān ka̔keyow ke mamuskache isse̔chekāwina.
2Ke ga muma̔takoohin mena na̔āye̔tumehin: ne ga nikumoostān ke We̔yoowin, O Muneto keya mamowāyus āspa̔kāye̔takooseyun.
3Ka pukwasitchik ā usātissa̔hoo̔tchik: kitta pu̔kisinwuk mena kitta nissewunatissewuk ket astumewini̔k.
4Weya ā ke̔ natumoweyun: ke ke̔ ooyuppin ke̔che uppewini̔k kwiusk ka itussoowāyun.
5Ke ke̔ kitootawuk āka ka ayumehatchik, mena ka̔ nissewunachehutchik oomuchatissewuk: ke ke̔ kasehumwan oo we̔yoowinewaw kakekā mena kakekā.
6O keya pākwasewāyun, nissewunachehoowina ke̔ ooche̔chepuyewa mosuk ā kesipepuyikee: tapiskooch unehee waskahikuna ka ke̔ nissewunache̔tayun; oo kiskissetotakoowinewaw keke nissewunatissewuk.
7Maka ka Tipāye̔chekāt kakekā kitta e̔taw: ke̔ kwyache̔taw mena oot uppewin ā we̔ ooyussoowāt.
8Weya kitta ooyussoowatu̔k uske kwiusk itatissewini̔k isse: mena kitta meeyāo tapwā ooyussoowāwin ayiseyinewa.
9Ka Tipāye̔chekāt mena kitta natumowāo ka kitimahimee̔t: kitta natamoosta̔t tu̔twaw ā ayimissee̔k.
10Mena unekee ka kiskāye̔tu̔kik ke We̔yoowin ke ga mumisseetotakwuk: weya keya, Tāpāye̔chekāyun, numma we̔kach ke noo̔tāpuyin unekee ka nutoonaskik.
11O mume̔chimee̔k ka Tipāye̔chekāt ka ayat Sioni̔k: wapu̔teye̔kook eyinewuk oot i̔totumoowina.
12Weya, kukwāchi̔kāmootche mi̔ko o̔che, kiskissetotowāo: mena numma wunekiskissetotowāo ookitimakissewa.
13Kissāwatotowin, O Tāpāye̔chekāyun; nakutowapu̔ta ka isse ayimehitchik ka pukwasitchik: keya ka wuniskaneyun nippoowini̔k iskwa̔tāmi̔k o̔che.
14Kitta wapu̔teyewāyan ka̔keyow ke mume̔chimikoowina pee̔tokwumi̔k Sioni̔k: ne ga muma̔takoosin ke pimachehoowāwini̔k.
15Āka ka ayumehatchik eyinewuk pee̔chepuyewuk wati̔kani̔k ka ke̔ ose̔tatchik: āwukwune kā̔chewak a̔yupeä ka ke̔ katatchik kemooch, oo’sitewa̔k nukwatikwuk.
16Ka Tipāye̔chekāt kiskāye̔takoosew ā ooyussoowāt: oomuchatissew nukwatik kā̔chewak oot utooskāwina.
17Oomuchatissew kitta isitissa̔waw muche iskootā̔k: mena ka̔keyow ayiseyinewuk ka wunekiskissetotowatchik Munetoowa.
18Weya ookitimakissew āka kakekā kitta wunekiskissetota̔t: oo’ seepeyowāsewin ooyoospisseew numoweya kitta nissewunatuneyew kakekā.
19Pussikoo, Tāpāye̔chekāyun, ākaweya ayiseyinew kitta sakoo̔twaw: keyam āka ka ayumehat eyinew kitta ooyussoowataw ket astumewini̔k.
20A̔yik sākissewini̔k, O Tāpāye̔chekāyun: āka ka ayumehatchik kitta kiskāyimisootchik ā ayiseyinewitchik piko.
Kasalukuyang Napili:
Nikumoona 9: CSW
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
First published by the British and Foreign Bible Society 1876-1877.