Wiwitan 4
4
Kain lan Abel
4:1-16
1Manungsa kuwi terus nuroni Eva, bojoné, terus meteng lan nglairké Kain, tembungé Eva: “Aku wis olèh anak lanang sangka pitulungan GUSTI.” 2Sakwisé kuwi terus nglairké Abel, adiké Kain; Abel mau dadi pangon wedus lan Kain dadi wong tani. 3Ing sakwijiné waktu Kain masrahaké kurban marang GUSTI rupa pametuné bumi; 4#Ibr 11:4uga Abel ya masrahaké kurban rupa kéwan mbarep sing apik déwé. GUSTI seneng marang Abel lan kurbané, 5nanging Kain lan kurbané ora diajèni Gusti. Jalaran sangka kuwi atiné Kain panas banget lan peteng praupané. 6GUSTI terus ngetokké tembung marang Kain: “Kenèng apa atimu panas lan kenèng apa praupanmu peteng? 7Yèn kowé gawé apik praupanmu bakal padang? Nanging yèn kowé ora gawé apik, dosa wis ngintyeng ing ngarep lawang lan banget enggoné nggoda kowé, nanging kowé kudu bisa menangké.” 8#Mat 23:35; Luk 11:51; 1Yoh 3:12Kain terus ngomong marang Abel adiké: “Hayuk kita pada menyang ara-ara kana.” Nanging bareng tekan ing ara-ara, Kain terus ngantem Abel lan dipatèni. 9GUSTI terus takon marang Kain: “Abel, adikmu ana ngendi?” Semauré: “Kula ora ngerti, apa kula sing momong adik kula?” 10#Ibr 12:24Tembungé GUSTI: “Penggawé apa sing kok lakoni? Getihé adikmu Abel sambat marang Aku sangka bumi. 11Saiki kowé kena paukuman dibuwang adoh sangka bumi sing wis mangap tyangkemé nadahi getihé adikmu sangka tanganmu. 12Yèn kowé ngolah bumi, pametuné ora bakal sak mestiné, kowé bakal kaya wong mblayu lan nglembara ing bumi.” 13Kain terus ngomong marang GUSTI: “Paukuman kula kuwi gedé banget nganti kabotan kula nyangga. 14Gusti saiki wis nundung kula sangka kéné, lan kula bakal ketutupan sangka mripaté Gusti, kula bakal dadi wong sing mblayu lan nglembara ing bumi; kula terus bakal dipatèni karo sapa waé sing kepetuk karo kula.” 15Nanging tembungé GUSTI: “Babar pisan ora! Sapa sing matèni Kain, bakal kewales tikel pitu.” Kain terus dikèki tenger karo GUSTI supaya aja nganti dipatèni karo sapa waé sing metuki. 16Kain terus lunga sangka ngarepé GUSTI, lan manggon ing negara Nod, wétané Eden.
Bab turunané Kain, Sèt lan Enos
4:17-26
17Kain nuroni bojoné, terus meteng, lan nglairké Hénokh; sakwisé mengkono Kain terus mbangun kuta, kuta mau dijenengaké Hénokh, kaya jenengé anaké. 18Hénokh nurunké Irad, Irad nurunké Mekuyaèl, Mekuyaèl nurunké Métusalah. Métusalah nurunké Lamèk. 19Lamèk nduwé bojo loro, sing siji jenengé Ada, sijiné Sila. 20Ada nglairké Yabal, kuwi dadi leluhuré wong sing pada manggon ing tarup lan ngingu kéwan-kéwan. 21Adiké jenengé Yubal, kuwi dadi leluhuré para siter lan suling. 22Sila uga nglairké anak ya kuwi Tubal-Kain, leluhuré para tukang tembaga lan pandé wesi, lan adiké Tubal-kain mau wadon, jenengé: Naama.
23Lamèk mau ngomong marang bojoné loro: “Ada karo Sila, rungokna tembungku, hé bojoné Lamèk, rungokké omongku iki: Wong sing natoni aku wis tak patèni, mengkono uga wong nom sing natoni aku. 24Awit yèn Kain kudu diwaleské tikel pitu, Lamèk kudu diwaleské tikel pitung puluh pitu.”
25Adam nuroni bojoné menèh, terus nglairké anak lanang sing dijenengaké Sèt, awit tembungé: “Gusti Allah wis ngekèki anak lanang liyané kanggo gantiné Abel, sing wis dipatèni Kain.” 26Sèt uga nduwé anak lanang, dijenengaké Enos. Wiwit waktu kuwi wong pada wiwit nyebut asmané GUSTI.
Kasalukuyang Napili:
Wiwitan 4: KJS17
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Tèks © Surinaams Bijbelgenootschap 2018