GENESIS 21
21
Isaak inakan
1 Tuhan mamberkat Sarah, kilau je jari injanji Awie. 2#Ibr. 11:11 Hong katika je jari inukas Hatalla, metoh Abraham jadi bakas Sarah batihi palus manak ije anak hatue. 3Abraham manampa aran anak te Isaak; 4#Gen. 17:12; Gaw. Ras. 7:8 tuntang metoh Isaak hanya andau umure, Abraham manyunate, manumon parentah Hatalla. 5Umur Abraham seratus nyelo metoh Isaak inakan. 6Sarah hamauh, “Hatalla jari mawi aku tatawe #21:6: tatawe: Isaak huang basa Ibrani rimae “ie tatawe”. awi kahanjak. Gagenep oloh je mahining taloh toh kareh tatawe hanjak hayak dengangku.” 7Tinai koae, “Eweh helo bara toh tau hamauh dengan banangku je aku tau mampatuso anak? Tapi aku jari manak kea aloh banangku bakas toto.”
8Anak te sasa-sasar hai, tuntang hong andau ie malekak tuso, Abraham malalus pesta hai.
Hagar tuntang Ismael iharak
9Sinde katika, Ismael, anak Abraham tuntang Hagar bawin oloh Misir te, kanjerae bangang dengan #21:9: bangang dengan atawa hababaka, halalea. Ishak, anak Sarah.#21:9: Pire-pire salinan je bara jaman horan: Isaak, anak Sara. 10#Gal. 4:29-30 Sarah mite taloh te tuntang hamauh dengan Abraham, “Harak rewar bawi te dengan anake. Dia tau anak rewar bawi te mandino bagi bara panataum je kareh iwaris anakku Isaak.” 11Abraham samasinde dia sanang dengan palaku te, awi Ismael anake kea. 12#Rm. 9:7; Ibr. 11:18 Tapi Hatalla hamauh dengan Abraham, “Ela ikau mikeh tahiu rewarm Hagar tuntang anake te. Numon kanahuang Sarah, awi bara Isaak ikau kareh mandino turonan je injanji-Ku te. 13Kalote kea akan anak Hagar handak inanga-Ku are anak eso mangat ewen jadi ije bangsa. Basa ie anakm kea.”
14Andau jewue, hanjewu Abraham manenga akan Hagar panginan tuntang ije kantong upak meto basuang danum akan bahata hong benteng jalan. Ie mingkes anak te hong likut Hagar, tuntang manyoho oloh bawi te haguet. Palus Hagar haguet tuntang manamuei hong padang pasir Berseba. 15Sana danum bahata lepah, Hagar mingkes anak te hong penda rowut, 16palus mondok lakau seratus meter bara eka te. Koae huang ateie, “Aku dia olih manampayah anakku matei.” Balalu ie#21:16: ie, pire-pire salinan Surat Barasih je helo: anak te. manangis.
17Hatalla mahining auh Ismael, tuntang bara langit malekat Hatalla hakotak dengan Hagar, koae, “Narai je inyusahm Hagar? Ela mikeh, Hatalla jari mahining auh anakm. 18Talih anakm, gatang tuntang pasuni ie. Aku akan mawi turonae manjadi bangsa je bakapal.” 19Palus Hatalla mampatarang tampayah matan Hagar sampai ie balalu mite ije kalin danum. Palus ie hingkat manyuang kantong upak meto te dengan danum, limbah te ie mampihop anake.
20Hatalla mampahayak Ismael. Anak te jala-jalan hai; ie manetep hong padang Paran, tuntang jadi oloh pamandop je pintar. 21Indue mangawin ie dengan ije biti bawin oloh Misir.
Janjin Abraham dengan Abimelekh
22 #
Gen. 26:26
Katika te raja Abimelekh tuntang Pikhol, kapala tantara aie, dumah manalih Abraham tuntang hamauh, “Hatalla mandohop ikau intu kare gawim. 23Tagal te, keleh sumpah intu hetoh intu taharep Hatalla, je ikau dia handak malalus kapapa dengangku, aloh dengan kare anakku atawa turonangku. Kilau aku jari malalus kahalap dengam, lalus kilau te kea akangku tuntang akan lewu je ielaim toh.”
24Koan Abraham, “Aku sumpah!”
25Tapi katika rahian tinai Abraham manyalan Abimelekh tahiu ije kalin danum je jari irampas awi kare jipee. 26Koan Abimelekh, “Aku dia katawan eweh je jari mawie. Hindai puji ikau mansanae akangku, harungku toh mahininge.” 27Palus Abraham manenga tabiri tuntang sapi akan Abimelekh, tuntang ewen due te hajanji. 28Abraham mamisah uju anak tabiri bara kare tabirie. 29Abimelekh misek ie, “Mbuhen ikau mawi taloh toh?”
30Abraham tombah, “Duan uju anak tabiri toh, indu turus janji je ikau mangaku aku je jari mangali kalin danum toh.” 31Tagal te eka te inggare Berseba, #21:31: Berseba: Riman aran toh huang basa Ibrani iete “Kalin Danum Sumpah” atawa “Kalin Danum Uju”. awi hete due biti oloh te mawi sumpah.
32Limbah ewen hajanji intu Berseba, Abimelekh tuntang Pikhol haluli akan lewun oloh Pilistin. 33Palus Abraham mimbul ije kabatang anak kayu intu Berseba, tuntang bara katika te, ie mahapan eka te manyembah Tuhan, Hatalla je bara katatahie. 34Limbah te Abraham melai tahi kea hong lewun oloh Pilistin.
Kasalukuyang Napili:
GENESIS 21: NIJ
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in