MATEO 1
1
Jesosa Quitoja etiiquiana ma yahuajonei ba'ecapoquiapoa
(Lc 3.23-38)
1Jiquio esohui etehue huohuicani Jesosa Quitoja etiiquianajo. Jesosa Quito, Davidja osecua poa Abrahamja pea-ai.
2E'e, yahuajonei oja etiiquiana jamaya poa ba'a: Abraham Isaacja ejeajji poa. Majoya aje quijje Isaacya ebacua jeacapoa Jacob bajjani epojji. Majoya aje quijje Jacobya ebacua jeacapoa Judá bajjani epojji. Judaja chahuacuana epojji jeapea-aicapoa. 3Majoya aje quijje Judaa ebacua jeacapoa Fares bajjani epojji, pea ca Zara bajjani epojji. Oja nae ca Tamar bajjani poa. Majoya aje quijje Faresya ebacua jeacapoa Esrom bajjani epojji. Majoya aje quijje Esromya ebacua jeacapoa Aram bajjani epojji. 4Majoya aje quijje Aramya ebacua jeacapoa Aminadab bajjani epojji. Majoya aje quijje Aminadabya ebacua jeacapoa NaasĂłn bajjani epojji. Majoya aje quijje Naasonya ebacua jeacapoa SalmĂłn bajjani epojji. 5Majoya aje quijje Salmonya ebacua jeacapoa Booz bajjani epojji. Oja nae ca Rahab bajjani poa. Majoya aje quijje Boozya ebacua jeacapoa Obed bajjani epojji. Oja nae ca Rut bajjani poa. Majoya aje quijje Obedya ebacua jeacapoa IsaĂ bajjani epojji. 6Oya IsaĂ emeshimese David bajjanija ejeajji poa. Majoya aje quijje emeshimese Davidya ebacua jeacapoa SalomĂłn bajjani epojji. Oja nae o mejojji epo ca Uriasja ehuanase poa Davidja huana'yo. 7Majoya aje quijje Salomonya ebacua jeacapoa Roboam bajjani epojji. Majoya aje quijje Roboamya ebacua jeacapoa AbĂas bajjani epojji. Majoya aje quijje Abiasya ebacua jeacapoa Asa bajjani epojji. 8Majoya aje quijje Asaya ebacua jeacapoa Josafat bajjani epojji. Majoya aje quijje Josafatya ebacua jeacapoa Joram bajjani epojji. Majoya aje quijje Joramya ebacua jeacapoa UzĂas bajjani epojji. 9Majoya aje quijje Uziasya ebacua jeacapoa Jotam bajjani epojji. Majoya aje quijje Jotamya ebacua jeacapoa Acaz bajjani epojji. Majoya aje quijje Acazya ebacua jeacapoa EzequĂas bajjani epojji. 10Majoya aje quijje Ezequiasya ebacua jeacapoa ManasĂ©s bajjani epojji. Majoya aje quijje Manasesya ebacua jeacapoa AmĂłn bajjani epojji. Majoya aje quijje Amonya ebacua jeacapoa JosĂas bajjani epojji. 11Majoya aje quijje Josiasya ebacua jeacapoa JeconĂas bajjani epojji, oja chahuacuana epojji jeapea-aicapoa. Ma shequiajajotiiya aje Israelcuiñajjicuana emejeyo dojoca'yapoa Babiloniacuiñajji soldadocuaa oja meshiyasijje majotii echacochaconequi'yojjiya.
12Majoya aje quijje Babilonia meshiyasijje edojo'yo nequiya Jeconiasya ebacua jeacapoa Salatiel bajjani epojji. Majoya aje quijje Salatielya ebacua jeacapoa Zorobabel bajjani epojji. 13Majoya aje quijje Zorobabelya ebacua jeacapoa Abiud bajjani epojji. Majoya aje quijje Abiudya ebacua jeacapoa Eliaquim bajjani epojji. Majoya aje quijje Eliaquimya ebacua jeacapoa Azor bajjani epojji. 14Majoya aje quijje Azorya ebacua jeacapoa Sadoc bajjani epojji. Majoya aje quijje Sadocya ebacua jeacapoa Aquim bajjani epojji. Majoya aje quijje Aquimya ebacua jeacapoa Eliud bajjani epojji. 15Majoya aje quijje Eliudya ebacua jeacapoa Eleazar bajjani epojji. Majoya aje quijje Eleazarya ebacua jeacapoa Matán bajjani epojji. Majoya aje quijje Matanya ebacua jeacapoa Jacob bajjani epojji. 16Majoya aje quijje Jacobya ebacua jeacapoa JosĂ© bajjani epojji. Oya JosĂ© Mariaja yahue poa. MarĂa ca Jesosa mejojji poa. Jesosa Eyacuiñajjija huoojea poa ojjaña nahue'yojji epojji. Eseyaya maya aña Quito.
17Jamajjeya ma ebionei Abrahamja jea ma quijje Davidja jea pea-ai 14 babame huiso poa. Oya baba huiso pea-aiya poa ma Davidja jea ma quijje Israelcuiñajjicuana dojoca'yapoa cuaa Babilonia meshiyasijje 14 babame huiso pea-aiya poa. Majoya ma Israelcuiñajjicuana dojoca'yapoa cuaa ma quijje Eyacuiñajjija huoojea ojjaña nahue'yojji epojji cuayapoa oya baba huiso 14 pea-aiya poa.
Jesosa Quito cuayapoa
(Lc 2.1-7)
18Jesosa Quito cuayajo jamaya poa ba'a: MarĂa oja nae epojji Joseja emesenatii aniapoa. MarĂa bii ani Josenijje jaajjimahua oejji ani jjabaquiapoa Edojjoshahuapameja ba'emee ebacua teejji. 19JosĂ©, ojahue epojji, queapamenee ba'epoquiapoa, queajjashahuabaquija'a. Jamajjeya MarĂa oejji ani bamajje o peacojjojji epo ona ojee anicajo huohuisapo-ajja poa JosĂ©. Oya jjashahuabaquiapoa MarĂa quehuajje cajaa eajjijo onaa esohui queatai eaca poanijje Mariajo. 20JosĂ© jama jjashahuabaquime pomajje MarĂa cajaa eajji nishojo oya cahuiapoa. Majoya aje oe Emeshimeseneija ángel jjaja'aquiapoa o ecahui jaajotii. Ohuaya JosĂ© jjacahuibameequicapoa ehuohuijji jama ba'a: “JosĂ©, Davidja osecua poani, a'a oya MarĂa cajaa ajji ojo ejjahuanaquijji. Joya oja teejo ba'e ebacua Edojjoshahuapame queaca'aneeja ba'emee, dejjaja jea pojjeama coma. 21Mariaja mejo ebacua dejjasho'i poaje. Oya Jesosa bajjani miyaya aje. Jama bajjanimeya oya acue ohuaya onijjejaajjicuana oja mimishicuanajo quijje nahuecaje'yojojoya,” jama huohuimeya acapoa angelya JosĂ©.
22Jamaya poa Jesosa cuayajjijo ma ecua yahuajonei Emeshimeseneiya esohui o cuayajjijo Eyacuiñajjija esohuihuohuijji poa dejja huohuimeecapoa jamaya. Jama huohuime ohuaya acapoa ba'a:
23“Ahuema' ani eponasho'i jamatii bii ani jjamejoquije.
Oja bacua dejjasho'i cuayaje.
Emanuel bajjani acaje cuaa” jamaya huohuicapoa.
Oja bajjani Emanuel jama poanijje ba'a:
“Eyacuiñajji esenijje nequi”.
24Majoya aje JosĂ© shequi'yomajje Emeshimeseneija angelja esohuijo jjashajja-ajjaquiapoa ma o ohua huohuicapoa esohui huisotiijo. Jamajjeya ohuaya MarĂa huanacapoa. 25Oja bacua cuayajjima ba'ejo Joseja MarĂa cojjojjima poa so'o jamatii jaapoquiapoa so'o. Majoya aje quijje oja bacuaejja cuayajo Joseya Jesosa bajjani oya acapoa.
Kasalukuyang Napili:
MATEO 1: ESE
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Copyright Mision Nuevas Tribus, 2006
