Juɛl a pwɔdɛn tɛ Mak 14
14
1WONTƐ ninkɛ badɛ ayo ɣoŋ aŋɛ kuriŋa tha gutɛ nyalɔ ɔci am kicra naŋɛ nyamgɛ bawɛ: ɔci makɛ tolɛn tɛ makɛ gɔrcɛ wakɛ Juɔŋ a Tolɛn ti yakɛn makɛ kijɛ wɛragɛ lirtɛ non aŋkɛ Yecu mwuŋɛ liedɛ, ɔci nhugdɛ. 2Eken gɔkjɛn: Na nhugdɛ tɛ kuriŋa bɛ, akɛ makɛ coŋɛn noŋdɛ yuubjɛ.
3Tɛ Yecu ballɛyɛ tɛ Betani tɛ ɣon Caimon minɛ mwuŋɛ ceecɛ, tɛ Eke ballɛ min cocɛn omɛn am, minɛ eŋ bɛnɛ, oowɛn bilɛ a alabata, nyɔn a narad ballɛ jiju, wiɛlɛ eke tɛyɛn a tɛnɛ: bilɛ wɛtɛn jidɛn, ɔci nyɔn pɔktɛn Yecu winyu ti. 4Ɔci ma ballɛ yumgɛn yayɛn ta naŋkɛ nɛnɛ, gɔkjɛn pokɛn: Nyɔn kɔkɛn budan a ɔŋ ɣogɛ? 5Nyɔn a nɛnɛ akɛ wiɛlɛn ti tɛ gircɛ mir a dorgɔ, ɔci ɣondɛn tɛ makɛ nhugdɛ bɔnɛ. Ɔci ma lupɛ jig eŋ ti. 6Ɔci Yecu gɔkjɛn: Dalɛ minɛ dulɛn; ɣɛke lupɛ eke ti ɣogɛ? Eke noŋɛn aginɛ pwɔdɛn tɛ Ya. 7Makɛ amdɛ bɔnɛ ballɛ ɣɛke ti ɣoŋkɛnda, ɔci tɛ ɣɛke tokɛ noŋɛ wakɛ pwɔdɛn tɛ eken, ɣɛke yakɛn ti: ɔci Ya balkɛ ɣɛke ti a ɣoŋkɛnda bɛ. 8Eŋ noŋɛ aginɛ eke yakɛn ti: eke juinɛ warɛ Ya tɛ nyamɔ aŋkɛ Ya juktɛ tɛ kol ji. 9Ɔci Ya gɔkɛ ɣɛke ti a warɛ: Tɛ juɛl a pwɔdɛn Yecu Kitho myitkɛ ma tɛ bunkɛ non warɛda, nɛnɛ naŋɛ eŋ a nɛnɛ myinɛn ma daŋkɛn aŋkɛ wakɛ eke yowɛrnɛ ma.
10Ɔci Judat Yitkariat, eke a minɛ tɛ ma inyakɛn witkɛn ayo, atɛn ɔntɔ tɛ makɛ tolɛn, tɛ ma gɔrcɛ wakɛ Juɔŋ a Tolɛn ti, aŋkɛ Yecu mwugdɛ eke tɛ makɛ tolɛn nɛnɛ. 11Ɔci eken, tɛ wonɛ tiŋɛn, yumgɛn milkɛ, ɔci gɔkjɛn tɛ diɛn ɣondɛn ti a ɣonnɛn tɛ eke. Ɔci Judat Yitkariat lirtɛ non a pwɔdɛn akɛ mugɛ Yecu aŋkɛ edɛ ma.
12Ɔci tɛ ɣoŋ a jɔnɛn ta kuriŋa tha am kicra naŋɛ nyamgɛ bawɛ, tɛ ɣoŋ ma yhɛrkɛ tha gutɛ nyalɔ, makɛ botɛn gɔkjɛ Yecu ti: Ɔn otɔn a aŋ aŋkɛ noŋdɔn wakɛ akɛ I omjɛ tha gutɛ nyalɔ? 13Ɔci Yecu cwonɛn makɛ ayo, ɔci gɔkjɛn eken ti: Ɔgdɛ otɛ ban ji, ɔci tɛ wɛnin minɛ kɛrtɛ piak tɛ guluŋ yowɛrtɛn botɛn eke ti. 14Ɔci tɛ ɣon eke kacɛn, gɔktɛ ɣon wegen ti: Minɛ lotɛ gɔkjɛ, Ɣon citɛ ma welkɛ bɛ? Ya omtɛ am tha gutɛ nyalɔ yakɛn makɛ botɛn aŋ? 15Ɔci eke parɛ lɛrtɛ ɣon a tolɛn tɛ nyalɔ, wakɛ ballɛ tɛ ɣora ɔci yɔmjɛn: ɔci wɛnin noŋdɛ wakɛ tɛ ikin. 16Ɔci makɛ botɛn atɛn, ɔci bɛnɛ tɛ ban ji, ɔci minɛ ba gwɔŋɛ Yecu yowɛrnɛn: ɔci eken noŋɛn wakɛ tha gutɛ nyalɔ.
17Ɔci tɛ ɣoŋ lucɛn inyu Yecu bɛnɛ yakɛn makɛ inyakɛn witkɛn ayo. 18Ɔci tɛ eken conɛn omɛn am, Yecu gɔkjɛn: Ya gɔkjɛ ɣɛke ti a warɛ, minɛ a ciɛlɔ ballɛ ɣɛke ti noŋdɛ labjɛ Yɛ ti, minɛ ballɛ omɛn Ya aca. 19Eken noŋdɛ yumgɛn aŋɛ yayɛn, wiagɛ korkɛ ti; ɔci gɔkjɛn Yecu ti, minɛ da gɔkjɛn: Aginɛ Ya? ɔci minɛ da gɔkjɛn: Aginɛ Ya? 20Yecu gɔkjɛn: Eke a minɛ, tɛ makɛ inyakɛn witkɛn ayo, biŋɛ ulɛ cakan ji yakɛn Ya. 21Aŋkɛ Minɛ Tɔl Maban otɛn, ba juɛl kienɛ tha Eke: ɔci dalɛ yayɛ minɛ ti, minɛ noŋdɛ labjɛn tɛ Tɔl Maban; kan eke jienɛ megen bɛ akɛ pwɔcɛn.
22Tɛ eken ballɛ omɛn, Yecu lortɛ am kicra, ɔci tɛ Eke muortɛ Juɔŋ a Tolɛn ti, am kicra wɛtɛn jidɛn, ɔci ɣonnɛn tɛ eken, ɔci gɔkjɛn: Antɛ, nɛnɛ a warɛ Ya. 23Ɔci kubaya lulɛn, ɔci Eke muortɛ Juɔŋ a Tolɛn ti, ɔci ɣonnɛn tɛ eken: ɔci eken monɛn wakɛnda. 24Ɔci Yecu gɔkjɛn eken ti: Nɛnɛ a yimgɛ Ya tɛ juɛl a wonɛ, yimgɛ pɔktɛ tɛ makɛ coŋɛn. 25Ya gɔkjɛ ɣɛke ti a warɛ, Ya motkɛ piak jan wain wutɛ bɛ, dalɛ motɛ wain wonɛ tɛ Kɛn Juɔŋ a Tolɛn ti.
26Ɔci tɛ eken wɔlɛn ɣɔlɛ, eken atɛn pom Ɔliba.
27Ɔci Yecu gɔkjɛn eken ti: Ɣɛke ballɛ noŋdɛ pɔɔdjɛ ta Ya wakɛnda: ba juɛl kienɛ, Ya dwedɛ minɛ ciɛtɛ kulen, ɔci kulen cencɛn ɔntɔ. 28Dalɛ, tɛ Ya dɔkɛ jɔŋdɛ nyalɔ, Ya otɛn ɣɛke nyamɔ ti Galili. 29Ɔci Peter gɔkjɛn Yecu ti: Kan ma pɔɔdjɛ tɛ I wakɛnda, ya aŋkɛ pɔɔdɛ bɛ. 30Ɔci Yecu gɔkjɛn eke ti: Ya gɔkjɛn i ti a warɛ, i a nɛnɛ, aca tɛ wɛn jinyɛ, tɛ oken wiagɛ togɛn ayo min bawɛ, i akɛ yuokɛn ta Ya ɣoŋkɛn a dorgɔ. 31Ɔci Peter gɔkjɛ juɛl nɛ penyɛn, a pot pot bɛ: Kan ya tudɛ yakɛn I, ya yuokɛn tɛ I bɛ. Ɔci ba juɛl a nɛnɛ ma gɔkɛ wakɛnda daŋkɛn.
32Ɔci eken atɛn non ma bortɛ Getcemani: ɔci Yecu gɔkjɛ makɛ botɛn Eke ti: Cocɛ wɛni, aŋkɛ Ya cɔkɛ Juɔŋ a Tolɛn ti. 33Ɔci Peter ɔci Jakob ɔci Jɔn enyɛ Yecu, ɔci aŋɛ noŋɛ pundɛ nɛ tolɛn ɔci yum yaidɛ. 34Ɔci Yecu gɔkjɛ eken ti: Yum Ya wiagɛ nɛ tolɛn ba noŋdɛ tudɛ: cocɛ wɛni, ɔci cocɛ tɛɛtɛ. 35Ɔci Yecu atɛ nyamɔ a diɛrɛn tɔlɛ, ɔci dwinjɛn inyu, ɔci cɔkɛ Juɔŋ a Tolɛn ti aŋkɛ kan ɣoŋ a nɛnɛ uljɛn ɔntɔ ta Eke. 36Ɔci Yecu gɔkjɛn: Abba, We ɔn, I yakɛn ti noŋdɛ wakɛnda; kubaya nɛnɛ edɛ ɔntɔ ta Ya: dalɛ noŋkɛ ba aginɛ taktɛ Ya bɛ, noŋkɛ ba aginɛ tagdɛ I. 37Ɔci Eke bɛnɛn, ɔci ma mɔŋnɛ ballɛ wicɛn, ɔci Yecu gɔkjɛn Peter ti: Caimon, I winɛ mokɛ? I yakɛn ti cocɛ tɛɛtɛ car a ciɛlɔ bɛ? 38Cocɛ tɛɛtɛ, cɔkɛ Minɛ ti, aŋkɛ ɣɛke atɛn tɛ aginɛ maaldɛ tɛ nɔjɛ bɛ: yumgɛn aŋkɛ tagdɛ, ɔci yoŋ a kokɛn ti. 39Ɔci Yecu atɛn ɔntɔ mokɛ, cɔkɛ Minɛ ti, gɔkjɛn tɛ juɛl a ciɛlɔ. 40Ɔci Eke bɛnɛn mokɛ, ɔci ma yowɛrnɛ ballɛ wicɛn, nyingɛ milkɛ tɛ ninkɛ; ɔci ma kokɛn ti tɛ dɔktɛ jig Eke ti. 41Ɔci Yecu bɛnɛ ɣoŋkɛn a dorgɔ, ɔci gɔkjɛn eken ti: Dalɛ wicɛ aca, dalɛ ninɛ: nɛnɛ kapɛ dokɛ; non bɛnɛn; gwɔlɛ, Minɛ Tɔl Maban mwugdɛ ma nɔdkɛ tɛ labjɛ. 42Jɔŋdɛ, dalɛ ikin otin: gwɔlɛ, minɛ noŋdɛ labjɛ tɛ Ya ballɛ bɛyɛn.
43Ɔci aca nɛntɛ, tɛ Eke ballɛ gɔkjɛ juɛl, Judat bɛnɛn, eke a minɛ ta ma inyakɛn witkɛn ayo, bɛnɛn yakɛn ma a coŋɛn ɛcɛn twɔŋkɛ ɔci bwɔmkɛ, bɛnɛn ta makɛ tolɛn, makɛ gɔrcɛ wakɛ Juɔŋ a Tolɛn ti yakɛn makɛ kijɛ wɛragɛ, yakɛn makɛ dwɔŋɛn. 44Ɔci minɛ noŋɛ labjɛ gɔŋɛn ma ti: Minɛ a nyipɛ ya tɛ toka Eke a Minɛ; mugdɛ ɔci edɛ ɔntɔ. 45Ɔci tɛ Judat wun bɛnɛ, aca nɛntɛ eke bɛnɛ Yecu ti, ɔci gɔkjɛ: Rabbi; ɔci nyipɛn Eke tɛ toka. 46Ɔci ma muŋɛ Eke, ɔci enyɛ dokɛ. 47Ɔci minɛ a ciɛlɔ ballɛ yɔdɛ, twɔŋ luldɛ, ɔci tiaŋɛ minɛ jiɛnyɛ ti, minɛ noŋɛ kɛngɔn tɛ minɛ tolɛn. 48Ɔci Yecu gɔkjɛ: Ɣɛke bɛnɛ burɛ, lwukɛ minɛ ɔŋ, twɔŋkɛ ɔci bwɔmkɛ oowɛn tɛ biŋkɛ, akɛ mugɛ Ya? 49Ɣoŋkɛnda Ya ballɛ tɛ ɣɛke tempal ji, lotɛ jig, ɔci Ya mwuŋɛ bɛ: nɛnɛ naŋjɛ aŋkɛ juɛl wɛragɛ cɔmjɛn. 50Ɔci makɛ botɛn Yecu dulɛ, kwɔnɛ, yiŋɛn dokɛ.
51Ɔci minɛ a kalgɔ botɛn Yecu, buruŋ dɔbdɛ a dwɔmɛ warɛ ti, buruŋ a yhaŋdɛ bawɛ: ma muŋɛ eke; 52ɔci eke kwɔnɛ, buruŋ dalɛn, yiŋɛ tɛ warɛ budan.
53Ɔci Yecu enyɛ ma tɛ non minɛ tolɛn cocɛn: ɔci makɛ gɔrtɛ wakɛ Juɔŋ a Tolɛn ti yakɛn makɛ kijɛ wɛragɛ yakɛn makɛ dwɔŋɛn ɔcɛn eke ti. 54Ɔci Peter botɛn ma ŋwoyɛ ti cwɔkɛn bɛ, bɛnɛ kacɛn kany ji tɛ ɣon minɛ tolɛn; ɔci cocɛn yakɛn makɛ atkan tɛ many aŋkɛ warɛ myeldɛ. 55Ɔci makɛ tolɛn ɔci makɛ dwɔŋɛn wakɛnda lirtɛ ma lupɛ juɛl tha Yecu aŋkɛ Yecu nhugdɛ; ɔci yowɛrnɛn bɛ. 56Ɔci ma gɔkjɛ jomɛ jig bɛnɛ a coŋɛn, ɔci juɛl nyagdɛn bɛ, pɛdɛ dokɛ. 57Ɔci ma bɛnɛ, yɔdɛ nyalɔ, gɔkjɛn tɛ labjɛ ɔŋ: 58Ɔn tiŋɔn Yecu gɔkjɛn, tempal a nɛnɛ naŋɛ ma tɛ biŋkɛ, aŋkɛ lagdɛ Ya, ɔci Ya noŋdɛ minɛn tɛ biŋkɛ bɛ, nɛ ninkɛ badɛ a dorgɔ. 59Ɔci juɛl nyagdɛn min bɛ, pɛdɛ dokɛ. 60Ɔci minɛ tolɛn yɔdɛ nyalɔ tɛ yicu, tocɛ Yecu ti, gɔkjɛn: Juɛl a dɔktɛ bawɛ I ti? aginɛ a nɛnɛ gwɔkɛ makɛ tha I? 61Ɔci Yecu ciyɛ lɔɔdɛ, ɔci gɔkɛ ɔŋkɛ bɛ. Ɔci minɛ tolɛn tocɛ Eke ti mokɛ, gɔkjɛn: I a Minɛ Kitho, Kacɛ Minɛ a pwɔdɛn? 62Ɔci Yecu gɔkjɛn: Ya a Minɛ: ɔci ɣɛke gɔrtɛ Minɛ Tɔl Maban cotɛn tɛ biŋɛ birɛn tɛ tɛcɛn, ɔci bɛdɛn yakɛn puɔldɛ nyalɔ. 63Ɔci minɛ tolɛn buruŋ jiɛnjɛn jidɛn ɔci gɔkjɛn: Ɔn bwɔgɔn minɛ parɛ gɔkɛ juɛl tha Eke ɣogɛ? 64Ɣɛke tiŋɛ juɛl Eke dhurŋɛ Juɔŋ a Tolɛn ti: juɛl paŋɛ ɣɛke ballɛ a ɔki? Ɔci eken wakɛnda ɣitɛ Yecu ti gɔkjɛn: Eke ballɛ ba nhugdɛ ɔŋ a pwɔcɛn. 65Ɔci ma noŋdɛ nyangɛ toka yɛpcɛn Yecu ti, ɔci kumɛ Eke nyingɛ ti, ɔci dwedɛ Ekɛ, ɔci gɔkjɛn: Lwukɛ jig: ɔci makɛ atkan mugdɛ Yecu ɔci jibdɛ tɛ biŋkɛ.
66Ɔci Peter ballɛ inyu tɛ kany ji, ɔci minɛ tɔla tɛ minɛ tolɛn bɛnɛ; 67ɔci gɔrcɛ Peter cocɛn manyɛ ti, Peter gwɔlɛ eke, ɔci gɔkjɛn: I ballɛ tɛ Minɛ Nadaret daakɛn, Minɛ Yecu. 68Ɔci Peter kɛkyɛn, gɔkjɛn: Aginɛ gwɔŋɛ i nhijɛ ya bɛ, ya tiŋɛ bɛ: ɔci eke atɛn tɛ ɣon toka; ɔci okɛn wiaŋɛ. 69Ɔci minɛ tɔla gɔrcɛ eke mokɛ, ɔci noŋɛ wutɛ gɔkjɛn makɛ a cocɛn ti: Nɛnɛ a minɛ tɛ eken. 70Ɔci Peter kɛkyɛn wutɛn. Ɔci ma a yɔdɛn gɔkjɛn Peter ti mokɛ: A warɛ, i a minɛ tɛ eken, i a minɛ Galili. 71Ɔci Peter noŋɛ dhurŋɛ nɛ penyɛn, ɔci gɔkɛ jig ɔŋ: Minɛ a nɛnɛ nhijɛn ya bɛ, minɛ gwɔŋɛ ɣɛke. 72Ɔci aca nɛntɛ oken wiaŋɛ togɛn ayo. Ɔci Peter juɛl gwɔŋɛn Yecu yowɛrnɛn, Tɛ oken wiagɛ togɛn ayo, i noŋɛ yuokɛn ta Ya yoŋkɛn a dorgɔ. Tɛ eke pukɛ ɔŋ, eke wiagɛ.
Kasalukuyang Napili:
Juɛl a pwɔdɛn tɛ Mak 14: MFZ1947
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
First published by British and Foreign Bible Society in 1947.
