Matthew 9
9
KETH MAINHEWL, IX.
1WOA loi ko womeh nu hirr ko lill, nu moi ko turr woa.
2Nlehly peh chëë eh ko ko woa nopokan tre dyall woa buleing ma nacky woo, woa hin ko hin tre woa atook: yeh Jesus u ka kyo lahneh ngha, u nghaleh ko ko nopokan tre nghono nacky oh, traa më, ntolly, nyërick mbang n tre manah moa cheh nghah yeo, peh lap ah moa.
3Nlehly ahgball ah poom ngha fohlafohla, nopokan to wonnoky u foh Foy yeh mbang.
4Jesus u shëë utrennin ngha, nghaleh, la wumleh ngha trennin yeh mbang kë ugbolleh ngha?
5Nyërick mbang n tre manah moa cheh nghah yeo peh lap ah moa; mpoh nu gbeh, haloh ma chang ah churr oh fallë foh ah?
6Kereh nshëë la rë traak nopokan tre u bë rë fossoh kë upock u tre hallë lap nyërick mbang n tre, u nghaleh ko nopokan tre nghono nacky oh, mpoh, u kui hin tre moa nu nkoh ko moa killeh.
7U pohrë nu kon ko woa killeh.
8Yeh runiah tre ngha kyo kë ngha kaban, ngha kulloh Foy nghono kah fossoh wonoky ko nopokan tre.
9Yeh Jesus hinkeh lon kë, U keh nopokan ilillë woa Matthew woa chall ko killeh ko loa peh ka kui feh kull: u nghaleh ko ko woa n lim më wayling; nopokan tre u poh nu lim woa.
10Trim tre yeh Jesus u chall ko dyo kë, ko killeh, ahpublican egbir yeo, aniah nghana ka nghah dyah mbang yeo, ngha chall ko woa dere nu ahkenah woa ngha uborr ubull.
11Yeh ahpharisee ah tre ngha keh kë, ngha nghaleh kë aniah woa; la wumleh Papah moa dyo kë ahpublican ngha aniah bang n tre uborr ubull?
12Yeh Jesus ka tui la kë u nghaleh, aniah weh, ngha yehmahn vissno; kereh aniah lalbah tre.
13Nkoh n ngha perren lanah la rë, ah marrah sinobull, ah marrahn satakah, ah hunehn hallë vealeh aniah keleng; kereh ah hun hallë veal aniah mbang n tre hallë pinkin. Yeh u kundy.
14Ahperren ah John toaknobull ngha moi ko ko woa ngha nghaleh, leh wumleh hë oh, ahpharisee ah tre oh m ma dyo ah? nu ahperrenah moa ngha dyo ah?
15Jesus nghaleh, aniah unoh tre ngha boaehn trang trim tre nopokan unoh tre woa cheh ngha uborr ubull; kereh trim tre ngho chong hundy, yeh peh kui nopokan unoh tre ko ngha, trim ngha boaehn dyo.
16No o no boaehn beh kutah sannah kë kutah ben tre hallë bempah ngha; kutah sannah tre ngho loa tack, ngho nghah fungha bomu.
17No o no boaehn beh m moi nsannah kë bitterah ben; bitterah ben n tre ko foo, m moi n tre ma fun nu bitterah tre ngho shinny dyom; kereh peh beh m moi nsannah kë bitterah sannah nu peh ka tongul ngha ubarr ubull.
18Yeh Jesus u ka foh nyërick n tre manaky ko ko ngha, nlehly sukono m moirë nu chum pëah nghaleh, yeome traa më woo, n hun gbo hun woa beng kë pëah moa, woa moony peh.
19Jesus, upoh nu lim woa, ahperrenah woa uburr ubull.
20Nlehly nolakan tre, nkong ma fun ko ko woa nentë woanglëting, woa hun ko Jesus wayling nu beng mum u lumoh woa tre:
21U ka trennin, lo ah boa gbo beng mum u lumoh woa tre ah shunk.
22Jesus pinkin nu keh woa u nghaleh, waa më n tolly, laneh moa u ka nghah moa shunk. Kehkehtoo noma tre ushunk.
23Yeh Jesus loi ko killeh sukono tre, u bum ahkureh ah tre ngha nghah pehny,
24U nghaleh ko ko ngha nsemmy, wanta tre u wooëehn, woa gbo lull; ngha mam woa,
25Yeh aniah tre ngha fun kë, Jesus u loi nu yetty wanta tre kë pëah woa, nu poh.
26Aniah buleing kë upock tre ngha kung la tui.
27Yeh Jesus hinkeh kull kë, ahpokan ah ting ngha kehn, hun woa wayling ngha trang nghaleh, mun traak u Davy m nsoneh hë.
28Yeh Jesus u moi ko killeh, aniah kehn ahting ngha moi loa pehreh, Jesus nghaleh ko ko ngha, ngha laneh rë ah boa rë nghah kë ë? ngha nghaleh oh, yeome.
29Woa beng tëfoll të ngha nghaleh, peh nghan kë manleh laneh no tre.
30Folltë ngha të tre, ta yëëry. Jesus fohm ngha nghaleh, m ma la fohm no o no.
31Kereh yeh ngha kon, ngha foh le anin buleing kë upock u tre.
32Aniah ting ah tre ngha kondy, peh ka chëë ko ko woa nopokan boboh u bë pomul u bang.
33Yeh peh ka foke pomul u bang u tre, nopokan boboh tre u tripeh foh; runiah tre ngha kaban, ngha nghaleh, yempy tre pehneh kë, peh kehnum kë Israel.
34Kereh ahpharisee ah tre ngha nghaleh, woa foke mpomul mbang ntre kë sukono mpomul n tre.
35Jesus u gbeh ke turrtë tre buleing, woa menghë ko ngha killtë karang, nu foh lum keleng hallë baily Foy, nu nghah ahlalbah buleing ah shunk.
36Yeh u ka keh runiah tre u keh ko ngha sinobull yehpeh ngha pehkah kë, kin konkobehsë tre nghana bëan bumurno yeo.
37U nghaleh kë ahperran ah woa tre, surock u foll së tre bomu, ahrock ah teak:
38Mbah: n tum yeome lokoh surock së tre hallë wong anin hallë koh rock.
Kasalukuyang Napili:
Matthew 9: BUY1816
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
First published by the Church Missionary Society in 1816.
