MATIU 7
7
Tulu hatu taga kwaheki na doridori na tangaloi
(Luk 6.37-38,41-42)
1Vunu i Jisas mo kwaha taliku mo viti kwara, “Tulu hatu taga kwaheki na doridori na tangaloi tulu mo viti kwara rau hati, vae i God ne mai taga kwaheki na doridorimiu ne mai viti kwara tulu hati vake. #Rom 2.1; 14.4,10; 1 Kor 5.12; Sem 4.11 2A hala hinea tulu mo huria kwara tulu ne taga kwaheki na doridori na tangaloi, vae i God ne taga kwaheki na doridorimiu lo hala hokinia. A korokoro hinea tulu mo tau lakwa na tangaloi vae i God ne tau lakwakamu vake. #Mak 4.24 3?Kworoho komo tagai na hogo kelekele lolo mata i tuamu, vae kohe va tagai na leko te lolo matamu? 4?Ku domi kworohokinia kwara kona viti lakwai tuamu kwara, ‘Koe, na lavi na hogo kelekele tina matamu,’ aia i nigo kohe va tagai na leko te lolo matamu? 5I nigo a tangaloi kurakura, ku viti kinau ki ringomu vohoki. Ko lavi na leko tina matamu tomua, vunu konari taga ne matangwasara, konari lavi na hogo kelekele tina mata i tuamu.
6“Tulu hatu bete a kinau hinea u kokona, a noi God, lakwa na kwiriu, vae ramai halebohi ramo katikamu. Tulu hatu vohoki nomiu kinau karekarea lakwa na dura, vae ramai bilebibira ki garuga.”
Uduhuri, soro haro, diridiri
(Luk 11.9-13)
7Vunu i Jisas mo viti kwara, “Tulu uduhuri, vae tulu ne lai. Tulu soro haro, vae tulu ne hagwe. Tulu diridiri, vae a matakihala ne matakahi lakwakamu. #Mak 11.24; Sione 14.13-14; 15.7; 16.23-24; Sem 1.5; 1 Sione 3.22; 5.14-15 8Ihe hi ne uduhuri vae ne lai. Ihe hini ne soro haro vae ne hagwe. A matakihala ne matakahi lakwae hinea ne diridiri. 9Diko te katukwale tikamu i natuna ne uduhuri a bereti* kinia, vae nehe bete te vatu lakwae. 10Diko ne uduhuri a ika kinia, vae nehe bete te ngwata lakwae. 11Venaha diko i kamu a tangaloi hati vae tulu bete a kinau karekarea lakwai raranatumiu. Vae i Tamamiu lolo taetae ne vai u siletikamu ne bete a kinau karekarea lakwara hinea rana uduhuri kinia. #Sem 1.17
12“U taritarisa kwara tulu ne vai lakwa na tangaloi ratuaki hokinia hinea tulu lengaia kwara rana vai lakwakamu. Aia hi a domiana na huhuiana na Tangwata* noi Mosis mana huhuiana nona tangaloi* duruduruki maira.” #Mat 22.40; Rom 13.8-10
A hala kairua
(Luk 13.24)
13I Jisas mo viti vake kwara, “U taritarisa kwara tulu ne soro lo mataiara kelekele, huri a mataiara u lakua, a halaki u magemu kwara a tangaloi rana huria hinea u vano vaki lo kabu na kakadiki. U rusa rana huri na hala hi. 14Vae a mataiara u kelekele, a halaki u madi hinea u vano vaki lo ahiana. A tangaloi he rusa tea rana hagwea.” #Bol 14.22
Tulu ne kikilai a vikai lo kwaina
(Luk 6.43-44)
15Vunu i Jisas mo viti vake kwara, “Tulu likoki na tangaloi* duruduruki kurakura. Rana vanamai vaki maikamu rau ngwaungwau hoki na sivsivi, vae lo doridoriga aira hoki na boboroa ovi kareaki. #a Mat 24.11,24; Luk 6.26; 2 Pita 2.1; 1 Sione 4.1; Rev 16.13; b Esik 22.27; Mat 10.16; Sione 10.12; Bol 20.29 16Tulu ne kikilaira lo doridoriga. A tangaloi nehe tova te kwai na karo karea tina karo na bubu hinea a kasiki luna. A karo na bubu nehe kwai lai tea kina kwai karea. #Sem 3.12 17Vataha na vikai karea rana kwai kina kwaiki hinea rau karea, vae a vikai hati ne kwai kina kwaina hinea u hati. #Mat 12.33,35 18A vikai karea nehe kwai tea kwara u hati, a vikai hati nehe kwai tea kwara u karea. 19A vikai hinea a kwaina u hati a tangaloi ne taia letiu, vae ne vohokinia tilolo kabu. #Mat 3.10; Luk 3.9; 13.6-9; Sione 15.6 20Lo hala hokinia hini tulu neri kikilai na tangaloi duruduruki kurakura lo doridoriga.” #Mat 7.16; 12.33
A tangaloi hinea rana soro vaki lo Vanua Karagwa noi God
(Luk 13.25-27)
21Vunu i Jisas mo viti kwara, “Hete vunuhi na tangaloi hinea rau kwareau kwara, ‘Hugwe*, Hugwe,’ vae rana soro tilolo Vanua Karagwa hinea i God u hugwe koroa. vae aira hinea rau vai a bolokiana u taritarisa mana domi i Tamagu lolo taetae, aira hi kehekeheki rana soro. #a Luk 6.46; b Mat 21.31; Rom 2.13; Sem 1.22,25; 1 Sione 2.17 22U rusa rana kwaha maiau lo Rani hi #7.22: Lo Rani hi. Kona taga A RANI NONA HUGWE lo Deksenare lo buku hika takuni. kwara, ‘Hugwe, keu duruki na leo ti God lo hinamu. Keu livu tanungwe hati lo hinamu. Keu vai na vaisea rusa lo hinamu. ?Vae kworohokinia maikami?’ #Jer 14.14; 27.15; Mak 9.38; Luk 9.49 23Vae nari matangwasaraki lakwara kwara, ‘Nohe kikilaikamu tea. I kamu a tangaloi vaivai hati. tulu vano tiau.’ ” #a Mat 10.33; 2 Tim 2.12; b Sam 6.8; Mat 13.41-42; 25.41
A kaitabe na ingwa kairua
(Luk 6.47-49)
24Vae i Jisas mo gweregwereki na nona leo mo viti, “Ihe hi u rongo na leogu aira vano hi, u vai luna, aia hoki na tangaloi kikikila hinea mo tabe na ingwana lo vatu toka. #Mat 14.31 25Mo uha lakua, a kwai mo huki, a langi mo here mo kiluki na ingwana, vae he sovi tea, huri u tabeana lo vatu toka. 26Vae ihe hi u rongo na leogu, he vai te luna, aia hoki na tangaloi rera hinea u tabe na ingwana lo one. #Sem 1.23 27Mo uha lakua, a kwai mo huki, a langi mo here mo kiluki na ingwana, vae mo sovi, u matalatala vohoki.” #Esik 13.10-12
A leo noi Jisas a huirana luna
28Hikani i Jisas mo kwahakwaha mo rovo, a vao rau idila vohoki kina nona huhuiana, #Mat 11.1; 13.53; 19.1; 26.1; Luk 7.1 29huri a nona huhuiana u bakoto, a huirana luga, hete hoki na huhuiana nona tangaloi* kikikila na Uliuli* Kokona. #Mak 1.22
Kasalukuyang Napili:
MATIU 7: HWT
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Havakinau New Testament © Bible Society of the South Pacific, 2016.
