MGA AWIT 105
105
Ang kahangahangang gawa ng Panginoon ng dahil sa Israel.
1Oh magpasalamat kayo #Hanggang tal. 15. sa Panginoon, kayo'y magsitawag sa kaniyang pangalan;
#
Awit 145:12. Ipabatid ninyo ang kaniyang mga gawain sa mga bayan.
2Magsiawit kayo sa kaniya, magsiawit kayo sa kaniya ng mga pagpuri;
#
Awit 77:12. Salitain ninyo ang lahat niyang kagilagilalas na mga gawa.
3Lumuwalhati kayo sa kaniyang banal na pangalan:
Mangagalak ang puso nila na nagsisihanap sa Panginoon.
4Hanapin ninyo ang Panginoon at ang kaniyang kalakasan;
#
Awit 27:8. Hanapin ninyo ang kaniyang mukha magpakailan man.
5Alalahanin ninyo ang kaniyang kagilagilalas na mga gawa na kaniyang ginawa:
Ang kaniyang mga kababalaghan at ang mga kahatulan ng kaniyang bibig;
6Oh ninyong binhi ni Abraham na kaniyang lingkod,
Ninyong mga anak ni Jacob, na kaniyang mga hirang.
7Siya ang Panginoon nating Dios: Ang kaniyang mga kahatulan ay nangasa buong lupa.
8Kaniyang inalaala ang kaniyang tipan magpakailan man,
Ang salita na kaniyang iniutos sa libong sali't saling lahi;
9 #
Gen. 17:2; Luc. 1:72, 73; Heb. 6:17. Ang tipan na kaniyang ginawa kay Abraham,
At ang kaniyang sumpa kay Isaac;
10At pinagtibay yaon kay Jacob na pinakapalatuntunan,
Sa Israel na pinakawalang hanggang tipan:
11Na sinasabi, Sa iyo'y ibibigay ko ang lupain ng Canaan,
Ang kapalaran na iyong mana;
12Nang sila'y kaunti lamang tao sa bilang;
Oo, totoong kaunti, at nangakikipamayan doon;
13At sila'y nagsiyaon sa bansa at bansa,
Mula sa isang kaharian hanggang sa ibang bayan.
14Hindi niya tiniis ang sinomang tao na gawan sila ng kamalian;
Oo, kaniyang sinaway ang mga hari dahil sa kanila;
15 Na sinasabi, #Gen. 26:11. Huwag ninyong galawin ang mga pinahiran ko ng langis.
At huwag ninyong gawan ng masama ang mga propeta ko.
16 #
Gen. 41:54. At siya'y nagdala ng kagutom sa lupain;
Kaniyang binali ang buong #Lev. 26:26. tukod ng tinapay.
17 #
Gen. 45:5; 50:20. Siya'y nagsugo ng isang lalake sa unahan nila;
#
Gen. 37:28, 36. Si Jose ay naipagbiling pinakaalipin:
18Ang kaniyang mga paa #Gen. 39:20. ay sinaktan nila ng mga pangpangaw;
Siya'y nalagay sa mga tanikalang bakal:
19Hanggang sa panahon na nangyari ang #Gen. 40:8. kaniyang salita;
Tinikman siya ng salita ng Panginoon.
20 #
Gen. 41:14. Ang hari ay nagsugo, at pinawalan siya;
Sa makatuwid baga'y ang pinuno ng mga bayan, at pinalaya niya siya.
21 #
Ex. 9:23. Ginawa niya siyang panginoon sa kaniyang bahay,
At pinuno sa lahat niyang pagaari:
22 #
Gen. 41:44. Upang talian ang kaniyang mga pangulo sa kaniyang kaligayahan,
At turuan ang kaniyang mga kasangguni ng karunungan.
23 #
Gen. 46:6. Si Israel naman ay nasok sa Egipto;
At si Jacob ay nakipamayan sa #Awit 78:51. lupain ng Cham.
24 #
Ex. 1:7. At kaniyang pinalagong mainam ang kaniyang bayan,
At pinalakas sila kay sa kanilang mga kaaway.
25 #
Ex. 1:8, 9. Kaniyang pinapanumbalik ang kanilang puso upang mangagtanim sa kaniyang bayan,
Upang magsigawang may katusuhan sa kaniyang mga lingkod.
26 #
Ex. 3:10; 4:12, 14. Kaniyang sinugo si Moises na kaniyang lingkod,
At si Aaron na kaniyang hirang.
27 # Hanggang tal. 36; Awit 78:42-51. Kanilang inilagay sa gitna nila ang kaniyang mga tanda,
At mga kababalaghan sa lupain ng Cham.
28Siya'y nagsugo ng mga kadiliman, at nagpadilim;
At sila'y hindi nagsipanghimagsik laban sa kaniyang mga salita.
29Kaniyang pinapaging dugo ang kanilang tubig,
At pinatay ang kanilang mga isda.
30Ang kanilang lupain ay binukalan ng mga palaka,
Sa mga silid ng kanilang mga hari.
31Siya'y nagsalita, at dumating ang mga pulutong na mga langaw,
At kuto sa lahat ng kanilang mga hangganan.
32 #
Gen. 41:40. Ibinigay niya sa kanila na pinakaulan ay graniso,
At liyab ng apoy sa kanilang lupain.
33Sinaktan naman niya ang kanilang mga puno ng ubas, at ang kanilang mga puno ng higos;
At binali ang mga punong kahoy ng kanilang mga hangganan.
34 #
Ex. 10:4; Awit 78:40. Siya'y nagsalita at ang mga balang ay nagsidating,
At ang mga higad, ay yao'y walang bilang,
35At kinain ang lahat na gugulayin sa kanilang lupain,
At kinain ang bunga ng kanilang lupa.
36 #
Ex. 12:29; Awit 78:51. Sinaktan din niya ang lahat na panganay sa kanilang lupain,
Ang puno ng lahat nilang kalakasan.
37 #
Ex. 12:35. At kaniyang inilabas sila na may pilak at ginto:
At hindi nagkaroon ng mahinang tao sa kaniyang mga lipi.
38Natuwa ang Egipto nang sila'y magsialis;
#
Ex. 12:33; 15:16. Sapagka't ang takot sa kanila ay nahulog sa kanila.
39 #
Ex. 13:21. Kaniyang inilatag ang ulap na pinakakubong;
At apoy upang magbigay liwanag sa gabi,
40 #
Ex. 16:13. Sila'y nagsihingi, at dinalhan niya ng mga pugo,
At binusog niya sila ng #Awit 78:24, 25; Juan 6:31. pagkain na mula sa langit.
41 #
Ex. 17:6; 1 Cor. 10:4. Kaniyang ibinuka ang bato at binukalan ng tubig;
Nagsiagos sa tuyong mga dako na parang ilog.
42Sapagka't kaniyang naalaala ang kaniyang banal na salita,
# tal. 8, 9. At si Abraham na kaniyang lingkod.
43At kaniyang inilabas ang kaniyang bayan na may kagalakan,
At ang kaniyang hirang na may awitan.
44 #
Jos. 13:7; Awit 78:55. At ibinigay niya sa kanila ang mga lupain ng mga bansa;
At kinuha nila ang gawa ng mga bayan na pinakaari:
45 #
Deut. 4:1, 40. Upang kanilang maingatan ang kaniyang mga palatuntunan,
At sundin ang kaniyang mga kautusan.
Purihin ninyo ang Panginoon.
Kasalukuyang Napili:
MGA AWIT 105: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982