MIKAS 7
7
Ang kasalanang moral ng bansa.
1Sa aba ko! sapagka't ako'y gaya ng kanilang pisanin ang mga bunga sa #Amos 3:1. taginit, gaya ng mga pamumulot ng ubas sa ubasan: walang kumpol na makain; #Os. 9:10. ako'y nananabik sa unang bunga ng igos.
2Ang mabuting tao ay namatay #Is. 57:1. sa lupa, at wala nang matuwid sa mga tao: silang lahat ay nagsisibakay upang magbubo ng dugo; hinuhuli ng bawa't isa ang kaniyang kapatid sa pamamagitan ng silo.
3Ang kanilang mga kamay ay nangasa kasamaan upang sikaping isagawa; #Awit 82:1, 2; Os. 4:18. ang prinsipe ay humihingi, at #Mik. 3:11. ang hukom ay maagap sa suhol; at ang dakilang tao ay nangagsasalita ng masamang hangad ng kaniyang kaluluwa: ganito nila nilalala.
4Ang pinakamahusay sa kanila #2 Sam. 23:6, 7; Ezek. 2:6. ay parang dawag; ang pinakamatuwid ay masama kay sa isang bakod na tinikan: ang araw ng inihula sa iyo ng mga #Ezek. 33:2. bantay, sa makatuwid baga'y ang araw ng pagdalaw sa iyo, ay dumating; ngayo'y mangatitigilan sila.
5Huwag kayong magsitiwala sa kalapit bahay; #Jer. 9:4. huwag kayong magkatiwala sa kaibigan; ingatan mo ang mga pinto ng inyong bibig sa kaniya na humihiga sa inyong sinapupunan.
6Sapagka't sinisiraang puri ng anak na lalake #Mat. 10:34, 36; Luc. 12:53. ang ama, ang anak na babae ay tumitindig laban sa kaniyang ina, ang manugang na babae ay laban sa kaniyang biyanang babae; ang mga kaaway ng tao ay ang kaniyang sariling kasangbahay.
Ang mga unang kaawaan ng Panginoon ay muling ibibigay.
7Nguni't sa ganang akin, ako'y titingin sa Panginoon; ako'y maghihintay sa Dios ng aking kaligtasan: didinggin ako ng aking Dios.
8Huwag kang magalak laban sa akin, Oh aking kaaway: pagka ako'y nabuwal, ako'y babangon; #Awit 107:10. pagka ako'y naupo sa kadiliman, #Awit 27:1. ang Panginoo'y magiging ilaw sa akin.
9Aking babatahin ang kagalitan ng Panginoon, #Panag. 3:39. sapagka't ako'y nagkasala laban sa kaniya, hanggang sa kaniyang ipagsanggalang ang aking usap, at lapatan ako ng kahatulan: #Awit 36:6. kaniyang ilalabas ako sa liwanag, at aking mamasdan ang kaniyang katuwiran.
10Kung magkagayo'y makikita ng aking kaaway, at kahihiyan ang tatakip sa kaniya, na nagsabi sa akin, #Awit 42:3. Saan nandoon ang Panginoon mong Dios? Makikita ng aking mga mata ang nais ko sa kaniya; siya nga'y yayapakan na parang putik sa mga lansangan.
11Kaarawan ng pagtatayo ng #Is. 5:5. iyong mga kuta! sa kaarawang yaon ay malalayo ang pasiya.
12Sa kaarawang yaon ay magsisiparoon sila sa iyo mula sa Asiria at sa mga bayan ng Egipto, at mula sa Egipto hanggang sa ilog, at mula sa dagat at dagat, at sa bundok at bundok.
13Gayon ma'y masisira ang lupain dahil sa kanila na nagsisitahan doon, dahil sa bunga ng kanilang mga gawa.
14Pakanin mo ang iyong bayan sa pamamagitan ng iyong tungkod, #Is. 65:10. ang kawan na iyong mana, #Jer. 49:31. na tumatahang magisa, sa #Is. 37:24. gubat sa gitna ng Carmelo: pakanin mo sila sa Basan at sa Galaad, gaya ng mga araw nang una.
15Gaya ng mga araw ng iyong paglabas sa lupain ng Egipto ay aking pagpapakitaan #Awit 78:12. sila ng mga kagilagilalas na bagay.
16Makikita ng mga bansa, at mangapapahiya sa buo nilang kapangyarihan; kanilang ilalagay ang kanilang kamay sa kanilang bibig, ang kanilang mga pakinig ay mabibingi.
17Sila'y magsisihimod sa #Awit 72:2. alabok na parang ahas; parang nagsisiusad na hayop sa lupa sila'y magsisilabas na nagsisipanginig mula sa kanilang mga kulungan; sila'y magsisilapit na may takot sa Panginoon nating Dios, at mangatatakot dahil sa iyo.
18 #
Ex. 15:11. Sino ang Dios na gaya mo, #Ex. 34:7; Jer. 31:34. na nagpapatawad ng kasamaan, at pinalalagpas ang pagsalansang ng nalabi sa kaniyang mana? hindi niya pinipigil ang kaniyang galit ng magpakailan man, sapagka't siya'y nalulugod sa kagandahang-loob.
19Siya'y muling magtataglay ng habag sa atin; #Rom. 6:14. kaniyang yayapakan ang ating kasamaan: at kaniyang ihahagis ang lahat nilang kasalanan sa mga kalaliman ng dagat.
20Iyong isasagawa #Luc. 1:72, 73. ang katotohanan kay Jacob, at ang kagandahang-loob kay Abraham, na iyong isinumpa sa aming mga magulang mula sa mga araw nang una.
Kasalukuyang Napili:
MIKAS 7: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982