JUAN 9
9
1At sa pagdaraan niya, ay nakita niya ang isang lalaking bulag mula sa kaniyang kapanganakan.
2At itinanong sa kaniya ng kaniyang mga alagad, na nangagsasabi, Rabi, sino ang nagkasala, ang taong ito, o ang #Ex. 20:5. kaniyang mga magulang, upang siya'y ipanganak na bulag?
3Sumagot si Jesus, Hindi dahil sa ang taong ito'y nagkasala, ni ang kaniyang mga magulang man: #Juan 11:4. kundi upang mahayag sa kaniya ang mga gawa ng Dios.
4Kinakailangan nating gawin #Juan 4:34; 5:19, 36; 17:4. ang mga gawa niyaong nagsugo sa akin, #Juan 11:9. samantalang araw: dumarating ang gabi, na walang taong makagagawa.
5Samantalang ako'y nasa sanglibutan, ako ang #Juan 1:4, 9. ilaw ng sanglibutan.
6Nang masabi niya ang ganito, #Mar. 7:33; 8:23. siya'y lumura sa lupa, at pinapagputik ang lura, at pinahiran ang mga mata niya ng putik,
7At sinabi sa kaniya, Humayo ka, #Neh. 3:15. maghugas ka sa tangke ng Siloe (na kung liliwanagin ay Sinugo). Siya nga'y humayo, at naghugas, at nagbalik na nakakakita.
8Ang mga kapitbahay nga, at ang nangakakita sa kaniya nang una, na siya'y pulubi, ay nangagsabi, Hindi baga ito ang nauupo at nagpapalimos?
9Sinabi ng mga iba, Siya nga: sinabi ng mga iba, Hindi, kundi nakakamukha niya. Sinabi niya, Ako nga.
10Sa kaniya nga'y kanilang sinabi, Paano nga ang pagkadilat ng iyong mga mata?
11Sumagot siya, Ang lalaking tinatawag na Jesus ay gumawa ng putik, at pinahiran ang aking mga mata, at sinabi sa akin, Humayo ka sa Siloe, at maghugas ka: kaya't ako'y humayo at naghugas, at ako'y tumanggap ng paningin.
12At sinabi nila sa kaniya, Saan naroon siya? Sinabi niya, Hindi ko nalalaman.
13Dinala nila sa mga Fariseo siya na nang una'y bulag.
14 #
Juan 5:9. Araw nga ng sabbath nang gumawa ng putik si Jesus, at padilatin ang kaniyang mga mata.
15Muli ngang tinanong naman siya ng mga Fariseo kung paanong tumanggap siya ng kaniyang paningin. At sinabi niya sa kanila, Nilagyan niya ng putik ang ibabaw ng aking mga mata, at naghugas ako, at ako'y nakakakita.
16Ang ilan nga sa mga Fariseo ay nangagsabi, Ang taong ito'y hindi galing sa Dios, #Mat. 12:10. sapagka't hindi nangingilin sa sabbath. Datapuwa't sinasabi ng mga iba, #Juan 3:2; 18:38, 39. Paano bagang makagagawa ng gayong mga tanda ang isang taong makasalanan? At nagkaroon ng #Juan 7:43. pagkakabahabahagi sa gitna nila.
17Muling sinabi nga nila sa bulag, Ano ang sabi mo tungkol sa kaniya, na siyang nagpadilat ng iyong mga mata? At kaniyang sinabi, #Juan 6:14. Siya'y isang propeta.
18Hindi nga nagsipaniwala ang mga Judio tungkol sa kaniya, na siya'y naging bulag, at tumanggap ng kaniyang paningin, hanggang sa kanilang tinawag ang mga magulang niyaong tumanggap ng kaniyang paningin,
19At nangagtanong sa kanila, na sinasabi, Ito baga ang inyong anak, na sinasabi ninyong ipinanganak na bulag? paano ngang nakakakita siya ngayon?
20Nagsisagot ang kaniyang mga magulang, at nangagsabi, Nalalaman naming ito'y aming anak, at siya'y ipinanganak na bulag:
21Datapuwa't kung paanong siya'y nakakakita ngayon, ay hindi namin nalalaman; o kung sino ang nagpadilat ng kaniyang mga mata, ay hindi namin nalalaman: tanungin siya; siya'y may gulang na; siya'y magsasalita para sa sarili niya.
22Ang mga bagay na ito'y sinabi ng kaniyang mga magulang, sapagka't #Juan 7:13. nangatatakot sa mga Judio: sapagka't pinagkaisahan na #Juan 7:45, 52. ng mga Judio, na kung ang sinomang tao'y ipahayag siya na siya ang Cristo, #Juan 12:42; 16:2. ay palayasin siya sa sinagoga.
23Kaya't sinabi ng kaniyang mga magulang, Siya'y may gulang na; tanungin siya.
24Dahil dito'y tinawag nilang bilang ikalawa ang taong naging bulag, at sinabi sa kaniya, Luwalhatiin mo ang Dios: nalalaman naming makasalanan ang taong ito.
25Sumagot nga siya, Kung siya'y makasalanan ay hindi ko nalalaman: isang bagay ang nalalaman ko, na, bagaman ako'y naging bulag, ngayo'y nakakakita ako.
26Sinabi nga nila sa kaniya, Ano ang ginawa niya sa iyo? paano ang pagkapadilat niya sa iyong mga mata?
27Sinagot niya sila, Kasasabi ko lamang sa inyo, at hindi ninyo pinakinggan; bakit ibig ninyong marinig uli? ibig baga naman ninyong kayo'y maging mga alagad niya?
28At siya'y kanilang inalipusta, at sinabi, Ikaw ang alagad niya; datapuwa't kami'y mga alagad ni Moises.
29Nalalaman naming nagsalita ang Dios kay Moises: datapuwa't #Juan 8:14. tungkol sa taong ito, ay hindi namin nalalaman kung taga saan siya.
30Sumagot ang tao at sa kanila'y sinabi, Narito nga ang kagilagilalas, na hindi ninyo nalalaman kung siya'y taga saan, at gayon ma'y pinadilat niya ang aking mga mata.
31Nalalaman naming hindi pinakikinggan ng #Awit 34:15, 17; 145:19; Kaw. 15:29. Dios ang mga makasalanan: datapuwa't kung ang sinomang tao'y maging mananamba sa Dios, at ginagawa ang kaniyang kalooban, siya'y pinakikinggan niya.
32Buhat nang lalangin ang sanglibutan ay hindi narinig kailan man na napadilat ng sinoman ang mga mata ng isang taong ipinanganak na bulag.
33 # tal. 16; Juan 3:2; 10:21. Kung ang taong ito'y hindi galing sa Dios, ay hindi makagagawa ng anoman.
34Sila'y nagsisagot at sa kaniya'y sinabi, Ipinanganak kang lubos sa mga kasalanan, at ikaw baga ang nagtuturo sa amin? At #tal. 22. siya'y pinalayas nila.
35Nabalitaan ni Jesus na siya'y pinalayas nila; at pagkasumpong sa kaniya, ay sinabi niya, Sumasampalataya ka baga sa #Juan 10:36. Anak ng Dios?
36Sumagot siya at sinabi. At sino baga siya, Panginoon, upang ako'y sumampalataya sa kaniya?
37Sinabi sa kaniya ni Jesus, Siya'y nakita mo na, at #Juan 4:26. siya nga na nakikipagsalitaan sa iyo.
38At sinabi niya, Panginoon, sumasampalataya ako. At siya'y sinamba niya.
39At sinabi ni Jesus, #Juan 5:22, 27; 8:26; 3:17; 8:15; 12:47. Sa paghatol ay naparito ako sa sanglibutang ito, #Mat. 9:13; Mar. 2:17; Luc. 5:32. upang ang mga hindi nakakakita ay mangakakita; at upang ang mga nakakakita, ay maging mga bulag.
40Yaong mga Fariseo na kasama niya ay nangakarinig ng mga bagay na ito, at sinabi sa kaniya, Kami baga naman ay mga bulag din?
41Sa kanila'y sinabi ni Jesus, #Juan 15:22, 24; Rom. 4:15. Kung kayo'y mga bulag, ay hindi kayo magkakaroon ng kasalanan: datapuwa't ngayo'y sinasabi ninyo, Kami'y nangakakakita: nananatili ang inyong kasalanan.
Kasalukuyang Napili:
JUAN 9: ABTAG
Haylayt
Ibahagi
Kopyahin
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Ftl.png&w=128&q=75)
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982