ISAIAS 48
48
Pinagsalitaan ang Israel dahil sa di pagtatapat.
1Iyong dinggin ito, Oh sangbahayan ni Jacob, na tinatawag sa pangalan ng Israel, #Awit 68:26. at nagsilabas sa bukal ng Juda; #Deut. 6:13. na nagsisumpa sa pangalan ng Panginoon, at nagsibanggit ng #Is. 29:23. Dios ng Israel, nguni't hindi sa katotohanan, o sa katuwiran man.
2(Sapagka't sila'y tinatawag ayon sa bayang banal, at nagsitiwala #2 Cron. 32:8; Mik. 3:11; Rom. 2:17. sa Dios ng Israel; ang Panginoon ng mga hukbo ang kaniyang pangalan):
3 #
Is. 41:26. Aking ipinahayag ang mga dating bagay mula nang una; oo, yao'y lumabas sa aking bibig, at aking ipinakilala: biglang ginawa ko, at nangyari.
4Sapagka't nakilala ko, na ikaw ay #Ex. 32:9. mapagmatigas, at ang iyong leeg ay parang litid na bakal, at ang iyong noo ay parang tanso:
5Kaya't aking ipinahayag sa iyo mula nang una; bago nangyari ay ipinakilala ko sa iyo: #Is. 45:20. baka iyong sabihin, Mga ginawa ng aking diosdiosan, at ang aking larawang inanyuan, at ang aking larawang binubo, nagutos sa kanila.
6Iyong narinig; tingnan mong lahat ito; at kayo, hindi ba ninyo ipahahayag? Ako'y nagpakita sa iyo ng mga bagong bagay mula sa panahong ito, sa makatuwid baga'y mga kubling bagay na hindi mo naalaman.
7Mga nalikha ngayon, at hindi mula nang una; at bago dumating ang araw na ito ay hindi mo nangarinig; baka iyong sabihin, Narito, aking nangaalaman.
8Oo, hindi mo narinig; oo, hindi mo naalaman; oo, mula nang una ay hindi nabuksan ang iyong pakinig: sapagka't talastas ko na ikaw ay gumawa na totoong may kataksilan, at tinawag na mananalangsang #Is. 49:1. mula sa bahay-bata.
9Dahil #tal. 11; Est. 20:9, 14, 22, 44. sa aking pangalan ay #Awit 78:38. aking iuurong ang aking galit, at dahil sa kapurihan ko ay aking ititigil, upang huwag kitang ihiwalay.
10Narito dinalisay #Awit 66:10; 1 Ped. 1:7. kita, nguni't hindi parang pilak; pinili kita sa #Is. 22:18, 20, 22. hurno ng kadalamhatian.
11Dahil din sa akin, dahil din sa akin, aking gagawin yaon; #Ezek. 20:9. sapagka't, bakit lalapastanganin ang aking pangalan? #Is. 42:2; Awit 115:1. at ang kaluwalhatian ko ay hindi ko ibinigay sa iba.
Ipinangako ang pagkaligtas mula sa Babilonia.
12Inyong dinggin ako, Oh Jacob, at Israel na tinawag ko: #Deut. 32:39. Ako nga; #Is. 41:4; 44:6. ako ang una, ako rin ang huli.
13Oo, ang aking kamay ay siyang #Awit 102:25; Is. 51:13, 16. naglagay ng patibayan ng lupa, at ang aking kanan ay siyang nagladlad ng langit: pagka ako'y tumatawag sa kanila, sila'y nagsisitayong magkakasama.
14Kayo'y magpipisan, kayong lahat, at inyong dinggin; #Is. 41:26. sino sa kanila ang nagpahayag ng mga bagay na ito? #Is. 45:1. Siyang iniibig ng Panginoon ay #Is. 44:28. kaniyang tutuparin ang kaniyang kaligayahan sa Babilonia, at bubuhatin niya ang kaniyang kamay sa mga #Is. 23:13. Caldeo.
15Ako, ako nga'y nagsalita; oo, aking tinawag siya; #Is. 45:1-3. aking dinala siya; at kaniyang pagiginhawahin ang kaniyang lakad.
16Kayo'y magsilapit sa akin, inyong dinggin ito; mula sa pasimula ay #Is. 45:19. hindi ako nagsalita ng lihim; mula nang panahon na nangyari ito, nandoon nga ako: at ngayo'y sinugo ako #Is. 61:1. ng Panginoong Dios, at nang kaniyang Espiritu.
17Ganito ang sabi ng #Is. 43:14. Panginoon, ng inyong Manunubos, ng Banal ng Israel, Ako ang Panginoon mong Dios, na nagtuturo sa iyo ng mapapakinabangan, na pumapatnubay sa iyo sa daan na iyong marapat na lakaran.
18Oh kung dininig mo ang aking mga utos! #tal. 11; Ezek. 20:9, 14, 22, 44. ang iyo ngang kapayapaan ay naging parang ilog, at ang iyong katuwiran ay parang mga alon sa dagat:
19Ang #Gen. 22:17; Is. 10:22. iyo namang lahi ay naging parang buhangin at ang suwi ng iyong tiyan ay parang mga butil niyaon: ang kaniyang pangalan ay hindi mahihiwalay o magigiba man sa harap ko.
20Kayo'y magsilabas sa Babilonia, #Is. 52:11; Jer. 50:8; 51:6, 45; Zac. 2:6, 7. inyong takasan ang mga Caldeo; kayo'y mangagpahayag na may tinig ng awitan, inyong saysayin ito, itanyag ninyo hanggang sa wakas ng lupa: inyong sabihin, #Ex. 19:4-6; Is. 44:22, 23. Tinubos ng Panginoon ang Jacob na kaniyang lingkod.
21 #
Is. 35:6. At sila'y hindi nangauhaw nang pinapatnubayan niya sila sa mga ilang; #Is. 43:19. kaniyang pinaagos ang tubig mula sa bato para sa kanila; kaniyang ginuwangan din naman ang bato, at ang tubig ay bumukal.
22Walang kapayapaan #Is. 57:21. sa masama, sabi ng Panginoon.
Kasalukuyang Napili:
ISAIAS 48: ABTAG
Haylayt
Ibahagi
Kopyahin
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Ftl.png&w=128&q=75)
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982