ISAIAS 47
47
Ang hatol ng Panginoon sa Babilonia ay sinabi.
1Ikaw ay bumaba, #Jer. 48:18. at umupo sa alabok, Oh #Awit 137:8. anak na dalaga ng Babilonia; lumagmak ka sa lupa na walang luklukan, Oh #tal. 5. anak na babae ng mga Caldeo: sapagka't hindi ka na tatawaging maselang at mahinhin.
2Ikaw ay kumuha ng gilingang mga bato, #Ex. 11:5; Huk. 16:21. at gumiling ka ng harina; magalis ka ng iyong lambong, maghubad ka ng balabal, #2 Sam. 10:4; Is. 20:4; 32:11. maglitaw ka ng binti, tumawid ka sa mga ilog.
3Ang iyong kahubaran ay malilitaw, oo, ang iyong kahihiyan ay makikita, #Rom. 12:19. ako'y manghihiganti, at hindi tatangi ng tao.
4Ang aming Manunubos, #Is. 43:15; Jer. 50:34. ang Panginoon ng mga hukbo ay siyang pangalan niya, ang Banal ng Israel.
5Maupo kang tahimik, at masok ka sa kadiliman, Oh anak na babae ng mga Caldeo: #tal. 7. sapagka't hindi ka na tatawagin. Ang mahal na babae ng mga kaharian.
6Ako'y napoot #Zac. 1:15. sa aking bayan, #Is. 43:28. aking dinumhan ang aking mana, at ibinigay ko sa iyong kamay: hindi mo pinagpakitaan sila ng kaawaan; #Deut. 28:50. sa may katandaan ay pinabigat mong mainam ang iyong atang.
7At iyong sinabi, Ako'y magiging mahal na babae magpakailan man: na anopa't hindi mo ginunita ang mga bagay na ito sa iyong kalooban, o inalaala mo man #Deut. 32:29. ang huling wakas nito.
Ang kawalang bisa ng pagasa sa sarili.
8Ngayon nga'y dinggin mo ito, ikaw na hinati sa mga kalayawan, na tumatahang matiwasay, na nagsasabi sa kaniyang puso, #Is. 45:6, 18; 46:9. Ako nga, at walang iba liban sa akin; #Apoc. 18:7. hindi ako uupong gaya ng babaing bao, o mararanasan man ang pagkawala ng mga anak:
9Nguni't ang dalawang bagay na ito ay darating sa iyo sa isang sangdali, sa isang araw, ang pagkawala ng mga anak at pagkabao; sa kanilang karamihan ay darating sa iyo, #Neh. 3:4. sa karamihan ng iyong panggagaway, at sa totoong kasaganaan ng iyong mga enkanto.
10Sapagka't ikaw ay tumiwala sa iyong kasamaan; iyong sinabi, Walang nakakakita sa akin; ang iyong karunungan at ang iyong kaalaman, nagpaligaw sa iyo: at iyong sinabi sa iyong puso, Ako nga, at walang iba liban sa akin.
11Kaya't ang kasamaan ay darating sa iyo; hindi mo malalaman ang bukang liwayway niyaon: at kasakunaan ay sasapit sa iyo; hindi mo maaalis: at kagibaan ay darating sa iyong bigla, na hindi mo nalalaman.
12 #
Is. 19:3. Tumayo ka ngayon sa iyong mga enkanto, at sa karamihan ng iyong panggagaway, na iyong ginawa mula sa iyong kabataan: marahil makikinabang ka, marahil mananaig ka.
13Ikaw ay yamot #Is. 57:10. sa karamihan ng iyong mga payo: #Is. 44:25; Dan. 2:2. magsitayo ngayon ang nanganghuhula sa pamamagitan ng langit, at ng mga bituin, ang mga mangingilala ng tungkol sa buwan, at siyang magligtas sa iyo sa mga bagay na mangyayari sa iyo.
14Narito, sila'y magiging #Nah. 1:10; Mal. 4:1. gaya ng pinagputulan ng trigo; susunugin sila ng apoy; sila'y hindi makaliligtas sa bangis ng liyab: hindi babaga na mapagpapainitan, o magiging apoy na mauupuan sa harap.
15Ganito mangyayari ang mga bagay sa iyo, na iyong ginawa: #Apoc. 18:3. silang nangalakal sa iyo mula sa iyong kabinataan ay lalaboy bawa't isa ng kaniyang sariling lakad; walang magliligtas sa iyo.
Kasalukuyang Napili:
ISAIAS 47: ABTAG
Haylayt
Ibahagi
Kopyahin
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Ftl.png&w=128&q=75)
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982