ISAIAS 2
2
Ang pangkalahatang paghahari ng Panginoon.
1Ang salita na #Is. 1:1. naalaman ni Isaias na anak ni Amoz tungkol sa Juda at Jerusalem.
2At #Hanggang tal. 4; Mik. 4:1-3. mangyayari #Gen. 49:1. sa mga huling araw, na ang bundok ng bahay ng Panginoon ay matatatag sa taluktok ng mga bundok, at magiging mataas sa mga burol; #Is. 27:13; Luc. 24:47. at lahat ng bansa ay magsisiparoon doon.
3At maraming bayan ay magsisiyaon at mangagsasabi, #Jer. 31:6; Zac. 8:21, 23. Halina kayo, at tayo'y magsiahon sa bundok ng Panginoon, sa bahay ng Dios ni Jacob; at tuturuan niya tayo ng kaniyang mga daan, at tayo'y magsisilakad sa kaniyang mga landas: sapagka't mula sa Sion ay lalabas ang kautusan, at ang salita ng Panginoon ay mula sa Jerusalem.
4At siya'y hahatol sa gitna ng mga bansa, at sasaway sa maraming tao: at #Joel 3:10. kanilang pupukpukin ang kanilang mga tabak upang maging mga sudsod, at ang kanilang mga sibat ay maging mga karit: ang bansa ay hindi magtataas ng tabak laban sa bansa, #Awit 46:9; Os. 2:18; Zac. 9:10. o mangagaaral pa man sila ng pakikipagdigma.
5Oh sangbahayan ni Jacob, halikayo, at tayo'y magsilakad sa liwanag ng Panginoon.
6Sapagka't iyong binayaan ang iyong bayan na sangbahayan ni Jacob, sapagka't sila'y puspos ng mga kaugaliang mula sa silanganan, at #Deut. 18:14. mga enkantador #2 Hari 1:2. gaya ng mga Filisteo, at sila'y nangakikipagkamay sa mga anak ng mga taga ibang lupa.
7Ang kanilang lupain naman #Deut. 17:16. ay puno ng pilak at ginto, ni walang wakas ang kanilang mga kayamanan; ang kanila namang lupain ay puno ng mga kabayo, ni walang katapusang bilang ang kanilang mga karo.
8Ang kanila namang lupain #Jer. 2:28. ay puno ng mga diosdiosan; kanilang sinasamba ang gawa ng kanilang sariling mga kamay, na ginawa ng kanilang sariling mga daliri.
9 # tal. 11, 17; Is. 5:15. At ang taong hamak ay yumuyuko, at ang mataas na tao ay nabababa: kaya't huwag mong patawarin sila.
10Pumasok ka sa malaking bato, at #tal. 19, 21; Apoc. 6:15. magkubli ka sa alabok, sa #2 Tes. 1:9. kakilabutan sa Panginoon, at sa kaluwalhatian ng kaniyang kamahalan.
11 # tal. 17; Is. 13:11. Ang mga tinging mapagmataas ng tao ay mabababa, at ang mga pagmamataas ng mga tao ay mahuhutok, #2 Cor. 10:5. at ang Panginoon magisa ay mabubunyi #Is. 4:1, 2; 11:10, 11; 12:1, 4; 24:21; 25:9; 26:1; 28:5; 29:18; Jer. 30:8. sa kaarawang yaon.
12Sapagka't magkakaroon ng isang kaarawan ang Panginoon ng mga hukbo sa lahat na palalo at mapagmataas, at sa lahat na nagmamataas; at yao'y mabababa:
13At sa lahat ng cedro ng Libano, na matayog at mataas, at sa lahat ng encina ng Basan;
14At #Is. 30:25. sa lahat ng matataas na bundok, at sa lahat ng mga burol na nangataas;
15At sa bawa't matayog na moog, at sa bawa't kutang nababakod:
16At #1 Hari 10:22. sa lahat ng mga sasakyang dagat ng Tarsis, at sa lahat ng maligayang bagay.
17At ang kahambugan ng tao ay huhutukin, at ang mga pagmamataas ng mga tao ay mabababa: at ang Panginoon magisa ay mabubunyi sa kaarawang yaon.
18At ang mga diosdiosan ay mapapawing lubos.
19 # tal. 10; Luc. 23:30. At ang mga tao ay magsisipasok sa mga yungib ng malalaking bato, at sa mga puwang ng lupa, sa harap ng kakilabutan sa Panginoon, at sa kaluwalhatian ng kaniyang kamahalan, pagka siya'y bumangon upang yaniging may kapangyarihan ang lupa.
20Sa kaarawang yaon ay ihahagis ng mga tao ang kanilang mga diosdiosang pilak, at ang kanilang mga diosdiosang ginto, na kanilang ginawa upang sambahin, sa yungib ng mga bilig at ng mga paniki;
21Upang pumasok sa mga puwang ng malalaking bato, at sa mga bitak ng mga malaking bato, sa harap ng kakilabutan sa Panginoon, at sa kaluwalhatian ng kaniyang kamahalan, pagka siya'y bumangon upang yaniging may kapangyarihan ang lupa.
22Layuan ninyo #Awit 146:3. ang tao, #Job 27:3. na ang hinga ay nasa kaniyang mga butas ng ilong: sapagka't sa ano pahahalagahan siya?
Kasalukuyang Napili:
ISAIAS 2: ABTAG
Haylayt
Ibahagi
Kopyahin
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Ftl.png&w=128&q=75)
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982