ANG MGA GAWA 22
22
1 #
Gawa 7:2. Mga kapatid na lalake at mga magulang, pakinggan ninyo ang pagsasanggalang na gagawin ko ngayon sa harapan ninyo.
2At nang marinig nilang sila'y kinakausap niya #Gawa 21:40. sa wikang Hebreo, ay lalo pang tumahimik sila: at sinabi niya,
3Ako'y #Rom. 11:1; 2 Cor. 11:22; Fil. 3:5. Judio, na ipinanganak sa Tarso ng Cilicia, datapuwa't pinapagaral sa bayang ito, sa paanan ni #Gawa 5:34. Gamaliel, na tinuruan alinsunod sa mahigpit na kaparaanan ng kautusan ng ating mga magulang, palibhasa'y masikap tungkol sa Dios, na gaya ninyong lahat ngayon:
4At #Gawa 8:3. aking pinagusig ang Daang #Gawa 9:2. ito hanggang sa mamatay, na tinatalian at ipinapasok sa mga bilangguan ang mga lalake at gayon din ang mga babae.
5Gaya rin naman ng pangulong saserdote na nagpapatotoo sa akin, at ang buong kapulungan ng matatanda: #Gawa 9:2; 26:10-12. na sa kanila nama'y tumanggap ako ng mga sulat sa mga kapatid, at naglakbay ako sa Damasco upang dalhin ko namang mga gapos sa Jerusalem ang nangaroroon upang parusahan.
6At #Gawa 9:3-8; 26:12-18. nangyari, na, samantalang ako'y naglalakbay, at nalalapit na sa Damasco, nang magtatanghaling tapat, biglang nagliwanag mula sa langit ang isang malaking ilaw sa palibot ko.
7At ako'y nasubasob sa lupa, at narinig ko ang isang tinig na nagsasabi sa akin, Saulo, Saulo, bakit mo ako pinaguusig?
8At ako'y sumagot, Sino ka baga, Panginoon? At sinabi niya sa akin, Ako'y si Jesus na taga Nazaret, na iyong pinaguusig.
9At sa katotohana'y nakita ng mga kasamahan ko ang ilaw, #Gawa 9:7. datapuwa't hindi nila narinig ang tinig na nagsalita sa akin.
10At sinabi ko, Ano ang gagawin ko, Panginoon? At sinabi sa akin ng Panginoon, Magtindig ka, at pumaroon ka sa Damasco; at doo'y sasabihin sa iyo ang lahat ng mga bagay na itinalagang gagawin mo.
11At nang hindi ako makakita dahil sa kaningningan ng ilaw na yaon, palibhasa'y inakay ako sa kamay ng mga kasamahan ko, ay pumasok ako sa Damasco.
12At #Gawa 9:10. isang Ananias, lalaking masipag sa kabanalan ayon sa kautusan, na may mabuting katunayan ng lahat ng mga Judiong nagsisitahan doon,
13 #
Gawa 9:17, 18. Ay lumapit sa akin, at natatayo sa tabi ko ay nagsabi sa akin, Kapatid na Saulo, tanggapin mo ang iyong paningin. At nang oras ding yao'y tumingin ako sa kaniya.
14At sinabi niya, Ang Dios ng ating mga magulang ay #Gawa 3:13; 5:30. itinalaga ka upang mapagkilala mo ang kaniyang kalooban, at makita mo #Gawa 3:14. ang Banal, at marinig mo ang isang tinig mula sa kaniyang bibig.
15Sapagka't magiging saksi ka niya sa lahat ng mga tao tungkol sa #Gawa 26:16. mga bagay na iyong nakita at narinig.
16At ngayon bakit ka tumitigil? magtindig ka, at #Gawa 2:38; 9:18; Heb. 10:22. ikaw ay magbautismo, at hugasan mo ang iyong mga kasalanan, na tumatawag sa kaniyang pangalan.
17At nangyari, na, nang ako'y #Gawa 9:26. makabalik na sa Jerusalem, at nang ako'y nananalangin sa templo ay #Gawa 10:10; 11:5; 2 Cor. 12:1-4. nawalan ako ng diwa,
18At siya'y nakita ko na nagsasabi sa akin, Magmadali ka, at umalis ka agad sa Jerusalem; sapagka't hindi nila tatanggapin sa iyo ang patotoo tungkol sa akin.
19At aking sinabi, Panginoon, napagtatalastas nila na ako ang nagbilanggo at humampas sa bawa't sinagoga sa mga nagsisisampalataya sa iyo:
20At nang ibubo ang dugo ni Estebang iyong saksi, ay ako nama'y nakatayo sa malapit, at #Gawa 8:1. sinasangayunan ko, at #Gawa 7:58. iningatan ko ang mga damit ng sa kaniya'y nagsipatay.
21At sinabi niya sa akin, Yumaon ka: #Gawa 9:15; 18:28. sapagka't susuguin kita sa malayo sa mga Gentil.
22At kanilang pinakinggan siya hanggang sa salitang ito; at sila'y nangagtaas ng kanilang tinig, at nangagsabi, #Gawa 21:36. Alisin sa lupa ang isang gayong tao: sapagka't hindi marapat #Gawa 25:24. na siya'y mabuhay.
23At samantalang sila'y nangagsisigawan, at ipinaghahagisan ang kanilang mga damit, at nangagsasabog ng alabok sa hangin,
24Ay ipinagutos ng pangulong kapitan na siya'y ipasok #Gawa 21:34. sa kuta, na ipinaguutos na siya'y sulitin sa pamamagitan ng hampas, upang maalaman niya kung sa anong kadahilanan sila'y nangagsigawan ng gayon laban sa kaniya.
25At nang siya'y kanilang magapos na ng mga panaling katad, ay sinabi ni Pablo sa senturiong nakatayo sa malapit, #Gawa 16:37. Matuwid baga sa iyo na hampasin ang isang taong taga Roma, na hindi pa nahahatulan?
26At nang ito'y marinig ng senturion, ay naparoon siya sa pangulong kapitan at sa kaniya'y ipinagbigay-alam, na sinasabi, Ano baga ang gagawin mo? sapagka't ang taong ito ay taga Roma.
27At lumapit ang pangulong kapitan at sinabi sa kaniya, Sabihin mo sa akin, ikaw baga'y taga Roma? At sinabi niya, Oo.
28At sumagot ang pangulong kapitan, Binili ko ng totoong mahal ang pagkamamamayang ito. At sinabi ni Pablo, Nguni't ako'y katutubong taga Roma.
29Pagkaraka nga'y nagsilayo sa kaniya ang mga sa kaniya sana'y susulit: at ang pangulong kapitan din naman ay #Gawa 16:38. natakot nang maalamang siya'y taga Roma, at dahil sa pagkagapos niya sa kaniya.
30Datapuwa't nang kinabukasan, sa pagkaibig na matanto ang katunayan kung bakit siya'y isinakdal ng mga Judio, ay kaniyang pinawalan siya, at #Gawa 23:1, 6. pinapagpulong ang mga pangulong saserdote at ang buong Sanedrin, at ipinapanaog si Pablo at iniharap sa kanila.
Kasalukuyang Napili:
ANG MGA GAWA 22: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982