II TIMOTEO 3
3
1Datapuwa't alamin mo ito, #1 Tim. 4:1; 2 Tim. 4:3. na sa mga huling araw ay darating ang mga panahong mapanganib.
2Sapagka't ang mga tao'y magiging maibigin sa kanilang sarili, maibigin sa salapi, mayayabang, mga mapagmalaki, mapagtungayaw, masuwayin sa mga magulang, mga walang turing, mga walang kabanalan,
3Walang katutubong pagibig, mga walang paglulubag, mga palabintangin, mga walang pagpipigil sa sarili, mga mabangis, hindi mga maibigin sa mabuti,
4Mga lilo, mga matitigas ang ulo, mga palalo, mga maibigin sa kalayawan kay sa mga maibigin sa Dios;
5 #
Mat. 7:15. Na may #Rom. 2:20. anyo ng kabanalan, datapuwa't #1 Tim. 5:8. tinanggihan ang kapangyarihan nito: lumayo ka rin naman sa mga ito.
6Sapagka't sa mga ito ang nanganggagapang sa mga bahay, at binibihag ang babaing haling na lipos ng mga kasalanan, hinihila ng mga iba't ibang pita,
7Na laging nagsisipagaral, at kailan pa man ay hindi nakararating #1 Tim. 2:4. sa pagkaalam ng katotohanan.
8At kung paanong #Ex. 7:11. si Janes at si Jambres ay nagsilaban kay Moises, ay gayon din naman ang mga ito'y nagsisilaban sa katotohanan; mga taong masasama ang pagiisip, #Tit. 1:16. mga itinakuwil tungkol sa pananampalataya.
9Nguni't sila'y hindi mangagpapatuloy: sapagka't mangahahayag sa lahat ng mga tao ang kanilang kamangmangan, #Ex. 7:12. gaya naman ng pagkahayag ng sa mga yaon.
10Nguni't sinunod mo #1 Tim. 4:13. ang aking aral, ugali, #Gawa 11:23. akala, #Tit. 2:2. pananampalataya, pagpapahinuhod, pagibig, pagtitiis,
11Mga paguusig, mga pagbabata; anomang mga bagay ang nangyari sa akin #Gawa 13:45, 50. sa Antioquia, sa #Gawa 14:2, 5. Iconio, sa #Gawa 14:6, 19. Listra; anomang mga paguusig ang tiniis ko: at sa lahat ay iniligtas ako ng Panginoon.
12Oo, at #Mat. 16:24; Juan 15:20. lahat na ibig mabuhay na may kabanalan kay Cristo Jesus ay mangagbabata ng paguusig.
13Datapuwa't ang masasamang tao at mga magdaraya ay lalong sasama ng sasama, na mangagdadaya, at sila rin ang mangadadaya.
14Datapuwa't #2 Tim. 1:13; 2:2. manatili ka sa mga bagay na iyong pinagaralan at sa pinagkaroonan mo ng katunayan, yamang nalalaman mo kung kanino mo nangatutuhan;
15At mula sa pagkasanggol ay iyong nalalaman #Juan 5:47. ang mga banal na kasulatan #Awit 119:99. na makapagpadunong sa iyo sa ikaliligtas sa pamamagitan ng pananampalataya kay Cristo Jesus.
16Ang lahat ng mga kasulatan #2 Ped. 1:19-21. na kinasihan ng Dios ay #Rom. 15:4. mapapakinabangan din naman sa pagtuturo, sa pagsansala, sa pagsaway, sa ikatututo na nasa katuwiran:
17Upang ang tao #1 Tim. 6:11. ng Dios ay maging sakdal, tinuruang lubos sa lahat ng mga gawang mabuti.
Kasalukuyang Napili:
II TIMOTEO 3: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982