II MGA HARI 12
12
Ipinaigi ni Joas ang templo.
1Nang ikapitong taon ni Jehu ay nagpasimulang maghari si #Hanggang tal. 15; 2 Cron. 24:1-14.Joas: at siya'y nagharing apat na pung taon sa Jerusalem: at ang pangalan ng kaniyang ina ay Sibia na taga Beerseba.
2At gumawa si Joas ng matuwid sa harap ng mga mata ng Panginoon, sa lahat ng kaniyang kaarawan na ipinagturo sa kaniya ni Joiada na saserdote.
3 #
1 Hari 15:14; 2 Hari 14:4. Gayon ma'y ang mga mataas na dako ay hindi inalis: ang bayan ay nagpatuloy na naghain at nagsunog ng kamangyan sa mga mataas na dako.
4At sinabi ni Joas sa mga saserdote, #1 Hari 15:15; 2 Hari 22:4.Ang buong salapi ng mga bagay na itinalaga na napasok sa bahay ng Panginoon, na #Ex. 30:12, 16; 2 Cron. 24:6, 9.karaniwang salapi, na salapi na inihalaga sa mga pagkatao na hiniling sa bawa't isa, at ang #Ex. 35:5.buong salapi na nagudyok sa puso ng sinomang lalake na dalhin sa bahay ng Panginoon.
5Kunin ng mga saserdote, ng bawa't isa sa kaniyang kakilala: at kanilang #Ex. 27:9, 27. huhusayin ang mga sira ng bahay saan man makakasumpong ng anomang sira.
6Nguni't nangyari, nang ikadalawangpu't tatlong taon ng haring si Joas, #2 Cron. 24:5, 6.na hindi hinusay ng mga saserdote ang mga sira ng bahay.
7Nang magkagayo'y tinawag ng haring si Joas si Joiada na saserdote, at ang ibang mga saserdote, at sinabi sa kanila, Bakit hindi ninyo hinuhusay ang mga sira ng bahay? ngayon nga'y huwag na kayong magsikuha pa ng salapi sa inyong mga kakilala, kundi inyong ibigay para sa mga sira ng bahay.
8At pinayagan ng mga saserdote na huwag na silang magsikuha pa ng salapi sa bayan, o husayin man ang mga sira ng bahay.
9Nguni't si Joiada na saserdote ay kumuha ng isang #Mar. 12:41; Luc. 21:1.kaban, at binutasan ang takip niyaon, at inilagay sa tabi ng dambana sa dakong kanan ng pumapasok sa bahay ng Panginoon: at isinilid doon ng mga saserdote na tagatanod-pinto ang buong salapi na dinala sa bahay ng Panginoon.
10At nagkagayon, nang makita nila na maraming salapi sa kaban, na ang #1 Hari 4:3.kalihim ng hari at ang #2 Cron. 24:11; 26:20; 31:10.dakilang saserdote ay sumampa, at kanilang isinilid sa mga supot at binilang ang salapi na nasumpungan sa bahay ng Panginoon.
11At ibinigay nila ang salapi na tinimbang sa mga kamay nila na gumawa ng gawain, na siyang mga tagapangasiwa sa bahay ng Panginoon; at kanilang ibinayad sa mga anluwagi at sa mga manggagawa, na gumawa sa bahay ng Panginoon,
12At sa mga mangdadaras ng bato, at sa mga mananabas ng bato, at sa pagbili ng mga kahoy, at mga batong tabas upang husayin ang mga sira ng bahay ng Panginoon, at sa lahat sa magugugol sa bahay upang husayin.
13Nguni't walang ginawa para sa bahay ng Panginoon na mga #1 Hari 7:50; 2 Hari 25:14, 15.tasang pilak, mga gunting, mga mangkok, mga pakakak, anomang mga kasangkapang ginto, o mga kasangkapang pilak, #2 Cron. 24:14.sa salapi na napasok sa bahay ng Panginoon:
14Sapagka't kanilang ibinigay yaon sa kanila na nagsigawa ng gawain, at ipinaghusay ng bahay ng Panginoon.
15Bukod dito'y #2 Hari 22:7.hindi sila nangakikipagtuos sa mga lalake, na pinagabutan nila sa kamay ng salapi upang ibigay sa nagsisigawa ng gawain: sapagka't sila'y nagsisigawang may pagtatapat.
16 #
Lev. 5:15, 18. Ang salaping handog dahil sa pagkakasala, at ang salaping handog dahil sa kasalanan, ay hindi ipinasok sa bahay ng Panginoon: #Lev. 7:7; Blg. 18:9.yao'y sa mga saserdote nga.
17Nang magkagayo'y si #2 Hari 8:12. Hazael na hari sa Siria ay umahon, at lumaban sa #1 Sam. 17:4.Gath, at sinakop yaon: at itinanaw ni Hazael ang kaniyang mukha upang umahon sa Jerusalem.
18At kinuha ni Joas sa hari sa Juda ang #1 Hari 15:18; 2 Hari 16:8; 18:15, 16.lahat na bagay na itinalaga ni Josaphat, at ni Joram, at ni Ochozias, na kaniyang mga magulang, na mga hari sa Juda, at ang #tal. 4.kaniyang mga itinalagang bagay, at ang lahat na ginto na masusumpungan sa mga kayamanan ng bahay ng Panginoon, at ng bahay ng hari, at ipinadala kay Hazael na hari sa Siria: #2 Cron. 24:23.at siya'y umalis sa Jerusalem.
Si Joas ay pinatay.
19Ang iba nga sa mga gawa ni Joas, at ang lahat niyang ginawa, di ba nangasusulat sa aklat ng mga alaala sa mga hari sa Juda?
20 #
2 Hari 14:5; 2 Cron. 24:25-27. At ang kaniyang mga lingkod ay nagsibangon, at nagsipagbanta, at sinaktan si Joas sa #2 Sam. 5:9.bahay sa Millo, sa daan na palusong sa Silla.
21Sapagka't sinaktan siya ni Josachar na anak ni Simaath, at ni Jozabad na anak ni Somer, na kaniyang mga lingkod, at siya'y namatay; at inilibing nila siya na kasama ng kaniyang mga magulang sa bayan ni David: at naghari si Amasias na kaniyang anak na kahalili niya.
Kasalukuyang Napili:
II MGA HARI 12: ABTAG
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Biblia © Philippine Bible Society, 1982