MATEO 26:1-5

Nang matapos ni Jesus ang lahat ng mga salitang ito ay sinabi niya sa kanyang mga alagad, “Nalalaman ninyo na pagkaraan ng dalawang araw ay darating ang Paskuwa, at ibibigay ang Anak ng Tao upang ipako sa krus.” Pagkatapos nito ang mga punong pari at ang matatanda sa bayan ay nagkatipon sa palasyo ng pinakapunong pari, na tinatawag na Caifas. At sila'y nagsabwatan upang hulihin si Jesus sa pamamagitan ng daya, at patayin siya. Ngunit sinabi nila, “Huwag sa kapistahan, baka magkagulo ang mga taong-bayan.”