JOB 40:1-5

At sumagot ang PANGINOON kay Job at sinabi: “Ang mapaghanap ng kamalian ay makikipagtalo ba sa Makapangyarihan sa lahat? Siyang nakikipagtalo sa Diyos, ay sagutin niya ito.” Nang magkagayo'y sumagot si Job sa PANGINOON, at nagsabi, “Narito, ako'y walang kabuluhan; anong isasagot ko sa iyo? Aking inilalagay ang aking kamay sa bibig ko, minsan ay nagsalita ako, at hindi ako tutugon; makalawa, at hindi na ako magpapatuloy.”