DEUTERONOMIO 9:9-10

Nang ako'y umakyat sa bundok upang tanggapin ang mga tapyas na bato, samakatuwid ay ang mga tapyas ng tipan na ginawa ng PANGINOON sa inyo, nanatili ako sa bundok ng apatnapung araw at apatnapung gabi. Hindi ako kumain ng tinapay ni uminom ng tubig. Ibinigay sa akin ng PANGINOON ang dalawang tapyas na bato na sinulatan ng daliri ng Diyos. Nasa mga iyon ang lahat ng mga sinabi ng PANGINOON sa inyo sa bundok mula sa gitna ng apoy nang araw ng pagtitipon.