METHIU 1
1
Jisu Khrista vaa Apa Apu
(Luk 3:23–38)
1 #
Luk 3:23–38
Jisu Khrista apa apuvaa jikji, Devit vaa asa kupa, Abraham vaa asa kupa.
2Abraham Aisaak vaa apa, Aisaak Jakop vaa apa, Jakop Judah leh anaovaa anpa. 3Che Judah Tamar soh Peres leh Jerah vaa anpa, Peres Hejaron vaa apa, Hejaron Raam vaa apa, 4Raam Aminadep vaa apa, Aminadep Nason vaa apa, Nason Salmon vaa apa, 5che Salmon Rahap soh Boas vaa anpa, Boas Ruth soh Obet vaa anpa, Obet Jesi vaa apa, 6che Jesi Devit kurungvaa apa.
Devit Uriah vaa akmeinata Solomon vaa apa, 7che Solomon Rehoboam vaa apa, Rehoboam Abia vaa apa, Abia Asa vaa apa, 8che Asa Jehosaphet vaa apa, Jehosaphet Joram vaa apa, Joram Ujiah vaa apa, 9che Ujiah Jotham vaa apa, Jotham Ahas vaa apa, Ahas Hejekiah vaa apa, 10che Hejekiah Manaseh vaa apa, Manaseh Amos vaa apa, Amos Josiah vaa apa. 11Che Josiah Jekoniah leh amah anaovaa anpa, mahlai Babilon na suura anphurhpei.
12Che Babilon na suura anphurhnua: Jekoniah Saltiel vaa apa, Saltiel Jerubabel vaa apa, 13che Jerubabel Abihut vaa apa, Abihut Eliakim vaa apa, Eliakim Ajor vaa apa, 14che Ajor Jadok vaa apa, Jadok Akim vaa apa, 15Eliud Eliajar vaa apa, Eliajar Mathan vaa apa, Mathan Jakop vaa apa, 16che Jakop Meri amsal Joseph vaa apa, anmahnata Khrista antih Jisu kha poksa.
17Chunna mah ringnatluun Abraham nata Devit phah anaamte i ringnatluun somlei manli, che Devit nata Babilon na suura anphurh phah i ringnatluun somlei manli; che Babilon na suura anphurhnata Misaiah phah i ringnatluun somlei manli.
Jisu Khrista Apokna
(Luk 2:1–7)
18 #
Luk 1:26–38
Misaiah Jisu Khrista in apoknachu nga tloh a suuksa. Amah anu Meri ta Joseph ah turaal antha, chuta anmah in anchunnoh maa a Li Akseeng nata Meri avonna nao inthun veisa. 19Amah amsal Joseph vah akchimlamseh mii khat veia amah in atlannoh miikaara madangnoh a inrukte amdahnatu amdonpei. 20Mahchunanga tlohtsangta anchaang suung, Akpu vaa ringroi inkhat in akmanga mamuh a akuunga ason, “Devit vaa asa kupa Joseph, Meri ta nikmei maveia lou trihnohro, alamva amah in akpooi naoi Li Akseeng tingna; 21#Luk 1:31; 2:21; Jon 1:29; Noon 13:23amah in kupasa inkhat apoktu, che nangin amahvaa akming Jisu niongtu, alamva amah in amiieita anlehnata akaltuei.
22“Mah naamte i Akpu trong akson ringraan in asonkha atlungnatu veisa, mah chuvah:
23“Anve akseeng rungaak inkhat in nao inpooia kupasa inkhat apoktu,
“che anmah in amahvaa akming Immanuel an ongtu.”
(Mahchu arthava, “Ringpu in inihta inimrui.”) 24Joseph in a ihnata inthoua Akpu vaa ringroin amahkuunga jathang amlankha amjuihpei, che amah in Meri ta akmei veia alohpei. 25#Luk 2:21Chuta Meri in asa kupa apoknohmiil amahta inchunpinoh, amah in naota akming Jisu aongpei.
Kasalukuyang Napili:
METHIU 1: TARAOBSI
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Tarao New Testament - Akthar Trongirhna
Copyright © 2017 by The Bible Society of India
Used by permission. All rights reserved worldwide.
