MATHIU 11
11
Johon Baptis Chong Hongchoi
(Luk. 7:18-35)
1Jisun a thiamruoi somleiningai ha a man chu suale, a man hava mun ha a mak, anmani khopui rakip han man chuna rang le chong ri ranga an che jui,
2Hale Johon ning ren inn sunga a om lai han, Khrista chuan ha a jet, ama a thiamruoi anni alui hong tir. 3Hale ama jiang a ti, “Nangmo na ni a hong rangpa, animakle midang khat mo kan langak rang?”
4Jisun anmani jiang a shanga a ti, “Che unang Johon jiang, hong ti peru nang nin nan kuorra nan jet le nan mu ha.” 5Mitdelngain an mu, hale kekiakngain an lonthei jui, pangphar tongngain an thiang jui, hale a kuorsepngain rasha an jet jui, a thi ngai om an ringkhir jui, hale a ring ngai jiang chongsat ha an manjet jui. 6Hale kei jiang kei chi keiok na pe lui mi ha ravansat anni.
7Anmanin an che suapha han, Jisun mitamngai jiang Johon ruia chong ri a hong phut; ramtonglian na i en mo nan che, phaivuo ning a man kan nik pengai mo? 8Tak-ha nang nin imo mu ranga nan che? Puan emsi miring khat mo? Takbala puan emsi miko reng inna omngai jak anni. 9Tak-ha nang nin imo en ranga nan che? Tashanthei khat mo? O, kein nang ni jiang kati, Pathian tashanthei khat nek om ka kheldet. 10“Ajarko hivahi amake, ama ruia alui kan jiak sa ani, enru, kein ka chong choi ha nang na madonna ka tir, a man nang na madonna na lon na lam ha sin nati”. 11Adik tak a kein nang ni jiang kati ani, numeingai ning an nei nai karra Johon Baptis khel la a lian det tu khat om la nei ma u. Tak-ha vanrengram ma a shintak ha ning ama nek a lian tak ha ni. 12Hale Johon Baptis phalai tenna a tun khan hin, vanrengram hi ranakneingain an man pong; hale jot luia namrak an lui tho. 13Ajarko Pathian tashantheingai rakip le dan chong ri ha ning Johon khan na vai hom na an nei. 14Hale nang nin nan lui jot inko a la hong rang anti Elija ha ani. 15Jet na rang kuor a a neingai ning ngai rase u.
16“Tak-ha kein hiva mirual hile imo khi de na ka nei rang? Hivahi kaithial laia ong nai pangngai le an kan ang anmanin an shapngai an kuija akhek ngai anga an ni. 17Hale anti, kein in nang ni ranga theili kan tum; hale nang nin lam ma che u, kein in nang ni jiang chaijang kansiar, hale nang nin nan rop ben ma che u. 18Ajarko, Johonin nek lui, in lui a alui hong, hale anmanin an lui ti, ama ko seitan ani. 19Mi Pasalnai ha ning a nek, a inna a hong; hale anmanin an lui ti, enru, rolduokpa le ju inpa, khasana chom le siat nei ngai sapke; tak-ha ching na ha ko ama a chuan tho nuk jui a adik tia a kando.”
Takngai lui Khopui
(Luk. 10:13-15)
20“Hava suale a man chuanlian tatak a tho na khopuingai ha ranak a hong nei jui, ajarko an lung an thullui jarra ani. 21Khorazin, nang jiang pong na ani; Bethsaida, nang jiang a pong khodengthei ke, ajarko chuanlian tatak nang ni jiang tho na alui nei ha; Tair le Sidon jiang an lui tho aninko, anmanin puan chet si nan ta vut bial nan ta an lung an lui thul rang ke. 22Tak-ha kein nang ni jiang kati, chongtan na nikhuo han Tair le Sidon neka nang nin akhel la pong nanti. 23Hale Kapernam, nang ko vanram khan mo ni kan domsang rang? Nang ko simlei tharsari thuoia chum rang na ni; ajarko nang jiang chuanliantak an lui tho ha Sodom jiang an lui tho aninko ve en ni khan nom lui om nati. 24Tak-ha kein nang ni jiang kati, chongtan na nikhuo han nang ni nek a Sodom in khel la sat nati.”
Pongmasum Rang Kei jiang Hongru
(Luk. 10:21,22)
25Hava pha han Jisun a sanga a ti, “Vanram le simlei chunga Puma, a pa ka na manpak, ajarko hiva ngai hi mi ching an khat om a jet ngai jiang tenna nang in na luithup ha naipangngai jiang na phuong suak jui. 26Ha aninom, a pa, ajarko, hivahi na mit en na na lungdo ani.
27“Irakipngai hi ka Pan kei jiang ana pe jui, tu khat in nom a pa ni lui a a nai ha jet ma u, animakle a nai ni lui a tu khat innom a pa ha jet ma u, hale a nai ha ning ama jiang risuak ha an nei ni lui a tu khat innom a pa ha jet ma u,
28“Chuan sin apong ngai le phur rik choi rakip kei jiang hongru, hale kein pong na man kan sak kati. 29Ka ringkolpel nan chunga siakru, hale kei jiang kan churu, ajarko kei ko ka nun a hui, hale ka lung a nem an khat om nang nin nan lunga pong kan sak na mu nanti. 30Ajarko ka ringkol abei, hale ka phur rikpel ajang.”
Kasalukuyang Napili:
MATHIU 11: AIMOLBSI
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Aimol (Re-edited) NT - Rabu Athar
Copyright © The Bible Society of India, 2016.
Used by permission. All rights reserved worldwide.
