Jɔnn 2
2
Lipiichanil lan be Kena a tiŋin nin
1Iweehn itaa daal le bi nan jɔɔ lipiichanil Kena, kitiŋ kan be Galilii a poolin nin. Yisa a na nan be niin, 2le bi nan bei Yisa nin u bɔɔnɔɔb mu le bi tɔɔl nan dan lipiichanil nmɔn yaan. 3Ndaam kaah kaa ji nan be-n, le Yisa a na bei u ke, “Baa ji jɔɔ ndaami.”
4Le Yisa jiin ke, “N na, ba ŋa a kɔɔn n nɔɔ niin naa? N yonn ni kaa laa foo.”
5Le u na bei bitoontumin ke, “N bija nan bei ni man ke ni ŋa man na.”
6Itangbag a nyunbunbol iloob nan si mal niin, i yaa bosu le Juu yaab nan ti jɔɔ ŋunn Uwonbɔr a kaal a ŋunnim kuchiig daal, kiba nan kɔɔ iboo iloob ki chaa ilile paam le. 7Le Yisa bei bitoontumin ke, “Ni gbeen inyunbunbol nan nnyuma”; le bi gbeen ki tan kpaan imɔgbeli. 8Le u bei bi ke, “Tɔ ni gbil ki tan sei ban tol itolin a ninkpelu wa.” Le bi ŋa man, 9le uninkpelin nan len nnyum man kpann ndaamin. Waa nan biɛ ma nyan nan yaan ni, amaa bitoontum ban nan gbil nnyumin ma nan nyi. Le u nan yin lipiichanil daan nyan ngbaan 10le ki ke, “Bininfob biɛn chinn tol ndaŋam le, le bicham nan gbee ke bi nin tol kidabirug, amaa fin ma woon man ŋan le, ki nin nan jɔɔ mi tol daandaan nan.”
11Ni ma nan ye u chinchinn a garil a siɛra, lan wee Yisa nan ŋa Kena a tiŋ kan be Galilii a poolin. U nin nan kpiir ki wɔɔn u pag a toon kaah ye man, le u bɔɔnɔɔbin nan ŋa u yada.
12Ni bɔɔn bu le u ma nin u na ki kpiɛ u nabum nin u bɔɔnɔɔb nan jir Kapeniɛm a tiŋin. Niin le bi nan tan be iweehn ilee.
Yisa kaah Jon Iwonjiɛn niin man
(Matiu 21:12-13; Mag 11:15-17; Lug 19:45-46)
13Juu yaab a yuglagir a chiig kaah nan malin, le Yisa nan jon don Jerusalam. 14U nan kan bijab kaah kɔɔr inaa ki kpiɛ ipee nin ilanjel, le biba mu ka ijal bu ki kpenn ilig iwonjiɛn niin a loob. 15Le u ban iŋmin a naalabil, le ki ŋɔɔr ipee nin inaa nin niwann biɛn iwonjiɛn niin nmɔn yaan; u nan yaal biligkpenibin a ligibim le ki labir bi jali ki chigin. 16Le ki bei bilanjel kɔɔribin ke, “Ta i ki nya doo! Ni laa nyi ta n Baa a niin ki labir kinyaŋi!” 17Le u bɔɔnɔɔbin ni nan tiɛr ke ni nan sɔb le ke: “A niin a jiɛm a nunmanl li kum.”
18Le Juu yaab nan baan u ke, “Ba a garil a siɛra wee a li fir wɔɔn ti wee nin wɔɔn ke Uwonbɔr le seiŋ nsan ke a ŋa ni nan biɛn naa?”
19Le Yisa jiin bi ke, “Ni worin iwonjiɛn niin nan ke, N ji li fiin i iweehn itaa daal.”
20Le Juu Yaab jiin ke, “Bi nan taa ibin pina nin iloob le ki maa iwonjiɛn niin nan, le a li ta iweehn itaa ki fiin yaa?”
21Amaa iwonjiɛn niin yan wee Yisa nan pagin nan ye u gbanann le. 22Waah nan fii nkumin a bɔɔn, le Yisa a bɔɔnɔɔb ni nan tiɛr waah nan len man nin. Le bi nan ŋa Uwonbɔr a gbɔŋ nin imɔleen yan wee u nan pagin yada.
Yisa Nyi Uninfosaal a Wonaaŋ kaah ye man
23Tɔ waah nin nan be Jerusalam yuglagir a chiigin ni, bininfob takpem nan kan ligaril a siɛram yan wee u nan ŋaan nin le ki ŋa u yinl yada. 24Amaa Yisa kaa nan ta u ba ki sei bi, nan bu-n u nan nyi uninfo biɛn a potiɛl. 25Waa nan ban bininfob nji uninfosaal tab a siɛra, nan bu-n u nan nyi nan be uninfosaal ni.
Kasalukuyang Napili:
Jɔnn 2: KUGL
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Komba New Testament © Bible Society of Ghana, 2014.
