Salmo 18:37-42

Hinabol ko ang aking mga kalaban at inabutan ko sila, at hindi ako tumigil hanggang sa naubos ko sila. Hinampas ko sila hanggang sa magsibagsak, at hindi na makabangon sa aking paanan. Binigyan nʼyo ako ng lakas sa pakikipaglaban, kaya natalo ko ang aking mga kalaban. Dahil sa inyo, umatras ang aking mga kaaway na may galit sa akin, at silaʼy pinatay ko. Humingi sila ng tulong, ngunit walang sinumang tumulong. Tumawag din sila sa inyo PANGINOON, ngunit kayoʼy hindi tumugon. Dinurog ko sila hanggang sa naging alikabok na lang na inililipad ng hangin, at tinatapak-tapakan na parang putik sa kalsada.