Nehemias 7
7
Naglagay ng mga Opisyal sa Jerusalem
1Nang matapos na ang pader ng lungsod at naikabit na ang mga pinto nito, itinalaga sa tungkulin nila ang mga guwardya ng mga pintuan ng lungsod, ang mga mang-aawit, at ang mga Levita. 2Ibinigay ko ang tungkulin ng pamamahala sa Jerusalem sa kapatid kong si Hanani kasama si Hanania na kumander ng mga guwardya sa buong palasyo. Pinili ko si Hanania dahil mapagkakatiwalaan siya at may takot sa Dios higit sa karamihan. 3Sinabi ko sa kanila, “Huwag nʼyong pabayaang nakabukas ang mga pintuan ng lungsod kapag tanghaling-tapat,#7:3 tanghaling-tapat: oras ito ng pamamahinga, kaya maaaring ang mga kalaban ay bigla na lang sumalakay. kahit may mga guwardya pa na nagbabantay. Dapat nakasara ito at nakakandado. Maglagay din kayo ng mga guwardya mula sa mga mamamayan ng Jerusalem. Ang iba sa kanila ay ilagay sa pader na malapit sa mga bahay nila, at ang iba naman ay ilagay sa ibang bahagi ng pader.”
Ang Talaan ng mga Tao na Bumalik mula sa Pagkabihag.
(Ezra 2:1-7)
4Napakalawak noon ng lungsod ng Jerusalem pero kakaunti lang ang mga naninirahan doon at kakaunti rin ang mga bahay. 5Kaya ipinaisip ng aking Dios sa akin na tipunin ang mga pinuno, mga opisyal, at iba pang mga naninirahan para maitala sila ayon sa bawat pamilya. Nakita ko ang listahan ng mga pamilya na unang bumalik mula sa pagkabihag. Ito ang nakatala roon:
6Ang mga sumusunod ay ang mga Israelita sa probinsya ng Juda na binihag noon ni Haring Nebucadnezar at dinala sa Babilonia. Ngayon, umalis na sila sa lugar na iyon at bumalik na sa Jerusalem at sa sarili nilang mga bayan sa Juda. 7Ang namuno sa pagbalik nila sa Jerusalem ay sina Zerubabel, Jeshua, Nehemias, Azaria, Raamias, Nahamani, Mordecai, Bilshan, Misperet, Bigvai, Nehum, at Baana.
Ito ang talaan ng mga mamamayan ng Israel na bumalik mula sa pagkabihag:
8-25Mga angkan nina:
| Paros | 2,172 |
| Shefatia | 372 |
| Ara | 652 |
| Pahat Moab (mula sa mga pamilya ni Jeshua at ni Joab) | 2,818 |
| Elam | 1,254 |
| Zatu | 845 |
| Zacai | 760 |
| Binui | 648 |
| Bebai | 628 |
| Azgad | 2,322 |
| Adonikam | 667 |
| Bigvai | 2,067 |
| Adin | 655 |
| Ater (na tinatawag din na Hezekia)#7:8-25 na tinatawag din na Hezekia: o, na mga angkan ni Hezekia. | 98 |
| Hashum | 328 |
| Bezai | 324 |
| Harif#7:8-25 Harif: o, Jora. | 112 |
| Gibeon#7:8-25 Gibeon: o, Gibar. | 95 |
26-38 Ito ang bilang ng mga tao na bumalik mula sa pagkabihag, na ang mga ninuno ay nakatira sa mga sumusunod na bayan:
| Betlehem at Netofa | 188 |
| Anatot | 128 |
| Bet Azmavet | 42 |
| Kiriat Jearim, Kefira, at Beerot | 743 |
| Rama at Geba | 621 |
| Micmash | 122 |
| Betel at Ai | 123 |
| Nebo | 52 |
| Elam | 1,254 |
| Harim | 320 |
| Jerico | 345 |
| Lod, Hadid, at Ono | 721 |
| Senaa | 3,930 |
39-42 Ito ang mga angkan ng mga pari na bumalik mula sa pagkabihag:
Mga angkan nina:
| Jedaya (mula sa pamilya ni Jeshua) | 973 |
| Imer | 1,052 |
| Pashur | 1,247 |
| Harim | 1,017 |
43-45 Ito ang mga lahi ng mga Levita na bumalik din mula sa pagkabihag:
| Mga angkan nina Jeshua at Kadmiel (mula sa pamilya ni Hodavia) | 74 |
| Mga mang-aawit sa templo na mga angkan ni Asaf | 148 |
| Mga guwardya ng pintuanna mga angkan nina Shalum, Ater, Talmon, Akub, Hatita, at Shobai | 138 |
46-56 Ito ang mga angkan ng mga utusan sa templo na bumalik din mula sa pagkabihag: Ziha, Hasufa, Tabaot, Keros, Sia, Padon, Lebana, Hagaba, Shalmai, Hanan, Gidel, Gahar, Reaya, Rezin, Nekoda, Gazam, Uza, Pasea, Besai, Meunim, Nefusim, Bakbuk, Hakufa, Harhur, Bazlut, Mehida, Harsha, Barkos, Sisera, Tema, Nezia, at Hatifa.
57-59Bumalik din mula sa pagkabihag ang mga angkan ng mga alipin ni Solomon: Ang mga angkan nina Sotai, Soferet, Perida, Jaala, Darkon, Gidel, Shefatia, Hatil, Pokeret Hazebaim, at Ammon.
| 60Ang kabuuang bilang ng mga angkan ng mga utusan sa templo at mga angkan ng mga alipin ni Solomon ay | 392. |
61Mayroon ding bumalik sa Jerusalem mula sa mga bayan ng Tel Mela, Tel Harsha, Kerub, Adon, at Imer. Pero hindi nila mapatunayan na silaʼy talagang mga Israelita:
| 62Sila ang mga angkan nina Delaya, Tobia, at Nekoda | 642 |
63Hindi rin mapatunayan ng mga angkan nina Hobaya, Hakoz, at Barzilai na mga pari sila. (Nang nag-asawa si Barzilai, dinala niya ang pangalan ng biyenan niyang si Barzilai na taga-Gilead.) 64Dahil nga hindi nila makita ang talaan ng kanilang mga ninuno, hindi sila tinanggap bilang mga pari. 65Sinabihan sila ng gobernador ng Juda na hindi sila maaaring kumain ng mga pagkain na inihandog sa Dios hanggaʼt walang pari na sasangguni sa Panginoon tungkol sa kanilang pagkapari sa pamamagitan ng “Urim” at “Thummim”.#7:65 “Urim” at “Thummim”: dalawang bagay na ginagamit para malaman ang kalooban ng Panginoon.
66-69Ang kabuuang bilang ng mga lalaki mula sa pagkabihag ay 42,360, hindi pa kabilang dito ang mga alipin nilang lalaki at babae na 7, 337 at mga mang-aawit na lalaki at babae na 245. May dala silang 736 na kabayo, 245 mola,#7:66-69 mola: sa Ingles, “mule.” Hayop na parang kabayo. 435 kamelyo, at 6,720 asno.
70Ang ibang mga pinuno ng mga pamilya ay nag-ambag para sa muling pagpapatayo ng templo. Ang gobernador ay nagbigay ng walong kilong ginto, 50 mangkok na gagamitin sa templo, at 530 pirasong damit para sa mga pari. 71Ang ibang mga pinuno ng mga pamilya ay nagbigay para sa ganitong gawain ng 168 kilong ginto at 1,200 kilong pilak. 72Ang kabuuang ibinigay ng iba pang mga tao ay 168 kilong ginto, 1,100 kilong pilak, at 67 pirasong damit para sa mga pari.
73Ang bawat isa sa kanila ay bumalik sa mga bayan na kung saan nagmula ang kanilang pamilya, pati na ang mga pari, ang mga Levita, ang mga guwardya ng mga pintuan ng templo, ang mga mang-aawit, at ang mga utusan sa templo.
Kasalukuyang Napili:
Nehemias 7: ASND
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
Ang Salita ng Dios (Tagalog Contemporary Bible)
Copyright © 2009, 2011, 2014, 2015 by Biblica, Inc. ®
Used by permission of Biblica, Inc.® All rights reserved worldwide.