Kusintii Andunya 5
5
Dimii Adamu ŋa si tuubai Sɛti
1Si yaase bɛi à kɔ idei dimii amai Adamu ŋa wee. Si waati iyi Ilaaɔ̃ í taka amanɛ í takaɛi bɛi nŋu takaɛ. 2Í ce ŋai inɛmɔkɔ do inaabo. Nɔ í wee nŋa iyi í taka ŋa í tã nɔ í kpe ŋa amanɛ. 3Iyi Adamu í ce adɔ̃ cifaò fɛɛwa (130), nɔ í bí ama inɛmɔkɔ iyi í jɔ nŋu takaɛ nɔ í sɔɔ Sɛti. 4Si anyii kubíi Sɛti Adamu í ce adɔ̃ cĩɔ mɛɛjɔ má (800) nɔ í bí ama inɛmɔkɔ do ama inaabo ŋa. 5Adamu í ce adɔ̃ cĩɔ mɛɛsã do kuntaa (930) í bɛi í ku. 6Iyi Sɛti í ce adɔ̃ cĩɔ do miiu (105) ŋɔi í bí Enɔsi. 7Si anyii kubíi Enɔsi Sɛti í ce adɔ̃ cĩɔ mɛɛjɔ do mɛɛje má (807) nɔ í bí ama inɛmɔkɔ ŋa do ama inaabo ŋa má. 8Sɛti í ce adɔ̃ cĩɔ mɛɛsã do maateeji (912) í bɛi í ku. 9Iyi Enɔsi í ce adɔ̃ cinɛò fɛɛwa (90), ŋɔi í bí Kenaa. 10Si anyii kubíi Kenaa Enɔsi í ce adɔ̃ cĩɔ mɛɛjɔ do maatũ má (815) nɔ í bí ama inɛmɔkɔ do ama inaabo ŋa má. 11Enɔsi í ce adɔ̃ cĩɔ mɛɛsã do miiu (905) í bɛi í ku. 12Iyi Kenaa í ce adɔ̃ kitaò fɛɛwa (70) ŋɔi í bí Mahalaleɛli. 13Si anyii kubíi Mahalaleɛli Kenaa í ce adɔ̃ cĩɔ mɛɛjɔ do ciiji má (840) nɔ í bí ama inɛmɔkɔ do ama inaabo ŋa má. 14Kenaa í ce adɔ̃ cĩɔ mɛɛsã do mɛɛwa (910) í bɛi í ku. 15Iyi Mahalaleɛli í ce adɔ̃ kita do miiu (65) ŋɔi í bí Yerɛdi. 16Si anyii kubíi Yerɛdi Mahalaleɛli í ce adɔ̃ cĩɔ mɛɛjɔ do kuntaa má (830) nɔ í bí ama inɛmɔkɔ do ama inaabo ŋa má. 17Mahalaleɛli í ce adɔ̃ cĩɔ mɛɛjɔ do cinɛò fɛɛwa do miiu (895) í bɛi í ku. 18Iyi Yerɛdi í ce adɔ̃ cĩɔ do kita do minji (162) ŋɔi í bí Enɔku. 19Si anyii kubíi Enɔku Yerɛdi í ce adɔ̃ cĩɔ mɛɛjɔ má (800) nɔ í bí ama inɛmɔkɔ do ama inaabo ŋa má. 20Yerɛdi í ce adɔ̃ cĩɔ mɛɛsã do kita do minji (962) í bɛi í ku. 21Iyi Enɔku í ce adɔ̃ kita do miiu (65), ŋɔi í bí Mɛtusela. 22Si anyii kubíi Mɛtusela Enɔku í too Ilaaɔ̃i adɔ̃ cĩɔ mɛɛta má (300) nɔ í bí ama inɛmɔkɔ do ama inaabo ŋa má. 23Enɔku í ce adɔ̃ cĩɔ mɛɛta do kita do miiu (365) 24si Ilaaɔ̃ ku too. Si anyii nŋu à na à kuaɛ si na iyi í jɔ̀ Ilaaɔ̃ í soo. 25Iyi Mɛtusela í ce adɔ̃ cĩɔ do cinɛ do mɛɛje (187) ŋɔi í bí Lemɛki. 26Si anyii kubíi Lemɛki Mɛtusela í ce adɔ̃ cĩɔ mɛɛje do cinɛ do minji má (782) nɔ í bí ama inɛmɔkɔ do ama inaabo ŋa má. 27Mɛtusela í ce adɔ̃ cĩɔ mɛɛsã do kita do mɛɛsã (969) í bɛi í ku. 28Iyi Lemɛki í ce adɔ̃ cĩɔ do cinɛ do minji (182) ŋɔi í bí ama inɛmɔkɔ. 29Nɔ í ni, ilɛu ihɛ̃ iyi Aɔ̃ Lafɛ̃ɛ í ceekpe í jɔ̀ à waa ce icɛ kugaabu à waa gbɛɛjiò, inɛ ihɛ̃i á tũ idɔ nwa. Nŋui í jɔ̀ ì sɔɔ Nowee#5:29 Nowee Bii ì gbɔ iriu, í ya jɔ bɛi à waa ni, idɔ ku tũ do feei Ebɛɛ.. 30Si anyii kubíi Nowee Lemɛki í ce adɔ̃ cĩɔ miiu do cinɛò fɛɛwa do miiu má (595) nɔ í bí ama inɛmɔkɔ do ama inaabo ŋa má. 31Lemɛki í ce adɔ̃ cĩɔ mɛɛje do kitaò fɛɛwa do mɛɛje (777) í bɛi í ku. 32Iyi Nowee í ce adɔ̃ cĩɔ miiu (500) ŋɔi í bí Sɛmu do Kamu do Zafɛti.
Kasalukuyang Napili:
Kusintii Andunya 5: MKL
Haylayt
Ibahagi
Kopyahin
Gusto mo bang ma-save ang iyong mga hinaylayt sa lahat ng iyong device? Mag-sign up o mag-sign in
2021, SIM International et UEEB