Mga Popular na Bersikulo sa Biblia mula sa मत्‍ति 27

Ibahagi

सुम्‍बोङ्‌राजि येसु इडोॽ लुनुङ बेॽए सेम्‍लाडे़ॽ कासा, “इलोइ, इलोइ, लामा सबखथनि ?” इगो लुबॽआ चाहिँ, “हे काङ्‌मि निवाहाङ, हे काङ्‌मि निवाहाङ, हे़ने़ॽ का इन्‍ढोङ लेप्‍पेटिङे ?”

मोडोक्‍पेॽनोॽ मन्‍दिरमि राम्‍डेमबेॽ युङ्‌बॽआ यिःप्‍चिरा परदा मिॽटुएबाङ मिम्‍मुठोक निफे़ङ लिनुङ चिघडा, रुॽमि खडा, ओब्‍रेक पोक्‍खडा। येःॽमा हेम्‍बोगा, बेॽलो धरमि याॽमिजि सिघे़ॽपॽआबाङ पुकडामि।

मोबा फेरि येसु बेॽए सेम्‍लाडे़ॽ कानुङ खोमि सोःक्‍मा खडा।

येसु हुङ्‌खुबा तिरिङ्‌गाजिनुङ खोजिमि एप्‍पाडे़ॽ रुॽमि खे़ॽपॽआनुङ मोडोक्‍पेॽ लिमे़ॽसिबॽआ खा खाङ्‌नुङ माहाजि बेॽलो किस्‍सिमानुङ इडोॽ कासामि, “चइबानोॽ, इगोगो निवाहाङ्‌मि पसानोॽ ले़टे़ ले़ः।”

मोबा मो देसबेॽ लेन्‍डाए इक्‍पोङ निच्‍चिबोङ्‌बाङ सुमबोङ्‌ठोक चोप देसनोॽ सेन्‍जुगुप लिसा।

पिलातसडे़ॽ माहाजि लुसुजि, “मोबा खिरिस्‍ट लुमे येसु चाहिँ इमाङ्‌डे ले़ःॽमे ?” माहा चोबे़ॽ लुसुजि, “आक्‍को चाहिँ काप्‍सिङ्‌बेॽ किङ्‌नेमे!” पिलातसडे़ॽ माहाजि सिप्‍सुजि, “इन्‍ढोङ किङ्‌नेमे, आक्‍कोसे़ॽ इमाङ्‌डे बिरोङ ले़टुए ?” तर माहाजि छना बेॽलो वोसाङ कासामि, “आक्‍को काप्‍सिङ्‌बेॽनोॽ किङ्‌नेमा खे़ये!”