Mga Popular na Bersikulo sa Biblia mula sa LUKA 8

Ibahagi

Dɔw fana bɔnin bɛ dugukolonyuman fɛ. Olu mana kuma mɛn, u b'a minɛ ni dusunyuman ye fɔɔ nafa bɛ sɔrɔ a la.”

Mɔgɔ dɔ wɛrɛw fana bɔnin bɛ binjugu yɔrɔ fɛ. Olu mana kuma mɛn, nin dinyɛ hami koow, ni nafolo koo, ni diyanakow b'o kuma nagasi fɔɔ nafa tɛ sɔrɔ a la.

Mɔgɔ dɔw fana bɔnin bɛ fara yɔrɔ fɔ. U mana kuma mɛn, u bɛ sɔn o ma ni nisɔndiya ye. U tɛ miiri o kuma na kosɛbɛ, u bɛ la o kuma na tumanin kelen dɔrɔn, ni gwɛlɛya nana, u bɛ ban o kuma na.

O kɔ, Yezu y'a fɔ a ka kalandenw ye ko: “Aw jigi bɛ min?” Kalandenw kabakoyara fɔɔ siranya donna u la n'u bɛ nyɔgɔn nyininga Yezu koo la ko: “Nin cɛɛ ye mɔgɔ sifa jumɛn ye ni fɔnyɔ ni baji yɛrɛ bɛ sɔn a ka kuma ma?”

Mɔgɔ dɔw bɔnin bɛ sirada fɛ, kisɛ benna o yɔrɔ min na. U mana Ala ka kuma mɛn, Sutana bɛ na o kuma bɔ u kɔnɔ, janko u kana la a la ka kisi.

“Fɛɛn o fɛɛn dogonin bɛ, o bɛɛ bɛna ye. Gundo si tɛ yen min tɛna bɔ kɛnɛ kan.

Muso nin y'a lɔn ko koo nin tɛna se ka dogo tugu minkɛ, a yɛrɛyɛrɛtɔ taar'a kunbiri gwan Yezu kɔrɔ. A magara a la kuun min na, ani a kɛnɛyara yɔrɔnin kelen cogo min na, a y'o bɛɛ lakali Yezu ye mɔgɔw bɛɛ nyana. Yezu y'a fɔ a ye ko: “N balimamuso, i lara ne la minkɛ, i kisira, taa hɛrɛ la.”

O la, a ka kalandenw gwɛrɛl'a la k'a kunun k'a fɔ a ye ko: “Karamɔgɔ, karamɔgɔ, an halakitɔ filɛ.” Yezu wilila, a jamana fɔnyɔ ni jii kuun na. Fɔnyɔ lɔra, jii malara.