Zaˍhkaˍriˆ li‸ 3
3
Awˬ ha hkʼaw paw hkuˇ lonˉ hta‸ gʼa mawˬ ve
1Awˬ nu ve awˬ ha teˇ maˬ hkʼaw Gʼuiˬsha lehˬ paw hkuˇ lonˉ Yawˇsuˆ ngaˬ hta‸ maw laˇ ve yoˬ. Yawˇ lehˬ Gʼuiˬsha ve mvuhˇ naw ma tcuh yaˇ gʼuˇ suhˍ lo huˉ taˍ leh, Saˍtanˍ lehˬ yawˇ hta‸ venˇbaˆ taˍ tuˬ yawˇ awˬ paˇ lo huˉ taˍ ve yoˬ. 2Oˇ htaˇ Gʼuiˬsha ve mvuhˇ naw ma tcuh yaˇ Saˍtanˍ hta‸ kʼoˆ piˇ ve, Saˍtanˍ-oˬ, Gʼuiˬsha nawˬ hta‸ ciˍ yanˍ laˇ piˇ-oˆ. Yeˍruˆsaˍlehnˍ venˇ hta‸ ha‸ shehˍ hpaˇ Gʼuiˬsha lehˬ nawˬ hta‸ ciˍ yanˍ laˇ piˇ-oˆ. Chaw chi hpaˇ lehˬ aˬ miˍ buiˬ hpfuh hkʼaw yuˬ tawˆ taˍ ve suhˆ taˬ hkʼe hpeh‸ ve yoˬ, teh‸ kʼoˆ ve yoˬ.
3Yawˇsuˆ lehˬ cha‸ chiˆ ve veu‸ kʼaˇ hta‸ veu‸ deh leh, oˇ kaˬ lo huˉ taˍ ve yoˬ. 4Oˇ htaˇ mvuhˇ naw ma tcuh yaˇ oˇ ve lehˬ, Chaw chi hpaˇ ve veu‸ kʼaˇ hta‸ kʼehˆ baˬ piˇ-oˆ, teh‸ oˇ kaˬ lo chehˇ taˍ ve mvuhˇ naw ma tcuh yaˇ teˇ gʼaˇ hta‸ kʼoˆ piˇ ve yoˬ. Oˇ ve hkʼaw‸ nawˉ yawˇ lehˬ, Chi beu‸ nawˬ ve venˇbaˆ hta‸ ngaˬ yuˬ baˬ peuˬ. Nawˬ veu‸ deh tuˬ ve veu‸ kʼaˇ awˬ suhˉ ngaˬ nawˬ hta‸ piˇ laˇ tuˬ yoˬ, teh‸ Yawˇsuˆ hta‸ kʼoˆ piˇ ve yoˬ.
5Hkʼe te leh, yawˇ tawˇ piˇ leh mvuhˇ naw ma tcuh yaˇ teˇ hpaˍ Yawˇsuˆ ve oˉ kʼoˍ hta‸ da‸ jaˇ ve uˉ nyiˉ teˇ maˬ yuˬ nyiˉ piˇ ve yoˬ. Gʼuiˬsha ve mvuhˇ naw ma tcuh yaˇ oˇ kaˬ lo huˉ chehˇ taˍ sheˍ htaˇ, yawˇ hui lehˬ Yawˇsuˆ hta‸ veu‸ kʼaˇ awˬ suhˉ teˇ hkʼoˆ feuˉ piˇ ve yoˬ.
6Oˇ ve hkʼaw‸ nawˉ, mvuhˇ naw ma tcuh yaˇ oˇ ve lehˬ, Gʼuiˬsha kʼoˆ taˍ ve tawˇ teˇ hpaˍ Yawˇsuˆ hta‸ kʼoˆ piˇ ve yoˬ. 7Yawˇ kʼoˆ ve, Nawˬ lehˬ ngaˬ ve awˬliˇtawˇhkawˇ teˇ hpaˍ hta‸ na yuˬ leh, ngaˬ nawˬ hta‸ te tcuh taˍ ve kanˉ teˇ hpaˍ hta‸ hkʼa deh‸ te chehˇ ve kʼo, nawˬ lehˬ ngaˬ ve bon yehˬ hkʼaw awˬ hoˉ gʼa te tuˬ yoˬ. Ngaˬ mehˆ gʼuˇ suhˍ lo chehˇ taˍ ve mvuhˇ naw ma tcuh yaˇ teˇ hpaˍ ve bon lawˬ hkawˇ hta‸ ngaˬ na yuˬ chehˇ ve hkʼe, nawˬ ve bon lawˬ hkawˇ hta‸ htawˇ ngaˬ na yuˬ tuˬ yoˬ. 8Chi hta‸ pa taw, paw hkuˇ lonˉ Yawˇsuˆ-oˬ, na sheˍ. Yawˇ hta‸ ga piˇ chehˇ ve nawˬ hui paw hkuˇ teˇ hpaˍ htawˇ, na taˍ sheˍ. Nawˬ hui lehˬ laˬ tuˬ ve awˬ yanˇ awˬ hkʼaw lo, da‸ la tuˬ ve awˬ heˆ teˇ hpaˍ hpeh‸ ve yoˬ. Awˬ kʼaˉ le‸ teh‸ kʼoˆ ve ngaˬ ve awˬ ceˬ paˍ teˇ gʼaˇ hta‸ ngaˬ tawˆ la piˇ tuˬ yoˬ. 9Yawˇsuˆ mehˆ gʼuˇ suhˍ lo ngaˬ lehˬ, awˬ ceˍ suhˍ ceˍ cawˬ ve haˉ pui shiˍ teˇ maˬ teh taˍ ve yoˬ. Haˉ pui shiˍ oˇ ve awˬ hkʼoˆ lo ngaˬ li‸ mehˆ htawˆ bvuh‸ taˍ leh, oˇ ve teˇ nyi tiˉ awˬ hkʼaw lo, ngaˬ lehˬ mvuhˇmiˬ chi hkʼaw cawˬ ve venˇbaˆ hkʼa peu-eˬ ve hta‸ yuˬ baˬ tuˬ yoˬ. 10Awˬ nyi oˇ ve gaˬ la ve teˇ yanˇ, nawˬ hui lehˬ a shu yawˇ awˬ paˇ awˬ kui lo chehˇ ve chaw hui hta‸ kuˬ leh, nawˬ hui ve a pehˉ meuˇ hko, maˉ nawˆ hko hkʼaw lo gawˬ lehˍ gʼa chehˇ tuˬ yoˬ, teh‸ Gʼuiˬsha kʼoˆ ve yoˬ.
ที่ได้เลือกล่าสุด:
Zaˍhkaˍriˆ li‸ 3: LHBE
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Lahu Bible Edited © Thailand Bible Society and Bible Society of Myanmar, 2010, 2020.