Gn 10
10
Ke'tamk wi' chik li tenamit
(1 Kr 1,5-23)
1A'aneb' a'in li ri xmam laj Noé, ralaleb' laj Sem, laj Kam ut laj Jafet, li ke'yo'laak chirix li b'ut'iha'.
2Eb' li ralal xk'ajol laj Jafet a'aneb' a'in: laj Gómer, laj Magog, laj Maday, laj Jabán, laj Tubal, laj Mesek ut laj Tirás. 3Eb' li ralal xk'ajol laj Gómer a'aneb' a'in: laj Askenas, laj Rifat ut laj Togarmá. 4A'aneb' a'in li ralal xk'ajol laj Jabán: laj Elisá, laj Tarsis, laj Kitim ut laj Rodanim. 5Rik'ineb' a'in ke'xtikib' tenamito'k eb' li na'ajej sutsuukeb' xb'aan li palaw. A'aneb' a'in li ralal laj Jafet, ak xna'aj xna'aj, ak raatinob'aal raatinob'aal li junjunq, ak riyajil riyajil ut ak xtenamit xtenamit li junjunq.
6A'aneb' a'in li ralal xk'ajol laj Kam: laj Kus, laj Misrahim, laj Put ut laj Kanahán. 7A'aneb' a'in li ralal xk'ajol laj Kus: laj Sebá, laj Abilá, laj Sabtá, laj Rahamá ut laj Sabteká. Eb' li ralal xk'ajol laj Ramá a'aneb' laj Sebá ut laj Dedán. 8Laj Kus a'an xyuwa' chaq laj Nimrod, a'an li xb'een winq q'axal nim xwankil sa' ruuchich'och'. 9A'an jwal kaw rib' chi yohok jo' nawulak chiru li Qaawa'; jo'kan naq nayeemank: “Kaw rib' chi yohok jo' nawulak chiru li Qaawa', kama' laj Nimrod”. 10Eb' li tenamit kixtikib' wi' awab'ejink laj Nemrod, a'aneb' a'in: Babel, Erek ut Akad; wankeb' chixjunileb' sa' xteepal Senahar. 11Sa'eb' li na'ajej a'an kichalk chaq laj Asur, li kik'ojob'ank re li tenamit Nínive, Rehobot-Ir, Kálaj 12ut Resen, li wank sa' xyanq Nínive rik'in Kálaj (a'an li xnimal ru tenamit).
13Laj Misrahim a'an xyuwa'eb' chaq laj Lud, eb' laj Anam, eb' laj Leab, eb' laj Naftuj, 14eb' laj Patrús, eb' laj Kasluj ut eb' laj Kaftor, b'arwi' ke'elk chaq eb' laj Filistea.
15Laj Kanahán a'an chaq xyuwa' laj Sidón, li xb'een ralal; ut xyuwa' ajwi' laj Het. 16Laj Kanahán a'an li xxe'toonil yuwa'eb' laj Jebús, eb' laj Amor, eb' laj Kirkás, 17eb' laj Jib, eb' laj Arak, eb' laj Sin, 18eb' laj Arbad, eb' laj Semar ut eb' laj Jamat. Moqon chik eb' li ralal xk'ajol aj Kanahán ke'xjek'i rib'. 19Li xch'och'eb' laj Kanahán naxnub'ajli rib' rik'in Sidón, sa' xjayal Kerar, toj Gasa; ut, sa' xjayal Sodoom, Gomoor, Admá ut Seboín, naxnub'ajli rib' toj rik'in Lesa. 20A'aneb' a'in li ralal laj Kam, ak riyajil, ak raatinob'aal, ak xna'aj ut ak xtenamit li junjunq.
21Ke'wank ajwi' ralaleb' laj Sem, a'an xyuwa' chixjunileb' li ralal laj Jéber ut asb'ej chiru laj Jafet. 22Eb' li ralal xk'ajol laj Sem a'aneb' a'in: laj Elam, laj Asur, laj Arpaxad, laj Lud ut laj Aram. 23Eb' li ralal xk'ajol laj Aram a'aneb' a'in: laj Us, laj Hul, laj Kéter ut laj Mas. 24Laj Arpaxad a'an chaq xyuwa' laj Sélaj, ut laj Sélaj a'an xyuwa' laj Eber. 25Laj Eber kiwank wiib' li ralal: li xk'ab'a' li xb'een a'an laj Pélej, xb'aan naq sa'eb' li kutan a'an eb' li poyanam ke'xjach rib' sa' ruuchich'och'; ut li xk'ab'a' li riitz'in, a'an laj Joktán. 26Laj Joktán a'an chaq xyuwa' laj Almodad, laj Sélef, laj Jasar-Mábet, laj Jéraj, 27laj Hadorán, laj Usal, laj Diklá, 28laj Obal, laj Abimael, laj Sebá, 29laj Ofir, laj Abilá ut laj Jobab. Chixjunileb' a'in a'aneb' chaq ralal xk'ajol laj Joktán. 30Eb' a'an ke'wank sa' li ch'och' natiklaak Mesá ut naxik sa' xjayal Sefar toj sa' li tzuul li wank sa' releb'l saq'e. 31A'aneb' a'in li ralal xk'ajol laj Sem, jo' chanru li riyajil, li raatinob'aal, li xna'aj ut li xtenamit li junjunq.
32A'aneb' a'in li tenamit li ke'yo'laak sa' riyajil li ralaleb' laj Noé, jo' chanru li xyo'lajikeb' ut li xteepaleb'. Rik'ineb' a'in ke'xtikib' pukank eb' li tenamit sa' xb'een li ruuchich'och', naq ak xnume'k li b'ut'iha'.
ที่ได้เลือกล่าสุด:
Gn 10: QQC
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Q'eqchi DC Bible © Bible Society in Guatemala, 2005.