Luk 4
4
Tha Saetana 'e ilito'ona tha Jisas
(Matiu 4:1-11; Mak 1:12-13)
1Jisas, 'e fungu 'ana Ano'edoo Abu ka oli na mai fasia kafo 'i Jodan. Ma Ano'edoo Abu ka talaia uria 'i laa na fanua kwasi. 2Ma tha Saetana ka ilito'ona 'i kula 'eri sulia fai taafulu fa thato. Ma sulia fa thato 'eki, tha Jisas 'e a'i si 'ania bo'o ta si fanga, maka thaofa 'asia na'a.
3Ma tha Saetana ka ba'e 'una 'eri fana, “Mada sa 'oe Wela tha God mamana bo'o, 'oko ba'e ura gwa fau ne'e fasi ka lio'e berete.”
4Ma tha Jisas 'e lu'ua ka 'una 'eri, “Na Kekedalaa Abu#Diutronomi 8:3 'e sore'a, ‘Imole si maruki 'ana talito'ona si fanga ni bana.’ ”
5Sui tha Saetana ka talaia la'u 'i aa, ma 'ana si manga fa'ekwa bo'o nia ka faatania 'inotoa ki sui 'i fanua na iano 'i sana. 6Ma nia ka ba'e 'una 'eri 'i sana tha Jisas, “Nau kwai falea 'inotoa ne'e ki sui bo'o, ma doo le'a ne'e ki sui bo'o femu. Sulia doo ne'e ki, na doo nau ki sui bo'o, ma nau kwai falea te'efau bakua 'i fana ta imole bana na ku filia. 7Ma mada sa 'oko boururu, ma 'oko fa'aba'ita nau, kwai falea 'inotoa ne'e ki sui bo'o 'i femu.”
8Ma tha Jisas 'e lu'ua ka 'una 'eri, “Na Kekedalaa Abu#Diutronomi 6:13 'e sore'a, ‘Talifili God 'oe bona'a 'oki fo'asia, ma 'oki raa 'i fana.’ ”
9Sui, tha Saetana ka talaia la'u ura 'i Jerusalem, maka fa'atakwea 'ana te'e si kula na 'e too 'asia na'a 'i aa fafona Bi'u Abu tha God 'eri, maka sore'a 'i sana tha Jisas, “Mada sa 'oe wela mamana tha God bo'o, 'oko lofo kau 'i tha'egano fasia 'i se'eki. 10Sulia na Keekedalaa Abu 'e sore'a,
“ ‘Tha God kai falea mai 'ensolo nia ki, fasi keka beta suli 'oe.
11Ma keka kwau 'oe, fasi 'aemu mena si to'o 'ana ta gwa fau.’ ”#Sams 91:11,12
12Ma tha Jisas 'e lu'ua ka 'una 'eri, “Na Keekedalaa Abu#Diutronomi 6:16 'e 'una 'eri la'u bo'o, ‘'Osi ilito'ona God 'oe.’ ”#4:12 'E a'i ta imole si area tha God fasi ka ilia ta si doo ni kwelelaa 'ania fasi ka faatania na tha God 'e lio suli nia.
13'I buira tha Saetana 'e ilito'ona tha Jisas 'ana doo 'eki sui, nia ka lae bona'a fasi nia, maka ma'asia la'u ta si manga fasi ka oli la'u mai.
Tha Jisas 'e thafalia raa nia
(Matiu 4:12-17; Mak 1:14-15)
14Na suukwa'ia Ano'edoo Abu 'e too bia tha Jisas, ma nia ka oli na'a ura 'i Galili. Ma fa'arongoa suli nia ka lo'ofaa balifanua 'eri laula'u. 15Ma nia ka to'o doo 'i laa na bi'u ni fo'a kera ki, ma imole ki sui keka 'aratania si ba'ea le'a ki suli nia.
Na imole ki 'i Nasaret kera lalakwatania tha Jisas
(Matiu 13:53-58; Mak 6:1-6)
16Sui tha Jisas ka lae 'i Nasaret, na ma'etoaa ba nia 'e ba'ita mai 'i laana. Ma 'ana Sabat, nia ka lae na'a 'i laa na bi'u ni fo'alaa mala 'e 'ita ka ilia na mai. Ma nia ka tata'e ura te'ema'ilana Keekedaa Abu ki, 17ma keka falea keekedalaa tha profet 'Aesaea fana. Nia 'e egwea, maka fula 'ana si kula tha 'Aesaea 'e kedaa ka 'una 'eri,
18“Na Ano'edoo tha God 'e ni bii nau, sulia 'e fili nau fasi kwa ngata sulia si Fa'arongoa le'a fana imole baro ki.
Ma ni nia ka fale nau mai ura fa'atalolana tofe'e toolaa fana to'a na ma'alimae 'e ooroda.
Ma imole maada 'e rodo keki lio la'u.
Ma ni nau kwai tafalangania imole ki na kera too 'i faara 'afeta'ia ba'ita.
19Ma ni nau kwai fa'ataloa si manga fasi na Lord kai fa'amarukia imole nia ki 'e fula na'a.”#'Aesaea 61:1-2
20Si manga tha Jisas 'e te'ema'i ka sui, nia ka fonoa buka 'eri, maka falea la'u bana fana wane na 'e lio sulia bi'u ni fo'a 'eri, maka 'ono 'i ano. Ma imole ki sui na kera too 'i laa na bi'u ni fo'a 'eri, keka lio te'efau ura nia. 21Ma ka ba'e 'una 'eri 'i fada, “Keekedaa Abu ne'e, 'e mamana na'a 'i tara'ena si manga na mulu rongo nau ku te'emania kau 'i famalu'a.”
22Ma imole 'eki sui keka 'aratania si ba'ea le'a suli nia, ma keka kwele 'asia na'a sulia si ba'ea le'a ne 'aratania ki. Sui, keka ba'e 'ada 'una 'eri, “Ma nia kaluwane ba tha Josef bana ne'e mada?”
23Ma nia 'e lu'uda ka 'una 'eri, “Ku thaito'omana muki ba'e 'una 'eri 'i faku, ‘Wane ni kwaifa'amaruki 'ae, 'o fa'a'akwaa 'oe tala'amu fasi.’ Ma muki ba'e la'u bo'o 'una 'eri faku, ‘'O ilia fasi 'i fanu 'oe, na doo ki na mili rongoa 'o ilia mai 'i Kapaneam ba.’ ”
24Sui tha Jisas ka ba'e la'u 'una 'eri, “Kwai fa'arongo kamalu'a, 'e 'afeta'i keka 'arata'i le'a 'ana ta profet 'i laa ma'etoaa nia. 25Nau ku sore'a la'u famalu'a, na kini 'oro 'i 'Israel ki na kera 'oru 'ana si manga tha 'Ilaeja 'e too. Ma si manga 'eri, dani si 'aru sulia ulu fa ngali ma ono madami, ma thaofaa 'e ba'ita ka tatha la'u bo'o 'ana kula ki sui. 26Ma tha God si arasia bo'o tha 'Ilaeja sana 'oru 'eki 'i Israel. Nia 'e falea 'ana tha Ilaeja sana te'e gwa 'oru, a'i la'u na Jiu, na 'e too 'i Sarefath, laa na balifanua 'i Saedon. 27Ma nga Jiu 'oro ki 'i Israel na uru 'e thaungida, si manga tha profet 'Ilaesa 'e too. Ma nia si fa'a'akwaa bo'o ta imole ada, talifili tha Neman bana wane 'i Siria.”
28Ma si manga na imole 'eki 'i laa bi'u ni fo'a 'eri kera rongoa si ba'ea 'eki, keka rake'iri 'asiana'a. 29Keka tata'e, ma keka taria tha Jisas fasia ma'etoaa 'eri. Ma keka talai nia 'uria gwaunafa ilifau 'eri na kera kasia ma'etoaa 'eri fafona, fasi keka su'i nia 'ana diongolia 'eri. 30Sui nia 'e abula ka fali bana 'i ma'alutana konia 'eri, maka lae bona'a fasida.
Jisas 'e taria ano'edo ta'a
(Mak 1:21-28)
31Sui, tha Jisas ka lae 'i Kapaneam, te'e ma'etoaa 'i laa balifanua 'i Galili. Ma 'ana Sabat nia ka to'odoo 'i sana na imole ki kula'eri. 32Ma imole ki keka kwele 'asiana'a 'ana to'odola nia ki, sulia nia 'e ba'e 'ana suukwa'ia. 33Ma te'e wane na ano'edo ta'a 'e 'aruto'ona, 'e too la'u bo'o 'i kula ni fo'a 'eri. Nia 'e 'ai ka 'una 'eri, 34“Jisas wane 'i Nasaret 'ae, nau ku thaito'omamu, 'oe Wane Abu tha God. Taana 'o thathamia 'oki ilia 'ani kamili'a? 'O lae mai ura fa'afunu'ilamali'alaa to'o nena?”
35Tha Jisas 'e ngatafia ano'edo ta'a 'eri, ka 'una 'eri, “'O bona 'amu'a, 'oko kotho mai 'i maa fasia wane 'ena!” Ma ano'edo ta'a 'eri ka 'uu 'ania wane 'eri 'i tha'egano 'i maana konia 'eri, maka thaka na mai maa fasia. Ma wane 'eri ka a'i si maala bo'o.
36Na imole ki na kera ofu 'i kula 'eri, keka kwele 'asiana'a, ma keka soeto'oda kwailiu keka 'una 'eri, “Na to'odooa taa na 'una'i? Wane ne'e 'e arasia ano'edo ta'a ki 'ana suukwa'ia ma 'ana ramoa, ma keka thaka te'efau mai 'i maa!” 37Ma u'unua suli nia ka talofia fanu kakali 'eki sui.
Nia 'e fa'a'akwaa imole 'oro ki
(Matiu 8:14-17; Mak 1:29-34)
38Sui Jisas 'e 'akwasia bi'u ni fo'a 'eri, maka lae 'i luma tha Saemon. Na waifunga kini tha Saemon 'e mata'i 'ana 'akolaa na 'e ba'ita 'asi manga 'eri, ma keka soeto'ona tha Jisas fasi kai fa'a'akwaa. 39Ma tha Jisas 'e lae ka takwe 'i ninimana fite'i kini 'eri, maka arasia 'akolaa 'eri faasia. Ma kini 'eri ka 'akwaa bona'a, ma 'e tata'e maka kwaithathai 'ana si fanga ura thareladalaa.
40Ma si manga na thato 'e suu na'a, imole 'oro ki keka ngalia mai na imole kwaimani kera ki, na mata'ia 'ee'eta ki 'e thaungida 'i sana tha Jisas. Ma tha Jisas ka alua 'abana faafida, maka fa'a'akwaa te'efau 'ani kera. 41Ma ano'edo ta'a 'oro ki keka thaka faasia imole 'oro ki, ma keka 'ai keka 'una 'eri, “'Oe kaluwane tha God ne'e!”
Sui, tha Jisas 'e ngatafida maka lufida kesi ba'e, sulia kera thaito'omana sui na'a na nia na Kraest, na wane tha God 'e filia ura fa'amarukilana imole nia ki.
Nia 'e fa'ataloa fa'arongoa le'a laa na Biu ni fo'a ki
(Mak 1:35-39)
42Si manga fanua 'e dani, tha Jisas 'e 'akwasia 'i Kapaneam, maka lae ura te'e si kula ne banita'i. Ma imole 'eki keka rofe uri nia, ma si manga kera fulato'ona, keka ili ura lufilana fasi a'i si lae fasi ma'e toaa 'eri 43Sui, tha Jisas ka sore'a 'i sada, “Tha God 'e fale nau mai fasi kwai fa'ataloa si fa'arongoa le'a 'ana 'inotoa tha God, 'i laa na tei ma'etoaa 'ee'eta ki la'u bo'o.”
44Ma tha Jisas ka fa'ataloa si fa'arongoa le'a 'eri 'i laa na bi'u ni fo'a ki 'i Israel.
ที่ได้เลือกล่าสุด:
Luk 4: MLU
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2024, SITAG
