ᤋᤥᤗᤡᤱᤛᤥᤔᤢ 14
14
ᤀᤒᤪᤠᤶᤔᤡᤸᤗᤧ ᤗᤢᤋᤧᤴ ᤛᤧ᤺ᤵᤋᤢ᤹
1ᤀᤔᤪᤠᤐᤣᤗᤧᤴ ᤛᤡᤏᤠᤖᤒᤠ ᤜᤠᤱ ᤘᤕᤧᤒᤠ ᤕᤧᤶᤔᤥ. ᤀᤣᤸᤗᤠᤛᤠᤖᤒᤠ ᤜᤠᤱ ᤀᤠᤷᤕᤥᤁᤧᤴ. ᤀᤣᤗᤠᤔᤒᤠ ᤜᤠᤱ ᤁᤍᤥᤖᤗᤠᤀᤥᤔᤣᤖᤧᤴ ᤜᤧᤰᤁᤩᤠᤱ ᤃᤥᤕᤡᤶᤒᤠ ᤜᤠᤱ ᤋᤡᤍᤠᤗᤧᤴ ᤌᤡᤰᤜᤢᤵ ᤔᤧᤒᤥ᤺ᤰᤂᤧ॥ 2ᤜᤧᤰᤁᤩᤠᤱ ᤛᤍᤥᤔᤒᤠ ᤜᤠᤱ ᤒᤣᤖᤠ. ᤃᤔᤥᤖᤠᤒᤠ ᤜᤠᤱ ᤒᤡᤷᤛᤠ. ᤀᤍ᤻ᤔᤠᤒᤠ ᤜᤠᤱ ᤛᤡᤏᤠᤒ. ᤛᤒᤥᤕᤡᤶᤒᤠ ᤜᤠᤱ ᤛᤣᤔᤣᤒᤣᤖ ᤂᤧᤒᤩᤠᤱ ᤒᤣᤗᤠᤒᤠ (ᤂᤧᤴ ᤛᤥᤀᤖᤀᤠᤱ ᤔᤧᤔᤧᤳᤋᤢ) ᤜᤠᤱᤜᤠ᤹ᤖᤧ ᤂᤢᤴᤇᤡ ᤋᤰᤗᤧᤱᤘᤠᤀᤥ ᤌᤱ ᤌᤰᤛᤧ ᤔᤧᤒᤣ॥ 3ᤁᤴ ᤁᤧᤖᤧᤰ ᤜᤠᤱᤜᤠ᤹ ᤌᤡᤰᤜᤢᤵ ᤋᤢᤖᤠ ᤔᤧᤒᤥ᤺ᤰᤂᤧᤀᤠᤱ ᤛᤡᤍ᤻ᤍᤡᤶᤒᤠ (ᤕᤢᤶ ᤘᤖ᤺ᤱ) ᤋᤧᤶᤒᤣ᤹ᤀᤥ ᤔᤧᤓᤢᤱᤛᤡᤱ॥ 4ᤌᤡᤒᤥᤱᤅᤠᤱ ᤏᤧᤳᤇᤡ ᤋᤱᤒᤣ ᤌᤠᤖᤡᤰ ᤂᤧᤱᤜᤠ᤹ ᤁᤍᤥᤖᤗᤠᤀᤥᤔᤧᤖᤗᤧ ᤁᤢᤕᤢᤰᤁᤥ ᤔᤧᤘᤕᤧ॥ ᤁᤖ ᤌᤡᤒᤥᤱᤅᤠᤱ ᤛᤢᤶᤛᤡᤃᤣᤰᤐᤠ ᤋᤱᤒᤣᤀᤥ ᤂᤧᤱᤜᤠ᤹ᤖᤧ ᤜᤠᤱ ᤒᤡᤵᤑᤩᤢᤱ ᤔᤧᤈᤥᤃᤢ॥
5ᤌᤡᤒᤥᤱᤅᤠᤱ ᤗᤡᤛᤡᤃᤣᤰᤐᤠ ᤋᤱᤒᤣᤀᤥ ᤁᤍᤥᤷᤗᤠᤀᤥᤔᤧᤖᤧᤴᤏᤢ ᤌᤡᤰᤜᤢᤵ ᤁᤧᤒᤥᤱᤒᤠ ᤜᤠᤱᤜᤠ᤹ ᤔᤧᤒᤣᤀᤠᤱ ᤀᤛ᤻ᤋᤧᤖᤥᤳ ᤁᤷᤏᤣᤶᤒᤠ ᤖᤐᤠᤀᤡᤜᤠ᤹. ᤜᤠᤶᤒᤠ ᤈᤢᤈᤡᤜᤠ᤹. ᤛᤠᤒᤣ ᤁᤡᤷᤕᤠᤋᤤᤔᤒᤠ ᤀᤣᤔᤡᤜᤠ᤹. 6ᤜᤧᤰᤁᤩᤠᤱ ᤜᤥᤖᤡᤜᤠ᤹ ᤛᤣᤀᤡᤖᤒᤠ ᤌᤧᤃᤢ ᤔᤠᤱᤘᤠ ᤗᤠᤈᤣ᤹ᤀᤥᤒᤠ ᤀᤣ᤺ᤰᤛᤠᤍᤧᤴᤏᤡᤸᤗᤧ ᤁᤢᤒᤣᤛᤠᤱ ᤁᤧᤏᤧᤒᤠ ᤀᤧᤸᤐᤠᤖᤠᤴ ᤌᤠᤖᤡᤰ ᤔᤧᤏᤠ᤺ᤴᤍᤢᤛᤡ॥ 7ᤂᤧᤒᤩᤠᤱ ᤂᤧᤱᤜᤠ᤹ ᤔᤧᤏᤢ᤺ᤰᤂᤧᤀᤠᤱ ᤀᤣᤏᤔᤡᤛ᤻ᤐᤠᤋᤥ (ᤁᤠᤍᤣᤛ) ᤔᤧᤒᤣᤀᤠᤱ ᤀᤔᤠᤗᤧᤁᤡᤜᤠ᤹ᤖᤧ ᤂᤢᤏᤡ᤹ ᤁᤧᤖᤧᤰ ᤗᤠᤈᤣ᤹ᤜᤠ᤹ ᤏᤢ ᤜᤠᤛᤣᤛᤥᤴ ᤋᤠᤔᤠᤖᤀᤥ ᤁᤧᤕᤢᤱᤒᤠ ᤀᤣᤔᤥᤖᤡᤜᤠ᤹ᤀᤠᤱ ᤔᤧᤏᤠ᤺ᤴᤍᤢᤛᤡ॥
8ᤂᤧᤒᤩᤠᤱ ᤛᤍᤥᤔ. ᤃᤔᤥᤖᤠ. ᤀᤍ᤻ᤔᤠ. ᤛᤒᤥᤕᤡᤔ ᤏᤢ ᤒᤣᤗᤠᤒᤠ (ᤂᤧᤴ ᤛᤥᤀᤖ) ᤜᤠᤱᤜᤠ᤹ ᤔᤧᤗ᤺ᤴᤍᤧᤀᤠᤱ ᤛᤡᤍᤡᤍᤶ ᤋᤧᤶᤒᤣ᤹ᤀᤥ ᤌᤡᤰᤜᤢᤵ ᤔᤧᤒᤥ᤺ᤰᤂᤧᤀᤠᤱ ᤔᤧᤈᤢᤵᤛᤧ॥ 9ᤀᤣᤗᤠᤔ ᤗᤠᤈᤣ᤹ᤒᤠ ᤜᤠᤱ ᤁᤍᤥᤖᤗᤠᤀᤥᤔᤧᤖ. ᤃᤥᤕᤡᤶᤒᤠ ᤜᤠᤱ ᤋᤡᤍᤠᤗ. ᤛᤡᤏᤠᤖᤒᤠ ᤜᤠᤱ ᤀᤔᤪᤠᤐᤣᤸ. ᤜᤧᤰᤁᤩᤠᤱ ᤀᤣᤸᤗᤠᤛᤠᤖᤒᤠ ᤜᤠᤱ ᤀᤠᤷᤕᤥᤰᤁᤧᤴ. ᤁᤴ ᤗᤡᤛᤡ ᤜᤠᤱᤜᤠ᤹ ᤂᤧᤴ ᤅᤠᤛᤡ ᤜᤠᤱᤜᤠ᤹ᤏᤢ ᤌᤱ ᤆᤥ᤺ᤰᤔᤠ ᤑᤠ᤹ᤀᤠᤱ ᤕᤠᤖᤡᤵ ᤔᤧᤒᤥ᤺ᤰᤂᤧ॥ 10ᤛᤡᤍ᤻ᤍᤡᤶᤒᤠ ᤏᤧᤏᤧᤒᤠ ᤋᤧᤴᤏᤡᤴ ᤀᤗᤁᤋᤪᤠ ᤀᤡᤛ᤻ᤛᤣ᤺ᤱᤒᤠ ᤗᤢᤶᤒᤠ᤺ᤳᤋᤣ ᤗᤢᤶᤒᤠᤳ ᤁᤧᤏᤧᤒᤠ ᤆᤥᤃᤧ॥ ᤜᤧᤰᤁᤩᤠᤱ ᤛᤍᤥᤔ ᤏᤢ ᤃᤔᤥᤖᤠᤒᤠ ᤜᤠᤱᤜᤠ᤹ ᤌᤱᤅᤥᤗᤠᤶ ᤂᤧᤳᤏᤧᤳᤇᤡᤸᤗᤧ ᤂᤧᤱᤜᤠ᤹ᤖᤧ ᤁᤢᤓᤠ ᤂᤢᤴᤇᤡ᤹ ᤔᤏᤠᤜᤠ᤹ ᤗᤢᤶᤒᤠ᤺ᤳᤜᤠ᤹ᤀᤥ ᤔᤧᤜᤢᤔᤧ ᤔᤧᤗᤠᤛᤧ॥ ᤜᤧᤰᤁᤩᤠᤱ ᤘᤣ᤹ ᤔᤏᤠᤜᤠ᤹ᤃ ᤁᤥ᤺ᤰᤔᤠ ᤑᤠᤱᤈᤱ ᤜᤧᤱᤜᤠᤳᤋᤡ ᤔᤧᤄᤧᤳᤇᤡᤱ॥ 11ᤂᤧᤴ ᤗᤡᤛᤡ ᤜᤠᤱᤜᤠ᤹ᤖᤧ ᤛᤍᤥᤔ ᤏᤢ ᤃᤔᤥᤖᤠᤒᤠ ᤐᤃᤢᤃᤧᤴ ᤁᤢᤈᤠᤜᤠ᤹ ᤜᤧᤰᤁᤩᤠᤱ ᤁᤧᤖᤧᤰ ᤆᤡᤃᤰᤘᤠᤜᤠ᤹ ᤔᤧᤕᤠᤱᤛᤡᤱᤅᤠᤱ ᤔᤧᤎᤠᤛᤡᤱ॥ 12ᤂᤧᤱᤜᤠ᤹ᤖᤧ ᤛᤍᤥᤶᤔᤥ ᤁᤧᤕᤢᤱᤒᤠ ᤀᤒᤪᤠᤶᤔᤡᤸᤗᤧ ᤁᤢᤴᤏᤠᤰᤐᤠ ᤗᤢᤋᤧᤴᤏᤠᤱ ᤔᤧᤍᤣ᤹ᤖᤢ ᤜᤧᤰᤁᤩᤠᤱ ᤁᤳᤋᤢᤒᤠ ᤁᤧᤖᤧᤰ ᤁᤢᤈᤡᤃᤰᤘᤠᤜᤠ᤹ ᤔᤧᤍᤣ᤹ᤖᤢ॥
13ᤁᤧᤍᤠᤱᤒᤠ ᤁᤧᤕᤠ᤺ᤰᤐᤠᤀᤠᤱ ᤁᤧᤄᤧᤳᤇᤡᤱᤒᤠ ᤗᤳᤇᤠ ᤔᤏᤠᤎᤡᤰᤗᤧ ᤜᤡᤒᤪᤢ ᤀᤒᤪᤠᤶᤔᤡᤴ ᤁᤴ ᤐᤠ᤺ᤴᤏᤡᤴ ᤆᤧᤰᤋᤢ॥ ᤀᤒᤪᤠᤶᤔᤡᤴ ᤀᤧᤛ᤻ᤁᤥᤗ ᤏᤢ ᤀᤠᤏᤣᤖᤗᤧ ᤁᤢᤴᤛᤠ᤹ ᤀᤣᤔᤥᤖᤡᤖᤧ ᤔᤔᤪᤣᤒᤠ ᤕᤜᤡᤒᤠ ᤁᤢᤛᤡᤱᤜᤠ᤹ᤖᤧ ᤁᤢᤒᤣᤛᤠᤱ ᤕᤢᤅᤧ॥ ᤂᤧᤱᤜᤠ᤹ ᤀᤒᤪᤠᤶᤔᤡᤸᤗᤧ ᤁᤢᤴᤍᤣ᤺ᤱᤒᤠ ᤘᤕᤧᤛᤡ॥ 14ᤀᤒᤪᤠᤶᤔᤡᤸᤗᤧ ᤁᤢᤃᤠ᤹ᤀᤡᤴ ᤔᤧᤍᤧᤶᤛᤢ ᤔᤧᤍᤣ᤹ᤖᤢ ᤁᤧᤗ᤹ᤒᤠ ᤀᤡᤱᤄᤱ ᤂᤧᤵᤛᤢᤀᤠᤱ ᤁᤢᤜᤡᤶᤔᤥᤀᤣ ᤛᤠᤃᤧᤘᤠ᤺ᤴᤇᤡᤱᤒᤠ ᤏᤢ ᤌᤱ ᤌᤰᤔᤠ ᤁᤧᤜᤢ᤹ᤛᤡᤱᤒᤠ ᤁᤡᤵ ᤛᤢᤶᤛᤡᤀᤠᤱ ᤌᤡᤒᤥᤱᤅᤠᤱ ᤕᤧᤳᤇᤡ ᤁᤢᤛᤧᤘᤠᤖᤥᤒᤠᤜᤠ᤹ ᤑᤢᤰᤛᤢᤛᤡ ᤜᤧᤰᤁᤩᤠᤱ ᤂᤧᤱᤜᤠ᤹ ᤍᤠᤏ ᤌᤠᤖᤡᤰ ᤏᤠ᤺ᤳᤋᤢᤍᤣ᤹ᤖᤢᤛᤡ॥ 15ᤛᤧᤴᤍᤡᤰ ᤏᤡᤱᤔᤡᤜᤠ᤹ ᤑᤵᤔᤠᤛᤡᤖᤧ ᤗᤠᤃᤡ ᤂᤢᤏᤧ᤹ ᤁᤢᤔᤏᤠᤜᤠ᤹ ᤁᤢᤗᤢᤵ ᤁᤢᤗᤢᤵ ᤛᤧᤛᤢᤛᤡ॥ ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤏᤡᤱᤔᤡᤜᤠ᤹ ᤔᤧᤏᤠ᤺ᤴᤍᤢᤛᤡ. ᤍᤔᤛ᤻ᤁᤛᤒᤠ ᤌᤠᤱᤃᤧᤳ ᤐᤡᤛᤠᤱ ᤁᤧᤏᤧᤒᤠ ᤜᤥᤒᤠ ᤌᤠᤖᤡᤰ ᤔᤧᤏᤠ᤺ᤳᤋᤢᤛᤡ॥ 16ᤂᤢᤏᤧ᤹ ᤁᤧᤖᤧᤰ ᤆᤡᤃᤰᤘᤠᤜᤠ᤹ ᤕᤠᤱᤏᤠ ᤏᤠᤵᤋᤢᤛᤡ ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤃᤠ᤹ᤀᤡ ᤗᤢᤋᤧᤴ. ᤁᤢᤈᤡᤃᤰᤘᤠᤜᤠ᤹ ᤜᤧᤰᤁᤩᤠᤱ ᤔᤧᤴᤇᤢᤔᤠᤜᤠ᤹ ᤏᤢ ᤘᤣ᤹ ᤔᤧᤍᤧᤶᤛᤢ ᤔᤧᤍᤣ᤹ᤖᤢᤛᤡᤒᤠ ᤔᤏᤠᤜᤠ᤹ᤀᤠᤱ ᤏᤢ᤺ᤰᤋᤢ ᤋᤠᤖᤢᤛᤡ॥
ᤔᤸᤁᤡᤛᤧᤍᤧᤰᤁᤧᤸᤗᤧ ᤀᤒᤪᤠᤶᤔᤡᤴ ᤔᤢ᤹ᤀᤡᤛᤠᤶ ᤐᤡᤖᤢ
17ᤀᤒᤪᤠᤜᤠᤶᤔᤡᤸᤗᤧ ᤁᤍᤥᤖᤗᤠᤀᤥᤔᤣᤖᤧᤴ ᤜᤧᤰᤁᤩᤠᤱ ᤂᤢᤏᤧ᤹ᤏᤢ ᤌᤡᤰᤜᤢᤵ ᤁᤧᤒᤥᤱᤒᤠ ᤜᤠᤱᤜᤠ᤹ ᤏᤠ᤺ᤴᤍᤢᤛᤡᤀᤠᤱ ᤏᤢ᤺ᤰᤂᤧ ᤑᤧᤖᤧᤸᤗᤧ ᤛᤠᤒᤣᤒᤠ ᤏᤧᤏᤧᤒᤠᤍᤧᤴᤏᤥ ᤀᤡᤃᤪ ᤜᤠᤱᤅᤡᤸᤗᤧ ᤁᤢᤏᤧᤏᤧᤒᤠ ᤋᤧᤴᤏᤥ ᤛᤍᤥᤔᤒᤠ ᤜᤠᤱᤅᤡᤴ ᤂᤢᤏᤧ᤹ ᤁᤢᤍᤢᤶᤛᤧ ᤋᤩᤧ॥
18ᤜᤧᤰᤁᤩᤠᤱ ᤛᤠᤗᤣᤶᤒᤠ#᥇᥊:᥇᥎ ᤕᤖᤢᤛᤗᤧᤔ ᤜᤠᤱ ᤔᤸᤁᤡᤛᤧᤍᤧᤰᤁᤧᤴ ᤂᤖᤧ᤺ᤱ ᤏᤢ ᤆᤧᤸᤗᤧᤰᤛᤣ᤹ ᤌᤡ ᤕᤠᤱᤛᤡᤱᤅᤠᤱ ᤀᤒᤪᤠᤶᤔᤡᤸᤗᤧ ᤁᤢᤍᤢᤶᤛᤧ ᤑᤧᤖᤧ॥ ᤔᤸᤁᤡᤛᤧᤍᤧᤰᤁᤧᤴ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤥ#᥇᥊:᥇᥎ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱ—ᤜᤡᤒᤪᤢᤀᤥ ᤀᤣᤗ-ᤀᤣᤗᤩᤥ᤺ᤴ. ᥇᥊:᥇᥏. ᥈᥆. ᥈᥈ᤀᤥ ᤀᤠᤱ ᤐᤳ॥ ᤛᤧᤘᤠ ᤁᤧᤈᤥ᤺ᤰᤐᤠ ᤏᤡᤱᤘᤠ᤹ᤑᤢᤛᤠᤶᤒᤠ ᤘᤕᤧ॥ #ᤜᤡᤒᤪᤢ ᥍:᥇-᥇᥆ 19ᤂᤢᤏᤧ᤹ ᤀᤒᤪᤠᤜᤠᤶᤔᤡᤴ ᤀᤰᤂᤣ ᤔᤧᤳᤋᤢᤖ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤌᤠᤛᤢᤐᤡᤖᤢ.
“ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤠᤴ
ᤏᤠᤘᤠᤃᤧᤴ ᤆᤀᤡ᤺ᤳ ᤁᤧᤏᤧᤒᤠ ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ
ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤀᤒᤪᤠᤶᤔᤡᤴ ᤜᤠᤱᤘᤠᤃᤧᤴ ᤔᤢ᤹ᤀᤡᤛᤠᤶ ᤐᤡᤖᤢᤖᤖᤥ॥
20ᤜᤧᤰᤁᤩᤠᤱ ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ
ᤁᤢᤔᤡᤱᤅᤡᤴ ᤔᤡᤔᤡᤍᤡᤱ ᤐᤥᤱᤗᤖᤥ.
ᤂᤢᤏᤧ᤹ᤀᤣ ᤁᤧᤏᤡᤱᤔᤡᤜᤠ᤹ ᤂᤧᤏᤧ᤹ ᤁᤧᤜᤢᤰᤁᤥ ᤜᤢᤰᤁᤧᤛᤢ᤺ᤵᤋᤧ ᤁᤧᤒᤡᤖᤧᤖᤥ॥”
ᤜᤧᤰᤁᤩᤠᤱ ᤁᤧᤖᤧᤰ ᤐᤠ᤺ᤴᤜᤠ᤹ᤖᤧᤴ ᤌᤡᤒᤥᤱᤗᤰ ᤔᤸᤁᤡᤛᤧᤍᤧᤰᤁᤧᤴ ᤐᤡᤖᤢ॥
21ᤜᤧᤰᤁᤩᤠᤱ ᤛᤍᤥᤔᤒᤠ ᤜᤠᤱᤅᤡᤸᤗᤧ ᤀᤒᤪᤠᤶᤔᤡᤴ ᤔᤧᤳᤋᤢ. “ᤀᤠᤱᤃᤠ᤹ ᤔᤏᤠᤜᤠ᤹ᤖᤰ ᤐᤡᤖᤠᤱᤅᤧ᤹. ᤁᤖ ᤆᤡᤃᤰᤘᤠᤜᤠ᤹ ᤂᤧᤏᤧ᤹ᤀᤣ ᤗᤠᤖᤧ᤹॥”
22ᤁᤖ ᤀᤒᤪᤠᤶᤔᤡᤸᤗᤧ ᤛᤍᤥᤔᤒᤠ ᤜᤠᤱᤅᤡᤴ ᤔᤧᤳᤋᤢ. “ᤛᤠᤱᤃᤪᤠᤶᤐᤣᤍᤠᤱ ᤏᤢ ᤀᤡᤰᤛᤠᤍᤡᤱ ᤂᤠᤶᤒᤣ᤺ᤰᤔᤥᤒᤠ ᤕᤜᤘᤣ ᤍᤠᤱᤒᤠ. ᤁᤧᤖᤧᤰᤏᤢ᤺ᤸᤗᤧ ᤐᤕᤶ ᤕᤶᤒᤠ ᤏᤡᤱᤘᤠ᤹ᤑᤢᤔᤠᤱᤅᤥ ᤀᤰᤂᤣᤗ᤹ᤖᤡᤰ ᤔᤠᤱᤜᤢᤵ ᤆᤥᤃᤢᤱᤅᤠᤱ ᤘᤠ᤹ᤀᤠ. 23ᤗᤳᤇᤠ ᤂᤡᤎᤡᤰᤁᤠᤱ ᤀᤡᤃᤪ ᤗᤠᤱᤛᤢ᤺ᤵᤐᤡᤸᤗᤧ ᤁᤢᤏᤠᤶᤎᤡᤰᤁᤠᤱ ᤂᤧᤏᤧ᤹ ᤁᤧᤈᤡᤃᤰᤘᤠ ᤌᤣᤎᤡᤰᤁᤠᤱ ᤔᤧᤍᤣ᤹ᤀᤠᤴ. ᤔᤣ᤺ᤴᤏᤧᤓᤃᤪ ‘ᤀᤒᤪᤠᤶᤔᤡᤴ ᤀᤠᤱᤃᤠ᤹ ᤕᤠᤱᤛᤠᤁᤢᤴᤎᤣᤛᤠᤒᤠ ᤆᤥᤃᤢᤱ’ ᤗ᤹ᤖᤡᤰ ᤂᤧᤏᤧ᤹ ᤁᤧᤒᤠ᤺ᤳᤋᤢ᤹॥ 24ᤀᤠᤱᤃᤠ᤹ᤏᤢ ᤁᤧᤒᤣ᤺ᤰᤐᤠᤀᤠᤱ ᤁᤧᤘᤠ᤹ᤒᤠ ᤀᤠᤔᤏᤠᤜᤠ᤹ᤖᤧ ᤔᤧᤈᤒᤠ ᤗᤰᤁᤠᤱᤎᤥ ᤘᤣ᤹ ᤗᤰᤁᤡᤴ ᤔᤧᤍᤠ᤺ᤰᤁᤠᤴᤗᤥ. ᤜᤧᤰᤁᤩᤠᤱ ᤁᤴ ᤘᤣ᤹ ᤔᤏᤠ ᤀᤠᤏᤣᤖ. ᤀᤧᤛ᤻ᤁᤥᤗ ᤏᤢ ᤔᤔᤪᤣᤖᤧ ᤂᤢᤴᤇᤡ᤹ ᤗᤰᤁᤡᤴ ᤔᤧᤍᤠ᤺ᤰᤋᤢᤖᤖᤥ॥”
ที่ได้เลือกล่าสุด:
ᤋᤥᤗᤡᤱᤛᤥᤔᤢ 14: LIFOTNT
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2009, 2023, Wycliffe Bible Translators, Inc. All rights reserved.
