Genesis 6
6
Khoesi ǂkhabab
1Khoesib ge ǃhūbaib ai ǃgôab ǃnâ ge ǀarosen; tareǀgôadi tsîn ge ge ǃnae#Job 1:6; 2:1 2tsî gu ge ǀhomsi kurusabega#6:2 ǀHomsi kurusabega: Tamas ka io elogu ôaga tamas ka io Elob ôaga. nē ǂkham khoedi îsa ǃkhaisa mû, o gu ge ǃgame ǂgao gu ras hoasa ǁhûi tsî ge ǃgame. 3Ob ge ǃKhūba “ǁÎn ǁōǁkhāxūse ī, xui-ao ta ge khoe-e gaxuse ûisa mā-am tide. Nēsisa xun ge ǁîna ǃaruǀî ǀguikaidisi tsî ǀgamdisi kurigu xa ǃnāsase ûi tide” ti ge mî. 4ǁNā tsēdi ǃnâ tsî ǁnās khaoǃgâ gu ge kaikara khoegu, ǀhomsi kurusabegu tsî khoen ôadi tsîn di suriga ǃhūbaib ai ge hâ i. ǁÎgu ge ǃgari-aogu ǁnā ǁaeb digu ase gere ǃgapaǀîhe.#Num. 13:33
5 ǃKhūb ge mâtikōsen khoena ǂkhabab xa ǀoa hâ tsî mâtikōse di ǁîn ǂâide ǂkhaba ǃkhaisa mû#Mat. 24:37; Luk. 17:26; 1Pet. 3:20 6ob ge kaise ǁînab ge kuru tsî ǃhūbaib ai mâi ǃkhais xa ge ǃhausen. ǁNātikōse ǃhausen tsîb ge 7“Nē khoen, ǀgurun, xamarin tsî anin tita ge kuruna ta ge kaise ta ǁîna ta ge kuru ǃkhais xa ra ǃhausen xui-ao nî dībē” ti ge mî. 8Xaweb ge ǃKhūba Noaxi ǀkha ge ǂkhî i.
Noaxi
9Nēs ge Noaxi ǂhôasa.
Noaxi ge ǁîb ǁaeǃgâs khoen ǃnâ ǂhanu-ai tsî ǁoreo ge i khoeb, Elob ǀhûhâsib ǃnâ ge hâ iba.#2Pet. 2:5 10ǁÎb ge ǃnona ǀgôagu, Semmi, Xammi tsî Jafet hâga ge ǁorabahe. 11Elob aiǃâb ge ǃhūbaiba ge ǂkhaba i tsîb ge ǂkhabadība hoaraga ǃkhain ai ge ǂapaǂoa. 12Ob ge Eloba ǃhūbaiba kō tsî mâtikōseb a ǂkhaba ǃkhais tsî mâtikōsen khoena ǂkhabadīb xa ǀoa hâ ûiba ra ûi ǃkhaisa ge mû.
13Ob ge Eloba Noaxa ge mîba: “Tita ge nē ǃhūbaib ai hâ khoesib hoaba ta nî ǀamǀam ǃkhaisa go mîǁgui. Tita ge ǃhūbaib go ǁîn di ǂkhabadīgu xa ǀoa xui-ao ǁîna hoaragase nî hîkākā. 14Xuige ǃgâi hai-i ǀkha arki, ǃnā-omde ūhâba kuru, î ǃaugab tsî ǂganagab hoaba tēr-i ǀkha ǂkhau. 15Nēb ge ǁîb aits nē arka nî kuru ǀgauba: Gaxusib ge nî ǀguikaidisi tsî ǃnonadisiǃnonaǀa meter, ǂhabasiba ǀgamdisiǀgamǀa meter tsî ǀgapisiba disiǃnonaǀa meterga. 16ǂAmǃnâba#6:16 ǂAmǃnâba: Tamas ka io mûǂuidaosa. arka kuruba î ǂamǃnâb tsî ǃnamgu tsîn ǁaegu hakadisihakaǀa sentimetergu di soaroba ǁnāxū. ǃNonaǃnâgu ǀgapiga ūhâse kuru, îts arki di ǃnammi ǃnâ dao-amsa ǂnûi. 17Tita ge ûitsaman hoana nî hîkākāse kai ǁgamma ǃhūbaib ai nî hā kai. Hoaraga ûitsaman ǃhūbaib ai hân ge nî ǁō, 18xawe ta ge sats ǀkha ǃgaeǀhaosa nî dī. Sa taras, sa ôagu tsî ǁîgu taradi tsîn ǀkha arki ǃnâ ǂgâ re. 19-20Hoa xamarin, ǀgurun tsî aniǃnôan, hoa ǂhanabeǃnôana xu ǀgamn, aore-i tsî tare-i tsîna ū, ǁîna nî ûitsamase ūhâse. 21Îts ǁkhāti hoaraga ǂûǃnôan hîa a ǂûhe ǁkhāna sats tsî sa khoen ǃaroma, ǂû du nîse ū.”
22Noaxi ge hoaraga xūn Elob xab ge mîmāhena ge dī.#Heb. 11:7
ที่ได้เลือกล่าสุด:
Genesis 6: KKG20
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Khoekhoegowab Elobmîs © Bible Society in Namibia, 2020.