Genese 5
5
Adamu ve akoremari ve huhuve
1Ma va Adamu ve akoremari ve vilakao ve buka ma. Aualari haela karikipe la hoa are arero Aualari ve maea hovea karikipe. 2Vila i uva ila are erealilara karikipe; are erealilara lei momorapupe, kai erealilara karikipe la hoa are erealilara Haela rare itavape. 3Adamu hitolo 130 hovea ovokake aeaveape la hoa, are elare maea hovea akore epape, areve oropape hovea, kai are arero rare Seta rare itavape. 4Adamu Seta oropa epape kai aireaki hitolo 800 ovokake aeaveape: are kai akoremari i marita ila uku kara erape. 5Laelave, Adamu ovokake aeaveape hitolo va 930; kahara, are le apape.
6Seta ve hitolo 105 hovea hovea la hoa, are Enosa epape. 7Seta Enosa oropa epai aireaki ovokake aeaveape hoa hitolo 807; are akoremari i marita ila uku kara erape. 8Laelave, Seta ve hitolo hovea hovea leipe hitolo 912. Kahara, are le apape.
9Enosa ve hitolo 90 hovea hovea la hoa are Kenana epape. 10Enosa Kenana oropa epape, aireaki are ovokake aeaveape hitolo 815; are kai akoremari i marita ila uku kara erape. 11Laelave Enosa ve hitolo hovea hovea leipe hitolo 905. Kahara, are le apape.
12Kenana ve hitolo 70 hovea hovea la hoa are Mahalalela epape. 13Kenana Mahalalela oropa epai aireaki ovokake aeaveape hitolo 840, kai akoremari i marita ila uku kara erape. 14Laelave Kenana ve hitolo hovea hovea leipe hitolo 910; are le apape.
15Mahalalela ve hitolo 65 hovea hovea la hoa are Iareda epape. 16Mahalalela Iareda oropa epai aireaki ovokake aeaveape hitolo 830; are kai akoremari i marita ila uku kara erape. 17Laelave, Mahalalela ve hitolo hovea hovea leipe hitolo 895; are kai le apape.
18Iareda ve hitolo 162 leipe la hoa are Enoka epape. 19Iareda Enoka oropa epai, aireaki are ovokake aeaveape hitolo 800; are kai akoremari i marita ila uku erape. 20Laelave, Iareda ve hitolo hovea hovea leipe hitolo 962. Are kai le apape.
21Enoka ve hitolo 65 leipe la hoa are Metusela epape. 22Enoka Metusela oropa epai, aireaki are i Aualari i hareho loa vea velaripe, hitolo 300 hovea hovea; are kai akoremari i marita ila uku kara erape. 23Laelave Enoka ve hitolo hovea hovea leipe hitolo 365 ila. 24Enoka Aualari i hareho loa vea velaripe, kai haela arero au eavaila, ehovea Aualari arero hareavape.
25Metusela ve hitolo 187 hovea hovea leipe la hoa, are Lameka epape. 26Metusela Lameka oropa epai aireaki ovokake aeaveape ve hitolo 782, kai akoremari i marita ila uku kara erape. 27Laelave, Metusela ve hitolo hovea hovea leipe hitolo 969; are kai le apape.
28Lameka ve hitolo 182 hovea hovea leipe la hoa are akore haroapo epape, 29are la akore rare Noa rare itavape, kai mariape; “Iehova lei heaha leipe la kekele ve, ma akore elaviilara lei makukurikilai, kai mai horova v'ila iki paparaehaki hoa aikiarakilai.” 30Lameka Noa oropa epai aireaki ovokake aeaveape va hitolo 595; are kai akoremari i marita ila uku kara erape. 31Laelave, Lameka ve hitolo hovea hovea leipe hitolo 777; are kai le apape.
32Noa va hitolo 500 leipe la hoa, are Sema, Hamu i Iapeta ila erape.
ที่ได้เลือกล่าสุด:
Genese 5: ORO
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Published by the British and Foreign Bible Society 1963-1972