लुका कीताबौ परीचय
कीताबौ परीचय
लुका उसा जाट्च काट जना डाक्टर लेया (कलस्सी ४:१४) र लुका उसा जाट्च डाक्टर मट्टै मालेम आसको पक्का जाट्न इटीहास वार्छ इटीहासकार र लेया। लुकै रीक्च एैटीहासीक कीताबकुङ बैज्ञानीक अनुसन्धान लकीङ प्रमाणित छान्नने। लुका लाहा ग्रीक छान्च बाटै सेछ समाचार यहूदी जातिकोलाक मात्र मालेम संसारुङ पट्ट न जाटीकै र व्हार्खी य्होक्ख्यौ डेम रीका। आसकै येशूओ बारेयाङ घटडीस्च घटनाको सेटाक्कीयो लागी थियोफीलस डेच भर्मीकुङ इसे सेछ समाचारौ कीताब याम्ह काच हो। इसे सेछ समाचारै येशू कुटजाट्न प्रकट छाना? येशू इस्राएलीकुङ मीघ्याङ र इसे संसाराङ राहा र होसकुङ असल जीवनै, होसकुङ मृत्युये र मृत्यु लकीङ फेरी जीवाच बाटै लाहा परमेश्वरौ मीजा र मुक्टी याछ “ख्रीष्ट” हो डेम पट्ट न भर्मीकोलाक चीन्डीयाका। (लुका १:३१-३३; ४:१८-२१; २४:२५-२७; ४४:४७) सेछ समाचार ही हो डेनाङ येशू मीटाक बीस्वास जाट्चकै लाहा लहो पापौ क्षमा डीन्ल्हे र सीरखीङ स्वर्गवाङ परमेश्वर खाटा सढैँ छान्की डीन्ख्यो डेयार होसको बलीदानौ रुपाङ सीया (लुका २२:१९-२०; २४:४४-४७)। इसे येशूओ बारेयाङ रीक्च सेछ समाचार काट जना भर्मीये कल्पना जाटार रीक्च माहाले, इसे च काट सत्य र एैटीहासीक कुरा हो।
लुकै इसे सेछ समाचारौ कीताब कुसे सालाङ रीका डेयार निश्चित थाहा माले, टर पनी बाइबलौ वास्टै बीडुवानकै लुकौ सेछ समाचार इ.स ५९-६३ याङ रीक्च डेम बीचार जाट्ले। अरुये होसे डेनाङ १० लकीङ २० वर्ष न्हुङ्लाक रीक्च डेयार बीचार जाट्ले।
इसे सेछ समाचार मट्टै होइन प्रेरित डेच कीताब र लुकै होसीयार खाटा मीङारै माजा-माजा घट्डीस्च सट्य घटनाकुङ कठाको रीक्ङने (प्रेरित १:१)।
विषय-सुची
परीचय १:१-४
बप्तिस्मा याछ युहन्ना र येशूओ जन्म र जजुङ अबस्ठा १:५–२:५२
बप्तिस्मा याछ युहन्नौ सेवा र काम ३:१-२०
येशूओ बप्तिस्मा र परिक्षा ३:२१–४:१३
गालीलाङ येशूओ सेवा र काम ४:१४–९:५०
गालील लकीङ यरूशलेम सम्म ९:५१–१९:२७
यरूशलेमाङ अन्टीम हप्ता १९:२८–२३:५६
येशू सीच लकीङ जीवार स्वर्गाङ नुङ्च २४:१-५३
ที่ได้เลือกล่าสุด:
लुका कीताबौ परीचय: EMGP
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2024 (Active), Wycliffe Bible Translators, Inc. All rights reserved.