JONE 3
3
1 Oku ako e Kalaisi ki he aoga oe fakatubu foou. 14 Moe tui i he ene bekia. 16 Koe ofa lahi ae Otua ki mamani. 18 Koe malaia oe taetui. 23 Koe fai babitaiso a Jone, mo ene fakamooni, mo ene akonaki oku kau kia Kalaisi.
1BEA nae ai ha tagata i he kau Falesi, ko Nikotimasi hono higoa, koe eiki ia i he kakai Jiu. 2Bea nae ha‘u ia kia Jisu i he bouli, o ne behe, Labai, oku mau ilo koe akonaki koe kuo ha‘u mei he Otua: he oku ikai ha tagata oku faa fai ae gaahi mana ni oku ke fai, o kabau oku ikai iate ia ae Otua. 3Bea lea a Jisu, o beheage kiate ia, Koe mooni, koe mooni, oku ou tala kiate koe, Kabau e ikai fanau‘i foou ha tagata, e ikai aubito mamata ia ki he buleaga oe Otua. 4Bea behe e Nikotimasi kiate ia, E faa fanau‘i fefe‘i ae tagata oku motua? e toe faa hu ia ki he manāva o ene fa‘e, bea fanau‘i? 5Bea behe e Jisu, Koe mooni, koe mooni, oku ou tala kiate koe, Kabau e ikai fanau‘i ae tagata i he vai bea moe Laumalie, e ikai aubito faa hu ia ki he buleaga oe Otua. 6Ko ia kuo fanau‘i i he kakano, koe kakano ia; bea ko ia kuo fanau‘i i he Laumalie, koe laumalie ia. 7Oua te ke ofo i he eku tala kiate koe, Oku totonu ke mou fanau‘i foou. 8Oku maili ae matagi ko hono faiteliha be, bea oku ke fanogo ki hono mumuhu o ia, ka oku ikai te ke ilo be oku ha‘u meife, be alu kife ia: oku behe be aia kotoabe oku fanau‘i i he Laumalie. 9Bea leaage a Nikotimasi, o ne behe kiate ia, Oku fefe nai ae gaahi mea ni? 10Bea leaage a Jisu, o behe kiate ia, He koe akonaki koe i Isileli, bea oku ikai te ke iloa ae gaahi mea ni? 11Koe mooni, koe mooni, oku ou tala kiate koe, Oku mau lea aki aia oku mau ilo, o fakababau aia kuo mau mamata; ka oku ikai te mou ma‘u e mau fakamooni. 12Kabau oku ikai te mou tui i he eku tala kiate kimoutolu ae mea oe mamani, e fefe hoo mou tui, o kabau teu tala kiate kimoutolu ae mea oe lagi? 13Bea oku heeki ai alu hake ha tagata ki he lagi, ka ko ia be nae alu hifo mei he lagi, ae Foha oe tagata aia oku i he lagi.
14Bea hage nae hiki hake e Mosese ae gata i he toafa, e behe hono hiki ae Foha oe tagata ki oluga: 15Koeuhi ko ia kotoabe oku tui kiate ia ke oua naa auha ia, kae ma‘u ae moui taegata.
16He nae ofa behe ae Otua ki mamani, naa ne foaki hono Alo be taha nae fakatubu, koeuhi ko ia kotoabe e tui kiate ia ke oua naa auha, kae ma‘u ae moui taegata. 17He nae ikai fekau e he Otua hono Alo ki mamani ke fakamalaia a mamani: ka koeuhi ke moui a mamani iate ia.
18Ko ia oku tui kiate ia, oku ikai fakamalaia ia: ka ko ia oku ikai tui, oku fakamalaia ni ia, koeuhi oku ikai tui ia i he huafa oe Alo be taha nae tubu i he Otua. 19Bea koe malaiaaga eni, koeuhi kuo ha‘u ae māma ki mamani, bea ofa lahi ae kakai ki he bouli i he māma, koeuhi oku kovi e nau gaahi gaue. 20He ko ia fulibe oku fai kovi oku fehia ki he māma, bea oku ikai ha‘u ia ki he māma, telia naa fakaha ai ene gaahi gaue. 21Ka ko ia oku fai ki he mooni, oku ha‘u ia ki he māma, koeuhi ke fakaha ai ene gaahi gaue, oku fai ia i he Otua.
22Bea hili eni, nae ha‘u a Jisu mo ene kau akoga ki he fonua ko Jutea; bea nofo ai mo kinautolu, o fai babitaiso. 23Bea nae fai babitaiso a Jone foki i Enoni o ofi ki Selemi, koeuhi nae i ai ae vai lahi: bea nae ha‘u ae kakai, o babitaiso. 24He nae heeki ai ave a Jone ki he fale fakabobula.
25Bea nae kikihi ae kau akoga a Jone moe kau Jiu ki he fakamaa. 26Bea naa nau ha‘u kia Jone o nau pehe kiate ia, Labai, ko ia ia nae iate koe itua Joatane, aia naa ke fakamooni ki ai, vakai, oku fai babitaiso eia, bea oku aluage ae kakai kotoabe kiate ia. 27Bea leaage a Jone, e behe, Oku ikai faa ma‘u e ha tagata ha mea, ka i hono foaki ia kiate ia mei he lagi. 28Oku mou fakamooni kiate au naaku behe, Oku ikai koe Kalaisi au, ka kuo fekau au ke muomua iate ia. 29Ko ia oku ne ma‘u ae taahine, koe tagata taane ia: ka koe kaiga oe tagata taane oku tuu o fanogo kiate ia, oku fiefia lahi ia koe mea i he le‘o oe tagata taane: koia ko eku fiefia ni kuo kakato. 30E fakaaau ia ki mu‘a, ka teu fakaaau au ki mui. 31Ko ia oku ha‘u mei oluga, oku maoluga taha be ia: ko ia oku mei he mamani, oku fakamama ia, bea oku lea ia ki he mamani: ko ia oku ha‘u mei he lagi, oku maoluga taha be ia. 32Bea koe mea kuo ne mamata mo ogo‘i, koia oku ne fakamooni ki ai; ka oku ikai ma‘u e ha tagata ene fakamooni. 33Ko ia kuo ne tui ki he ene fakamooni, kuo ne ai ki ai hono fakailoga oku mooni ae Otua. 34He ko ia kuo fekau e he Otua, oku ne lea aki ae gaahi lea ae Otua: he oku ikai tuku fuofua e he Otua ae Laumalie kiate ia. 35Oku ofa ae Tamai ki he Alo, bea kuo ne tuku ae mea kotoabe ki hono nima. 36Ko ia oku tui ki he Alo, oku ne ma‘u ae moui taegata: bea ko ia oku ikai tui ki he Alo, e ikai te ne mamata ki he moui; ka oku nofo be kiate ia ae houhau oe Otua.
ที่ได้เลือกล่าสุด:
JONE 3: TWB
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
