Matewu 9
9
Ta Yesu loko ahanyisa munhu lweyi akhwanyaleke svirho
(Marka 2:1-12; Luka 5:17-26)
1Kutani Yesu anghena bzatsweni, atsemakanya aya ridongeni rin'wana ra tiva, aya doropeni laha aahanya kona. 2Kutani vamutisela munhu wokhwanyala svirho, ayo lakahla arihlakeni. Loko Yesu avona kupfumela ka vona, aku ka lweyi wokhwanyala svirho: “Tiyisa mbilu n'wananga, urivaleliwile svijoho sva wena.” 3Van'we ka Vatsali vapimisa atimbilwini ta vona, vaku: “Munhu lweyi asandza Xikwembu!” 4Yesu, hi kutiva mimpimiso ya vona, aku: “Hikolaho ka yini mipimisa lesvobiha atimbilwini ta n'wina? 5Xana kuvevuka yini, kuvula lesvaku: ‘Urivaleliwile svijoho sva wena’, kumbe kuvula: ‘Pfuka ufamba’ ke? 6Svosvi-ke tivani lesvaku N'wana-wa-Munhu a ni matimba laha misaveni ya kurivalela vanhu svijoho.” Kutani aku ka lweyi wokhwanyala svirho: “Pfuka, teka rihlaka ra wena umuka.” 7Hi loko yena apfuka, amuka. 8Loko xitshungu xivona svosvo, xikhomiwa hi kuchava, kutani xitwalisa Xikwembu lexinganyika matimba lawa yotanu ka vanhu.
Ta kuvitaniwa ka Matewu
(Marka 2:13-17; Luka 5:27-32)
9Loko Yesu asukile kolaho, aya mahlweni, kutani avona munhu lweyi avaku i Matewu na atshamile ndlwini ya kuhakelisa rhesa, aku ka yena: “Nilandze!” Hi loko Matewu asuka ayima amulandza.
10Kuteloko Yesu atshamile kujeni ndlwini, vahakelisi va rhesa lavotala ni vajohi vafika, vatshama na yena kujeni svin'we ni vajondzisiwa va yena. 11#Vona ni: Luk. 15:1-2. Loko Vafarisi vasvivona, vaku ka vajondzisiwa va yena: “Xana Mujondzisi wa n'wina ajela yini ni vahakelisi va rhesa ni vajohi ke?” 12Loko Yesu asvitwa, aku ka vona: “Lavatsakeke mirini, avalavi n'anga, kambe yilaviwa hi lavavabzaka.
13“Yanani, miyajondza rito leringe: ‘Nitsakela timpsalu, kungali timhamba.’ Hikuva anitelanga kutavitana lavalulameke, kambe vajohi.”
Ta xivutiso hi tlhelo ra kutitsona svakuja
(Marka 2:18-22; Luka 5:33-39)
14Nkarhini wolowo vajondzisiwa va Yohani vata ka yena vaku: “Sviyendlisa kuyini lesvaku hina ni Vafarisi hitolovela kutitsona svakuja; na vajondzisiwa va wena vona, vangatitsoniki ke?” 15Yesu aku ka vona: “Xana vanghanu vamuteki vangarila loko muteki ahali na vona ke? Kambe masiku matata, lawa muteki angatasusiwa ka vona; hikona vangatatitsona svakuja. 16Aku na munhu lweyi arhungelaka xiziva xa nguvu xa ximpsha ka nguvu ya khale, hikuva xiziva xakona xitahandzula nguvu, kutani kuhandzuka kakona kutaya kuyengeteleka. 17Nasvona vanhu avacheli vhinyu lerimpsha atindongeni #9:17 Van'wana vali: Minkwameni ya xikhumba. ta khale hikuva loko vayendlisa svosvo, tindonga titahandzuka, kutani vhinyu ritahalaka, na tona tindonga tiwonheka; kambe vhinyu lerimpsha varichela tindongeni letimpsha, kutani svihlayiseka hi vumbirhi bza svona.”
Xikombelo xa murhangeli wa sinagoga, ni ta wansati lweyi wa mbabzi
(Marka 5:21-43; Luka 8:40-56)
18Loko ahavulavula na vona hi timhaka toleto, kufika mun'we wa varhangeli va sinagoga, amukhinsamela aku: “N'wana wa mina wanhwanyana wahakufa svosvi, ahifambe svin'we utamutlhanteka mavoko, kutani atatlhela ahanya.” 19Hi loko Yesu asuka amulandza, svin'we ni vajondzisiwa va yena.
20Kambe akuli ni wansati lweyi aavabza hi vuvabzi bza kuhumela ngati, hi mpfhuka wa khume ra malembe ni mambirhi; ata hi kunyanimela hi le ndzhaku ka Yesu, akhumba makumu ya nguvu ya yena; 21hikuva ate mbilwini ya yena: “Loko ningakhumba nguvu ya yena ntsena, nitahanyisiwa.” 22Yesu ahundzukula, kutani loko amuvona, aku ka yena: “Tiyisa mbilu n'wananga, kupfumela ka wena kukuhanyisile.” Kusukela nkarhini wolowo, wansati lweyi ava ntomi.
23Kutani loko Yesu afika kaya ka murhangeli ni loko avona lavachayaka svitiringo #9:23 Kumbe: Tinanga. ni xitshungu lexibaka huwa 24aku ka vona: “Sukani, hikuva nhwanyana lweyi angafanga, ayoyetlela.” Kutani vamuhleka. 25Kambe loko xitshungu xihumesiwe handle, Yesu anghena akhoma nhwanyana hi voko, yena apfuka. 26Marungula ya mhaka yoleyo matwakala tikweni lero hinkwaru.
Ta kuhanyisiwa ka svifamahlo svimbirhi
27Loko Yesu asukile kolaho ni kuhundzela mahlweni, svifamahlo svimbirhi svimulandza, svili karhi svihuwelela sviku: “N'wana Davhida, hitwele vusiwana.” 28Kuteloko anghenile ndlwini, svifamahlo svita ka yena, kutani Yesu aku ka svona: “Xana mapfumela lesvaku ningamipfuna ke?” Sviku ka yena; “Ina Hosi!” 29Hi loko akhumba mahlo ya svona, aku: “Mitayendleliwa hilaha mipfumelaka hakona.” 30Kutani mahlo ya svona mapfuleka. Yesu asvilaya svinene, aku: “Tivoneleni lesvaku svingatshuki svitiviwa hi munhu!” 31Kambe loko svihumile, sviyavulavula hi yena tikweni lero hinkwaru.
Ta kuhanyisiwa ka mbheveve
32Loko vali karhi vahuma, kutisiwa munhu wa mbheveve, nasvona aali ni dimoni. 33Kuteloko dimoni rihlongoliwile, lweyi wa mbheveve avulavula. Kutani xitshungu xihlamala, xiku: “Mhaka leyi, yotanu, ayisivoniwa xikarhi ka Vaisrayele.” 34#Vona ni: Mat. 10:25; 12:24; Mar. 3:22; Luk. 11:15. Kambe Vafarisi vaku: “Ahlongola madimoni hi matimba ya hosi ya madimoni.”
Ta Yesu loko atwela vanhu vusiwana
35 # Vona ni: Mat. 4:23; Mar. 1:39; Luk. 4:44. Kutani Yesu arhendzeleka hi madoropa ni svidoropana hinkwasvu, ali karhi ajondzisa masinagogeni ya vona, achumayela Evhangeli ya Mfumu, ahanyisa hinkwavu lava vaxanisiwaka hi mavabzi ya tinxakaxaka. 36#Vona ni: Tinhl. 27:17; I Tih. 22:17; II Tikr. 18:16; Ezek. 34:5; Zak. 10:2; Mar. 6:34. Loko avona xitshungu, axitwela vusiwana, hikuva axikarhele, axitshamile hansi, xifana ni tinyempfu letingaliki ni murisi. 37#Vona ni: Luk. 10:2. Hi loko aku ka vajondzisiwa va yena: “Ntshovelo i wukulu, kambe vatirhi avatalanga. 38Hikolaho, kombelani ka N'winyi wa ntshovelo, lesvaku arhuma vatirhi kutshoveleni ka yena.”
ที่ได้เลือกล่าสุด:
Matewu 9: NTC2014
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Novo Testamento Changana © Bible Society of Mozambique, 2014.
