Mak 5
5
1GO koic ghet long tui pan e Gerat̤in.
2Ku te ci Yecu kaic piny e rie, ke rom ke ran nong jong raic, abuo te de rang. 3Ku rane aceng te de rang, ku acin ran ye leu e duot e jot̤. 4Ku aci koic dar e duot, yuen ku jot̤, ku twen̤ ked̤ia, ku acin ran ci leu ye kwak piny bi lier. 5Ku nin ked̤ia, akol ku ghokou, aceng kuric te de rang, ku kui, ku ngwet egwop alel. 6Ku te cen Yecu ting temaic, ke ring ku cim piny tong ye, 7ku cot. An yengu ba loi etong yin, Yecu Wen de N̤ialin Dit? Yin e a long, dunga a bui. 8Yecu aci ye yok nia, An jong raic bar be ran gwop. 9Go Yecu t̤iec, Col yi di? ku d̤uk, An acol teng, ghok a juec. 10Go ran Yecu t̤iec aret, An dunga gho ciec we e pan. 11Ku dier juec an̤yuet̤ e kur lom tet̤iok. 12Go jak raic goke Yecu t̤iec, An ciec gho dier gwup, buk lo t̤in. 13Go gam. Goke ben be ku lek dier gwup. Go dier ked̤ia (bianabur karou) goke t̤uoin agoric, ku lek weric, ku rot piu ke. 14Go koic ke buok dier goke tuoin, ku leke koic ke bai ku piny eben. Ku bike bi ke nia ting. 15Goke lo tong Yecu, ku tingke ran ci jong raic muk aci n̤yuic ku ceng alat̤, ku ci ber muol, yen teng, goke rioic. 16Ku koic kok ci luoi nia ting ken̤yin, eke lek koic puoi ben etong ran ci jak raic muk nia, ku etong dier. 17Go koic Yecu t̤iec bi jal panden. 18Ku te ler Yecu rieic, ke ran nong jong raic nia ke t̤iec Yecu bi lo to ke ye. 19Go jai, ku yok e, An lor tong met̤ku panduen, ku lek ke luoi dit de Bain̤ Dit, ku kaic dit e yepuou. 20Go lo, ku lek koic ke pan e Dekapolit̤ ka dit ci Yecu ke loi etong e, go koic gai ked̤ia.
21Ku te ci Yecu wer ber tem long tui, ke cuol dit e koic gwer: ku to Yecu wer t̤ok. 22Go Jairo ran dit de luang de N̤ialic go ben, ku te ting yen Yecu ke lo, ku cim Yecu cok, 23ku jiam, An n̤yant̤in-die at̤ou. Lor t̤ap e yicin bi pir. 24Go lo ke ye, ku buot̤ teng dit yecok, ku lek gol.
25Ku buo tiang tok anong tetok, yeriam akwer run t̤ier ku rou, 26ting ci wal ke koic ke wal juec gum, ku weouke ked̤ia aci ke riop, ku ci ngwen, aci lok a bec. 27Ku te cen ka ke Yecu ping, ke buo cien koicic ku got alan̤de, 28ku jiam, An te got an alan̤de abaic, an abi gwop piat̤. 29Go riam dai lo ngeo, ku tik yegwop n̤yic aci piat̤. 30Go Yecu n̤yic riel aci jal yegwop, ku wel rot e tengic, ku t̤iec, Yenga cʼalan̤die got? 31Go koickek puoic goke jam, An keca teng dit ting agol yi, ku ber gho t̤iec, yenga ca got? 32Go Yecu koic liec bi ting ci ye got ting. 33Go tik rioic ku lat̤, an̤yic luoi cen loi etong ye, ku jal lo ku cim piny etong Yecu, ku luel yiit̤. 34Go Yecu jam, An n̤yana gam cin e gam aci gwobdu pial. Lor, gho aci jal mat. Tetogdu aci jal.
35Te ngot eke jam, ke buo koic ghon de ran dit de luang de N̤ialic, ku jamke, An n̤yandu aci t̤ou; yengu ber alo yuec Bain̤ eman? 36Go Yecu welken ping, ku yok ran dit de luang de N̤ialic, An dunga rioic, gam abaic. 37Go Yecu lo ke ke Pita, ku Jakop, ku Jon wanmet̤ de Jakop, ku jie koic kok. 38Ku ghetke ghon de ran dit de luang de N̤ialic, ku ting koic eke d̤uor ku d̤iauke. 39Ku te ler en ghot, ke t̤iec, Yengu ye we d̤uor ku d̤iauka? N̤yane akec t̤ou, anin abaic. 40Goke Yecu dol. Ku te ci Yecu koic ciec gher ked̤ia, ke ber lo akent̤in tong n̤yan nia, ke ke un ku man ku koic cat̤ ke ye. 41Go Yecu cin de n̤ya kwak piny ku jiam, An Talit̤a kum. Te luel e yen e t̤ongda, N̤yana, yin e a yok, An jo rot. 42Go n̤ya rot dai jot ku cet̤. Yen anong run t̤ier ku rou. Go koic gai aret. 43Go Yecu ke yok. An duongka lek koic, ku yeka n̤ya miet̤ bi mit̤.
ที่ได้เลือกล่าสุด:
Mak 5: CIEC1916
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© British and Foreign Bible Society
