Mose I, 5
5
Adam nina
(Kronika I, 1.1-4)
1 #
Mose I, 1.27-28
Adam nina he sane ji nɛ ɔ nɛ. Benɛ Mawu bɔ nɔmlɔ ɔ, e pee nɔmlɔ ɔ kaa bɔ nɛ lɛ Mawu ɔ e ngɛ ɔ. 2#Mat 19.4; Mar 10.6 E bɔ nyumu kɛ yo nɛ e gbaa mɛ, nɛ e wo mɛ biɛ ke “adesa.” 3Benɛ Adam ye jeha 130 ɔ, e fɔ binyumu ko nɛ je lɛ saminya, nɛ e wo lɛ biɛ ke Set. 4Benɛ a fɔ Set se ɔ, Adam hi si jeha 800 nɛ e fɔ binyumuhi kɛ biyi kpahi. 5Adam ye jeha 930 nɛ e gbo.
6Benɛ Set ye jeha 105 ɔ, e fɔ binyumu nɛ e biɛ ji Enosh. 7Nɛ́ a fɔ Enosh se ɔ, Set hi si jeha 807 nɛ e fɔ binyumuhi kɛ biyi kpahi. 8Lɔ ɔ he ɔ, jeha abɔ nɛ Set ye loko e gbo ji 912.
9Benɛ Enosh ye jeha 90 ɔ, e fɔ binyumu nɛ a tsɛɛ lɛ Kenan. 10Nɛ́ a fɔ Kenan se ɔ, Enosh hi si jeha 815. E fɔ binyumuhi kɛ biyi kpahi, 11nɛ e gbo benɛ e ye jeha 905.
12Benɛ Kenan ye jeha 70 ɔ, e fɔ binyumu nɛ a tsɛɛ lɛ Mahalalel. 13Nɛ́ a fɔ Mahalalel se ɔ, Kenan hi si jeha 840. E fɔ binyumuhi kɛ biyi kpahi, 14nɛ e gbo benɛ e ye jeha 910.
15Benɛ Mahalalel ye jeha 65 ɔ, e fɔ binyumu nɛ a tsɛɛ lɛ Yared. 16Nɛ́ a fɔ Yared se ɔ, Mahalalel hi si jeha 830. E fɔ binyumuhi kɛ biyi kpahi, 17nɛ e gbo benɛ e ye jeha 895.
18Benɛ Yared ye jeha 162 ɔ, e fɔ binyumu nɛ a tsɛɛ lɛ Enok. 19Nɛ́ a fɔ Enok se ɔ, Yared hi si jeha 800. E fɔ binyumuhi kɛ biyi kpahi, 20nɛ e gbo benɛ e ye jeha 962.
21Benɛ Enok ye jeha 65 ɔ, e fɔ binyumu nɛ a tsɛɛ lɛ Metusela. 22Nɛ́ a fɔ Metusela se ɔ, Enok kɛ Mawu hi si saminya jeha 300. E fɔ binyumuhi kɛ biyi kpahi, 23nɛ e hi si jeha 365. 24#Heb 11.5; Yuda 14 Enok kɛ Mawu hi si saminya e wami be ɔ tsuo. Lɔ ɔ se ɔ, a nɛ lɛ hu; ejakaa Mawu ba ngɔ lɛ kɛ ho.
25Benɛ Metusela ye jeha 187 ɔ, e fɔ binyumu nɛ a tsɛɛ lɛ Lamek. 26Nɛ́ a fɔ Lamek se ɔ, Metusela hi si jeha 782. E fɔ binyumuhi kɛ biyi kpahi, 27nɛ e gbo benɛ e ye jeha 969.
28Benɛ Lamek ye jeha 182 ɔ, e fɔ binyumu. 29E de ke, “Dengme nɛ wa ngɛ gboe kɛ ngɛ ní tsue ngɛ zugba nɛ Yawɛ gbiɛ ɔ nɔ ɔ, bi nɛ ɔ ma ba wo wa bua.” Lɔ ɔ he ɔ, e wo jokuɛ ɔ biɛ ke Noa.#5.29 Noa: Ngɛ Hebri gbi mi ɔ, biɛ nɛ ɔ pɛɛ kaa munyu nɛ sisi ji “bua womi.” 30Benɛ a fɔ Noa se ɔ, Lamek hi si jeha 595. E fɔ binyumuhi kɛ biyi kpahi, 31nɛ e gbo benɛ e ye jeha 777.
32Benɛ Noa ye jeha 500 ɔ, e fɔ binyumuhi etɛ. Mɛ ji Shem, Ham, kɛ Yafet.
ที่ได้เลือกล่าสุด:
Mose I, 5: Dangme
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Bible in Dangme © Bible Society of Ghana, 2018.