Piilimka 5
5
1Adam buuni ale ŋmarisi dii a doa la le nna. Wen jam nye nurubiik kama ase wadek la. 2Wa jam nye ka nidoa le nipok a yaa niak ba. Wa le nye ba la, wa jam a wi ba ayen ka nuruba.
3Adam le goa paari bena kook ale pisita la wa biak ka nidoabili ase wadek la, a te wa yuei ayen Sɛti. 4Adam ale biak Sɛti la wa goa paari ka bena kobsanaaniŋ ale ŋman biak nidoabilisa ale lieba. 5Adam jam paari ka bena kobsaneok ale pisita alege kpi.
6Sɛti goa ka bena kook ale ŋanu ale biak Enos. 7Wa le biak Enos la, wa goa paari ka bena kobsanaaniŋ ale ŋayopɔi a biak nidoabilisa ale lieba. 8Sɛti benaŋa meena jam ka kobsaneok ale pi ale ŋaye alege kpi.
9Enos jam ka bena pineok ale biak Kenan. 10Wa le biak Kenan la, wa goa ka bena kobsanaaniŋ ale pi ale ŋanu alege biak nidoabilisa ale lieba. 11Enos benaŋa meena jam ka kobsaneok ale ŋanu alege kpi.
12Kenan jam ka bena pisiyopɔi alege biak Mayalale. 13Kenan ale biak Mayalale la wa ŋman goa paari ka bena kobsanaaniŋ ale pisinaansi a biak nidoabilisa ale lieba. 14Kenan benaŋa meena jam ka bena kobsaneok ale pi alege kpi.
15Mayalale jam ka bena pisiyuebi ale ŋanu alege biak Jared. 16Wa le biak Jared la wa ŋman goa paari ka bena kobsanaaniŋ ale pisita a biak nidoabilisa ale lieba. 17Mayalale benaŋa meena jam ka bena kobsanaaniŋ ale pineok ale ŋanu alege kpi.
18Jared jam ka bena kook ale pisiyuebi ale ŋaye alege biak Ɛnok. 19Wa le biak Ɛnok la, wa goa paari ka bena kobsanaaniŋ a biak nidoabilisa ale lieba. 20Jared benaŋa meena jam ka bena kobsaneok ale pisiyuebi ale ŋaye alege kpi.
21Ɛnok jam ka bena pisiyuebi ale ŋanu alege biak Metusela. 22Wa le biak Metusela la, wa paari ka bena kobsita a biak nidoabilisa ale lieba. Wa jam va Wen kama nalimnyiini. 23Ɛnok benaŋa meena jam ka bena kobsita ale pisiyuebi ale ŋanu. 24Ɛnok ale jam a va Wen nalimnyiini la, Wen deri pai wa ta cheŋ te ba an ŋman nya wa.
25Metusela jam ka bena kook ale pinaanuŋ ale ŋayopɔi alege biak Lamek. 26Wa ale biak Lamek la, wa goa paari ka bena kobsiyopɔi ale pinaanuŋ ale ŋaye a biak nidoabilisa ale lieba. 27Metusela benaŋa meena jam ka kobsaneok ale pisiyuebi ale neok alege kpi.
28Lamek jam ka bena kook ale pinaanuŋ le ŋaye alege biak nidoabili. 29Wa jam te wa yuei ayen ka Nowa. Wa jam weeni kama ayen Naawen ale ka te tɛŋka ate ti a tom ale ti nisima a nam diila, biika de ale yɔk ti sue. 30Wa ale biak Nowa la, wa goa paari ka bena kobsinu ale pineok ale ŋanu a biak nidoabilisa ale lieba. 31Lamek benaŋa meena jam ka kobsiyopɔi ale pisiyopɔi le ŋayopɔi alege kpi.
32Nowa jam ka bena kobsinu alege biak Sɛm, ale Yɛm, ale Jafet.
ที่ได้เลือกล่าสุด:
Piilimka 5: BWU
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
© 2023, Ghana Institute of Linguistics, Literacy and Bible Translation