Psalmyn 8
8
PSAL. 8.
Domine, Dominus noster.
1O Hiarn nyn Ghiannoort, cre cha ooasle ta dt’Ennym trooid ooilley’n theihll:
uss ta er hoiaghey dty ghloyr er-skyn ny niaughyn!
2Magh ass eer beïll oikanyn as cloan er y cheeagh t’ow er n’oardaghey niart, kyndagh rish dty noidyn:
dy voddagh oo yn noid, as yn eulyssagh y chastey.
3Son goym tastey jeh dty niaughyn, eer obbraghyn dty veïr:
yn eayst as ny rollaagyn t’ow er n’oardaghey.
4Cre ta dooinney, dy vel oo aggindagh er:
as mac y dooinney dy vel oo jeeaghyn er?
5Ren oo eh ny s’inshley na ny ainlyn:
dy chomm'rey eh lesh gloyr as ooashley.
6T’ow coyrt dasyn yn reill harrish obbraghyn dty laueyn:
as er choyrt dy-chooilley nhee ayns biallys fo e chassyn;
7Dy-chooilley cheyrrey as dow:
as myrgeddin beïyn y vagher;
8Eeanlee yn aer, as eeastyn ny marrey:
as cre-erbee ta snaaue trooid raaidyn ny faarkaghyn.
9O Hiarn nyn Ghiannoort:
cre cha ooasle ta dt’Ennym ayns ooilley yn seihll!
ที่ได้เลือกล่าสุด:
Psalmyn 8: PS1765
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
maintained by the British and Foreign Bible Society