INṬANNA 21
21
Isak pieng thu
1LALPA chun a hril ta angin Sara chu a zu kan a, LALPA chun a tiem ta angin Sara chungah a thawpêk bawk a.
2Chuongchun, Sara chu ân rai a, Pathienin a kuoma a hril hun ruot taka chun Abraham chu a tar hnungin naupasal a neipêk tah a.
3Abraham chun a naupasal nei, Sarain a neipêk chu a hmingah Isak#Isak chu, “innui” amanih, “ân nui” tina a sak a.
4 #
Tt 7.8 Chun, Abrahamin Pathienin a kuoma thu a pêk ang khan, a naupa Isak chu ni riet a tlingin a ser a tanpêk a.
5Abraham chu a naupa Isak a nei lai chun kum za mi a nih.
6Chun, Sara chun, “Pathienin a mi suknui tah; mi tin a hre taphawt chun mîn nuipui an tih,” a tih a.
7Ama bawk chun, “Sara hin nautehai a la pawm ding a nih ti tuin am Abraham kuomah hril ngaina hrieng an ta? a tar hnung hin naupasal ka neipêk ta hi,” a tih a.
Hagar le Ismael tirhmangna
8Chun, naute chu a hung inṭhang a, nene nêk an inbântir tah a, Isak chu nene nêk an inbântir ni chun Abrahamin ruoi ropuitak a ṭheh a.
9Chun, Aigupta mi, Hagar naupa, Abraham ta dinga a neipêk chun a nuisan lai Sara chun a hmuh a.
10 #
Gal 4.30 Chuleichun, Abraham kuoma chun, “Hi suoknu le a naupa hi hnawt suok rawh; hi suoknu naupa hi ka naupa Isak ro hluopuitu ding ni thei naw nih,” a tih a.
11Chu thu chu a naupa Ismael lei chun Abraham ta ding chun lung- ngaithlâk tak a nih.
12 #
Rom 9.7; Heb 11.18 Nisienlakhawm, Pathienin Abraham kuoma chun, “Naupang le i suoknu chungchâng thu lei hin beidawng naw rawh: Sarain i kuoma thu a hril po po chu zâwm rawh, Isaka hin i thlahai an la ti ding a ni sih a.
13Chun, suoknu naupaa khawm hin i thla a ni leiin chi ti khawp zet la siem ka tih,” a tih a.
14Chuongchun, Abraham chu zîngkâr inhmatakin a tho a, bei le tuiûm a lâk a, Hagar kuomah a pêk a, a liengkoah ân chuonpêk a, naupang le chun ân fetir tah a; chuongchun, a feh a, Beer-seba thlalêra chun ân vâk ân vâk tah a.
15Chun, tuiûma tui chu a hung bo tah a, chuongchun, naupang chu chîmbuk pakhat hnuoiah a sie el tah a.
16Chun, “Naupang thi ding chu ka en ngam nawh,” a ti leiin a feh a, hla fe thal kâp phâk ding chena hin, a hma zâwna chun a va ṭhung ta chawt a. Chuonga a hma zâwna a ṭhung lai chun inringtakin#Inletna hlui pakhata chun “Naupang chu a ṭap...” ti a nih a ṭap tah a.
17Chun, Pathienin naupang râwl chu a hriet a, chun Pathien vântir- koin vâna inthawkin Hagar chu a zuk ko a, a kuomah, “Hagar, iengin am a sukbuoi che leh? ṭi naw; a umnaa naupang râwl kha Pathienin a hriet a nih.
18Tho la, naupang kha keitho la, i kutin chel rawh, ama chu chi ropuitakah ka siem ding a nih,” a ta.
19Chun, Pathienin a mit a sukvarpêk a, tuisunsuo a hmu tah a: chuongchun, a va feh a, tuiûma chun tui chu a thun sip a, naupang chu ân dâwntir tah a.
20Chun, Pathien chu naupang kuoma chun a um hlak a, a hung inṭhang lien pei a; thlalêrah a um hlak a, thal kâp thiem mi a hung ni tah a.
21Paran thlalêra chun a um a; chun, a nuin Aigupta rama inthawk nuhmei a neipêk tah a.
Abraham le Abimelek inkâra Thuthlung
22Chuong lai chun Abimelek le a sipai pâwl hotu Phikol chun Abraham kuomah, “I thilthaw taphawtah Pathien i kuomah a um pei hlak a:
23chuleiin, ka lo lunginsiet ta che ang khan kei le hi i khuolchâmna ram hi lunginsiet ve thunga, kei le ka nau- pa le ka naupa naupa khawm hlêm lo dingin Pathien hming sâlin tuhin ka kuomah inkhâm rawh,” a tih a.
24Abraham chun, “Inkhâm ta naw ning am,” a tih a.
25Chun, Abimelek siehlawhaiin tuisunsuo an lâkpêk lei chun Abimelek chu Abraham chun a lo kâwk a.
26Abimelek chun, “Chu thil thawtu chu tu am a nih ka hriet dêr nawh a; nang hlakin i mi hril si nawh a, vawisûn chau naw chu ka la hriet dêr nawh,” a ta.
27Chuongchun, Abraham chun berâmhai le bâwngchalhai a ṭhuoi a, Abimelek kuomah a pêk a: chun, an pahni chun thu an thlung tah a.
28Abraham chun a berâm ruol laia mi berâmte a la pasari a sie tum a.
29Abimelek chun Abraham kuomah, “Berâmte a la pasari a tuma i sie hi ieng tina am a na?” a ta.
30Ama chun, “Hi tuisunsuo hi keiin ka icho a nih ti i mi hrietpuina dingin hi berâmte a la pasari hi ka kuta inthawkin i lâk ding a nih,” a tih a.
31 #
Gen 26.33 Chuleichun, chu hmun chu Beer-seba#Inkhâmna (oath) amanih, Thutiemna (vow) Tuisunsuo. “Pasari Tuisunsuo” ti khawm a nih ân bûk a: chutaka chun an pahniha ṭawng an inkhâm rêl leiin.
32Chuongchun, Beer-sebaa chun thu an thlung tah a: chun, Abimelek chu a tho a, a sipai pâwl hotu Phikol leh Philistinhai rama chun an kîr nâwk tah a.
33Abraham chun Beer-sebaa chun tamarisk thing a phun a, chutaka chun LALPA Chatuon Pathien hming chu a lam a.
34Chuongchun, Abraham chu Philistin mihai rama chun sâwttak a um a.
ที่ได้เลือกล่าสุด:
INṬANNA 21: HMARCLBSI
เน้นข้อความ
แบ่งปัน
คัดลอก
ต้องการเน้นข้อความที่บันทึกไว้ตลอดทั้งอุปกรณ์ของคุณหรือไม่? ลงทะเบียน หรือลงชื่อเข้าใช้
Hmar CL Bible - Pathien Lekhabu Inthieng
Copyright © Bible Society of India, 2015.
Used by permission. All rights reserved worldwide.
